مشکل الفاظ کی لائبریری

[Dua]

بسم اللہ الرحمٰن الرحیم​

​

السلام علیکم ورحمتہ اللہ وبرکاتہ،​

دنیا کی تمام لغات میں اردو زبان کا ایک الگ ہی مقام ہے،یہ اس لیے بھی پسندیدہ ہے کہ اردو زبان کے بیشتر الفاظ "لغہ عربی" سے لئے گئے ہیں۔ہر زبان کی طرح اردو میں بھی ایسے بے شمار الفاظ موجود ہیں ،جو اپنے اندر وسیع معانی سمیٹے ہوئے ہیں۔اپنے اسلوب اور روزمرہ کی گفتگو و شنید میں شائستگی اور خوبصورتی کے لیے ان الفاظ کے استعمال سے قبل ان سے واقفیت ہونا ضروری ہے۔اس مقصد کے لیے بہت عرصے سے مشکل اور مبہم الفاظ کے معنی کے لیے "دھاگہ" کی صورت میں ایک لڑی کی ضرورت محسوس کی جارہی تھی۔جس میں اردو زبان میں استعمال کیئے جانے والے مشکل الفاظ کے معانی بیان کیئے جائیں۔اس سلسلے میں اہل فن سے تعاون کی گزارش ہے۔​

​

یوسف ثانی بھائی و دیگر مہارت رکھنے والے اس سلسلے میں راہنمائی کرتے رہیں۔​

چونکہ یہ الفاظ بھی دین اسلام کے احکامات اور نشر واشاعت کے لیے معاون ثابت ہوتے ہیں تو اللہ سے دعا ہے کہ اللہ تعالی اس کوشش کو ہماری نیکیوں میں شمار کر دے۔آمین​

​

​

 

[علی بہرام]

ایسی کے ساتھ اگر اردو گرامر سکھانے کا بھی بندوبست ہوجائے تو کیا ہی بات کیونکہ اس فورم پر اس کی ضرورت میں نے بہت ذیادہ محسوس کی ہے( میری اس بات سے اختلاف کرنے کا حق ہر کسی کو حاصل ہے )

 

[Dua]

اِباحِیَّہ
[اِبا + حی + یَہ] (عربی)
ب و ح اِباحِیَّہ
'اباح' کے ساتھ 'ی' لاحقۂ نسبت اور 'ہ' لاحقۂ تانیث ہے۔ اردو میں بطور اسم مذکر استعمال ہوتا ہے۔
اسم معرفہ ( مذکر - واحد )
1. وہ فرقہ جو حلال و حرام کا قائل نہیں اور جس کا خیال ہے کہ انسان میں نہ گناہوں سے بچنے کی قدرت ہے نہ مامورات بجا لانے کی طاقت، دنیا میں کوئی کسی چیز کا مالک نہیں،سب لوگ اموال و ازواج میں شریک ہیں۔

اِباحِیَّت
[اِبا + حی + یَت] (عربی)

اسم کیفیت ( مؤنث - واحد )
1. فرقہ اباحیہ کا عمل یا مذہب۔


اَباطِیل
[اَبا + طِیل] (عربی)

صفت ذاتی
1. جھوٹ، غلط۔

 

[Dua]

اِبْتِداع
[اِب + تِداع] (عربی)

اسم نکرہ
1. ایجاد، کوئی نئی چیز بنانا یا پیدا کرنا۔

اَباعِد
[اَبا + عِد] (عربی)

اسم کیفیت
1. زیادہ دور، بعید تر، بہت پرے۔

اِبْتِغا
[اِب + تِغا] (عربی)

عربی زبان سے اسم مشتق۔ ثلاثی مزید فیہ کے باب افتعال سے مصدر اور اردو میں بطور حاصل مصدر مستعمل ہے۔ عربی میں اصل لفظ 'ابتغاء' ہے اردو میں 'ء' کی آواز نہ ہونے کی وجہ سے 'ابتغا' لکھا جاتا ہے، 'ابتغاء' بھی مستعمل ہے۔
متغیّرات
اسم حاصل مصدر
1. طلب، خواہش (ترکیب میں مستعمل)۔

 

[محمد نعیم یونس]

ایسی کے ساتھ اگر اردو گرامر سکھانے کا بھی بندوبست ہوجائے تو کیا ہی بات کیونکہ اس فورم پر اس کی ضرورت میں نے بہت ذیادہ محسوس کی ہے( میری اس بات سے اختلاف کرنے کا حق ہر کسی کو حاصل ہے )

اسی
زیادہ

 

[اخت ولید]

وعلیکم السلام ورحمۃ اللہ وبرکاتہ
دعا بہنا اتنے دقیق الفاظ۔ ۔ اجازت ہو توفریم کروا کے سامنے دیوار پر لگا لوں؟):

ایسی کے ساتھ اگر اردو گرامر سکھانے کا بھی بندوبست ہوجائے تو کیا ہی بات کیونکہ اس فورم پر اس کی ضرورت میں نے بہت ذیادہ محسوس کی ہے( میری اس بات سے اختلاف کرنے کا حق ہر کسی کو حاصل ہے )

اسی
زیادہ

لو آپ اپنے دام میں صیاد آ گئے:)

 

[جوش]

فکر اچھی ہے اورطریقہ کار بھی عمدہ ہے اللہ کامیاب کرے