مشرک سے کوئی چیز خریدنے کے بارے میں سوال

[محمد ارسلان]

بسم اللہ الرحمن الرحیم
السلام علیکم ورحمۃ اللہ وبرکاتہ
ایسا شخص جو اللہ کے ساتھ کسی کو شریک کرے یا آدمی یہ بات جانتا ہو کہ اس کا عقیدہ شرکیہ ہے تو کیا اس سے کوئی چیز خریدی جا سکتی ہے؟

 

[رفیق طاھر]

جی ہاں خریدی جاسکتی ہے ۔
کفارومشرکین کے ساتھ بیع وشراء کرنا حرام نہیں ہے بلکہ جائز ومباح ہے ۔
اسکی واضح ترین دلیل یہ ہے کہ رسول اللہ صلى اللہ علیہ وسلمنے اپنی درع ایک یہودی کے ہاں گروی رکھ کر اپنے اہل بیت کے لیے کچھ راشن اس سے خریدا تھا۔
یہ روایت صحیح بخاری سمیت متعدد کتب حدیث میں موجود ہے
دیکھیے صحیح بخاری ۲۰۶۹ ,جامع ترمذی ۱۲۱۵ ,نسائی ۴۶۱۰ , ابن ماجہ ۲۴۳۷

 

[محمد ارسلان]

جزاک اللہ خیرا رفیق بھائی

 

[انس]

جزاکم اللہ خیرا رفیق بھائی!
اس لنک میں کچھ مزید تفصیلات ہیں، اگر کوئی خواہشمند ہو تو۔

 

[ابوعمر]

السلام وعلیکم ورحمتہ اللہ وبرکاتہ

جزاک اللہ شیخ رفیق طاہر بھائی اور انس بھائی! مجھے ایک مسئلہ اور واضح کر دیں کہ شیزان کی مصنوعات کیا اسی ضمن میں ہیں۔کیونکہ عام طور پر یہ مشہور ہے کہ قادیانی حضرات اپنی آمدنی کا 5 فیصد اپنے دین کے فروغ کے لئے دے دیتے ہیں۔

فی امان اللہ

 

[شاکر]

شیزان کی مصنوعات کیا اسی ضمن میں ہیں۔کیونکہ عام طور پر یہ مشہور ہے کہ قادیانی حضرات اپنی آمدنی کا 5 فیصد اپنے دین کے فروغ کے لئے دے دیتے ہیں۔

ابھی شیزان کی طرف سے یہ تشہیر کی گئی ہے کہ یہ کمپنی قادیانیوں نے بیچ دی ہے اور اب اس کے مالکان قادیانی نہیں ہیں۔ حالانکہ ابھی کچھ ماہ قبل میں اس کمپنی میں کچھ روز تک مسلسل جاتا رہا تو معلوم ہوا کہ اب بھی وہاں ہائر مینجمنٹ سے لے کر ڈرائیورز حضرات تک قادیانی ہیں، اور میرٹ کے بجائے قادیانیوں کو ترجیحاً پوسٹ دی جاتی ہیں۔ البتہ یہ بھی ہے کہ وہاں دیگر اہل سنت کے مسالک سے تعلق رکھنے والے لوگ موجود ہیں۔ لیکن ان کا حال پتلا ہے۔

 

[رفیق طاھر]

السلام وعلیکم ورحمتہ اللہ وبرکاتہ

جزاک اللہ شیخ رفیق طاہر بھائی اور انس بھائی! مجھے ایک مسئلہ اور واضح کر دیں کہ شیزان کی مصنوعات کیا اسی ضمن میں ہیں۔کیونکہ عام طور پر یہ مشہور ہے کہ قادیانی حضرات اپنی آمدنی کا 5 فیصد اپنے دین کے فروغ کے لئے دے دیتے ہیں۔

فی امان اللہ

اللہ تعالى نے فرمایا ہے :
لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُواْ الْيَهُودَ وَالَّذِينَ أَشْرَكُواْ [المائدة : 82]
لوگوں میں اہل ایمان کی دشمنی میں سب سے زیادہ سخت آپ یہودیوں اور مشرکوں کو پائیں گے ۔
اور یقینا جو سخت ترین دشمن ہوتا ہے وہ اپنی دشمنی ضرور نکالتا ہے , اور یہودی اہل اسلام کے خلاف سازشیں کرنے میں اول دن سے ابتک معروف ومشہور لیکن اس سب کچھ کے باوجود نبی کریم صلى اللہ علیہ وسلم نے ان سے تجارت کی ہے ۔
اس سے معلوم ہوتا ہے کہ اصل کام ان سے تجارت کا حلال ہونا ہی ہے خواہ وہ اس منافع سے حاصل شدہ رقم کو اپنے دین کی ترویج میں صرف کریں یا اسلام دشمنی میں صرف کریں۔
لیکن اس اصل اور رخصت کے مقابلہ میں ایک ترجیح اور عزیمت بھی ہے اور وہ ہے کہ جب مسلمانوں سے ایک چیز کی تجارت ممکن ہو تو اہل اسلا م کو اس میدان میں ترجیح دی جائے , الولاء والبراء کا تقاضا بھی یہی ہے ۔

 

[ابوعمر]

السلام وعلیکم ورحمتہ اللہ وبرکاتہ

شاکر بھائی! معلومات فراہم کرنے کا بے حد شکریہ! قادیانی حضرات نے سادہ لوح مسلمانوں کو دھوکہ دینے کے لئے ایک اور طریقہ اختیار کیا ہے وہ یہ ہے کہ حدیث نبوی
انا خاتم االنبین لا نبی بعدی
شیزان کی ہر بیکری پر لکھ کر لگا دی گئی ہے۔ تاکہ لوگوں کی آنکھوں میں دھول جھونکی جا سکے۔
کیا یہ ہمارا دینی فریضہ بنتا ہے کہ لوگوں کو اس متعلق معلومات فراہم کریں؟

فی امان اللہ

 

[راجا]

جی یہ قادیانی حضرات تو سنا ہے کہ پیسے دے کر بھی قادیانی بنا لیتے ہیں۔ پتہ نہیں کتنا سچ ہے اس بات میں۔