مرکب غیر مفید کا بیان

[ابو داؤد]

مرکب غیر مفید کا بیان

​

بسم اللہ الرحمن الرحیم

تعریف: المُرَكَّبُ غَيْرُ الْمُفِيدِ وہ کلام ہے کہ اگر متکلم اس پر خاموش ہو جائے تو سننے والے کو نہ کوئی واقعہ معلوم ہو اور نہ ہی کسی چیز کی طلب یا ہدایت حاصل ہو۔

مثال: جاءَ غُلَامُ زَيْدٍ (زید کا غلام آیا)۔ یہ جملہ مکمل مفہوم دے رہا ہے، لیکن اگر صرف کہا جائے غُلَامُ زَيْدٍ (زید کا غلام) تو اس سے کوئی خبر یا طلب واضح نہیں ہوتی۔ یہی مرکب غیر مفید ہے۔

مرکب غیر مفید کی اقسام

مرکب غیر مفید کی چار قسمیں ہیں:

1. مرکب اضافی
2. مرکب توصیفی
3. مرکب مزجی
4. مرکب بنائی

1. مرکب اضافی

تعریف:
المُرَكَّبُ الْإِضَافِيُّ: هُوَ مَا تَرَكَّبَ مِنَ الْمُضَافِ وَالْمُضَافِ إِلَيْهِ (وہ مرکب جو مضاف اور مضاف الیہ سے مل کر بنا ہو۔)

مثال: كِتَابُ زَيْدٍ (زید کی کتاب)

2. مرکب توصیفی

تعریف:
المُرَكَّبُ التَّوْصِيفِيُّ: هُوَ مَا تَرَكَّبَ مِنَ الصِّفَةِ وَالْمَوْصُوفِ (وہ مرکب جو صفت اور موصوف سے مل کر بنا ہو۔)

مثال: ثَوْبٌ جَدِيدٌ (نیا کپڑا)

3. مرکب مزجی

تعریف:
المُرَكَّبُ الْمَزْجِيُّ: هُوَ كُلُّ كَلِمَتَيْنِ رُكِّبَتَا وَجُعِلَتَا كَلِمَةً وَاحِدَةً (وہ مرکب ہے جس میں دو کلمات کو اس طرح ملا دیا جائے کہ ایک ہی کلمہ بن جائے، اور جزو ثانی اپنے اندر کسی حرف کو شامل نہ کرے۔)

مرکب مزجی کی اقسام

مرکب مزجی کی دو ذیلی اقسام ہیں:

1. مرکب صوتی
2. مرکب منع صرف

(الف) مرکب صوتی

تعریف:
المُرَكَّبُ الصَّوْتِيُّ: هُوَ مَا كَانَ الْجُزْءُ الثَّانِي صَوْتًا مَبْنِيًّا عَلَى الْكَسْرِ (وہ مرکب جس کا دوسرا جزو صوت ہو اور کسرہ پر مبنی ہو۔)

مثال: سِيبَوَيْه
یہ دراصل دو کلمات سے مرکب ہے، اس کا دوسرا جزو "وَيْه" صوت ہے۔ دونوں اجزاء مبنی ہیں۔

(ب) مرکب منع صرف

تعریف:
مُرَكَّبٌ مَنْعِ الصَّرْفِ: هُوَ مَا جُعِلَ الْاِسْمَانِ فِيهِ اسْمًا وَاحِدًا وَلَا يَتَضَمَّنُ الْاِسْمُ الثَّانِي حَرْفًا (وہ مرکب جس میں دو اسموں کو ملا کر ایک اسم بنا دیا جائے، اور دوسرا جزو کسی اضافی حرف کو شامل نہ کرے۔)

مثالیں: بَعْلَبَكّ، نِيُو يَوْرْك، بَيْتُ لَحْمٍ

(نوٹ : مرکب بنائی کی تفصیل ایک الگ بحث کا تقاضا کرتی ہے۔ اس پر کلام دوسرے مضمون میں پیش کیا جائے گا۔ ان شاء اللہ)