مسافت قصر کی حد

[رضا میاں]

اسلام علیکم۔
صحیح مسلم کی حدیث کے مطابق نبی اکرم ﷺ نے تین میل یا تین فراسخ کی مسافت پر دو رکعات پڑھے۔
لیکن امام ابن تیمیہ کے مطابق قصر تب کی جائے گی جب کوئی شخص عرف عام کے مطابق مسافر قرار پائے۔

ان میں سے کون سا طریقہ صحیح ہے۔ کیا تین فراسخ پر ہر حال میں قصر ہو جاتی ہے یا عرف عام کی طرف رجوع کریں؟
میرا کالج پندرہ میل کی مسافت پر ہے اور میں روز وہاں جاتا اور آتا ہوں (زیادہ سے زیادہ پندرہ بیس منٹ لگتے ہیں بذریعہ کار)، تو کیا وہاں پر قصر کروں یا مکمل نماز پڑھوں؟
اگر مجھے وہاں قصر کرنی چاہیے تو کیا: اگر میں وہاں پر قصر کروں جبکہ مجھے پتہ ہے کہ گھر پہنچ کر بھی نماز کا ٹائم باقی ہو گا، تو کیا میں قصر پڑھ سکتا ہوں؟ یا گھر آ کر مکمل نماز ادا کروں؟

جلد سے جلد جواب دیں۔ جزاک اللہ خیرا۔

 

[ابوالحسن علوی]

میرا کالج پندرہ میل کی مسافت پر ہے اور میں روز وہاں جاتا اور آتا ہوں (زیادہ سے زیادہ پندرہ بیس منٹ لگتے ہیں بذریعہ کار)، تو کیا وہاں پر قصر کروں یا مکمل نماز پڑھوں؟

پندرہ میل سفر کا اگر مطلب یہ ہے کہ آپ شہر کی حدود میں ہی ہیں تو آپ مسافر نہیں ہیں کیونکہ اپنے شہر میں چاہے پچاس میل بھی سفر کر لیا جائے تو وہ مسافر نہیں کہلاتا ہے لہذا قصر نہیں ہو گی اور اگر یہ پندرہ میل کا سفرشہر کی حدود سے باہر ہے تو اتنا سفر عرف عام میں سفر کہلاتا ہے اور اتنا سفر کرنے والا مسافر ہے اور قصر کر سکتا ہے۔

اگر مجھے وہاں قصر کرنی چاہیے تو کیا: اگر میں وہاں پر قصر کروں جبکہ مجھے پتہ ہے کہ گھر پہنچ کر بھی نماز کا ٹائم باقی ہو گا، تو کیا میں قصر پڑھ سکتا ہوں؟ یا گھر آ کر مکمل نماز ادا کروں؟

قصر ایک آپشن ہے یعنی رخصت ہے، لازم نہیں ہے۔ دوران سفر قصر کر لیں یا گھر پہنچ کر مکمل نماز ادا کر لیں۔ دونوں صورتیں درست ہیں۔ نماز کا وقت داخل ہونے کے بعد اللہ کا حکم متوجہ ہو جاتا ہے۔

 

[رضا میاں]

پندرہ میل سفر کا اگر مطلب یہ ہے کہ آپ شہر کی حدود میں ہی ہیں تو آپ مسافر نہیں ہیں کیونکہ اپنے شہر میں چاہے پچاس میل بھی سفر کر لیا جائے تو وہ مسافر نہیں کہلاتا ہے لہذا قصر نہیں ہو گی اور اگر یہ پندرہ میل کا سفرشہر کی حدود سے باہر ہے تو اتنا سفر عرف عام میں سفر کہلاتا ہے اور اتنا سفر کرنے والا مسافر ہے اور قصر کر سکتا ہے۔

بلکہ میں تو دو دو شہروں سے ہو کر گزرتا ہوں۔ دراصل یہاں پر شہروں کی حدود بہت چھوٹی ہیں۔ ایک شہر سے دوسرے شہر جانا کوئی بڑی بات نہیں سمجھی جاتی۔ یہاں تو کوئی شخص دودھ لینے کے لیے بھی دوسرے شہر جا سکتا ہے۔ ابتسامہ