مشرکین مکہ کس کی عبادت کرتے تھے؟

[عامر]

السلام علیکم،

مشرکین مکہ کس کی عبادت کرتے تھے؟

جیسا کہ مندرجہ ذیل آیات میں اسکا ذکر ہے:

دیکھو خالص عبادت خدا ہی کے لئے (زیبا ہے) اور جن لوگوں نے اس کے سوا اور دوست بنائے ہیں۔ (وہ کہتے ہیں کہ) ہم ان کو اس لئے پوجتے ہیں کہ ہم کو خدا کا مقرب بنادیں۔سورة الزمر-٣

اور یہ (لوگ) خدا کے سوا ایسی چیزوں کی پرستش کرتے ہیں جو نہ ان کا کچھ بگاڑ ہی سکتی ہیں اور نہ کچھ بھلا ہی کر سکتی ہیں اور کہتے ہیں کہ یہ خدا کے پاس ہماری سفارش کرنے والے ہیں۔ سورة يونس-١٨

جزاک اللہ خیرا

 

[عامر]

شیخ متوجہ ہوں جواب کا انتظار ہو رہا ہے

 

[ابوالحسن علوی]

وعلیکم السلام
سوال جس قدر مجھ پر واضح ہوا ہے، اس کا جواب دینے کی کوشش کر رہا ہوں کہ مشرکین در حقیقت اپنے آباواجداد میں سے نیک اور متقی حضرات کی عبادت کرتے تھے جو ان سے پہلے ہو گزرے تھے اور انہوں نے ان کے بت بنا کر ان متقین کی عبادت شروع کر دی تھی جیسا کہ ٍصحیح بخاری میں حضرت عبد اللہ بن عباس رضی اللہ عنہ سے مروی ہے کہ لات دور جاہلیت میں حاجیوں کو ستو گھول کر پلایا کرتا تھا۔ (صحیح بخاری، کتاب التفسیر، باب افرایتم اللات والعزی)