مصری سیاحت کے لیے ایک ہوٹل اسلامی بھی

[بخاری سید]

مصر میں بحیرۂ احمر کے کنارے سیاحوں کے لیے معروف شہر الغردقہ میں ایک ’اسلامی ہوٹل‘ کھولا گیا ہے۔ اس ہوٹل کی خوبیاں ذرا ہٹ کے ہیں۔ یہاں نہ تو شراب ملتی ہے اور نہ ہی سگریٹ یا شیشہ۔
اس ہوٹل میں عورتوں اور مردوں کے لیے علیٰحدہ علیٰحدہ منزلوں پر رہنے کے انتظامات ہیں۔ یہ ایسا علاقہ ہے جہاں غیر ملکی سیاحوں کو اپنی جانب متوجہ کرنے والے ہوٹلوں کی بھر مار ہے۔ مسلم اکثریت والے اس علاقے میں بکینی میں عورتوں کا نظر آنا عام ہے۔ ایسے میں ’اسلامی ہوٹل‘ کے کھلنے کو ایک نئے دور کے آغاز سے تعبیر کیا جا رہا ہے۔ اس ہوٹل کے مالک یاسر کمال ہیں اور ان کا کہنا ہے کہ وہ 25 سال سے اس طرح کے ہوٹل کا خواب دیکھ رہے تھے۔مقامی صحافی علیم مقبول کا کہنا ہے کہ اسلامی ہوٹل کی سب سے بڑی خوبی ہے کہ یہاں خواتین کے آرام کا علیٰحدہ انتظام ہے۔ہوٹل کی چھت صرف خواتین کے لیے کھلی ہے۔ یہاں موجود سوئمنگ پول اور آرام گاہ میں مردوں کا داخلہ ممنوع ہے۔یہ ہوٹل نیا ہے اس لیے یہاں ابھی زیادہ سیاح نہیں ہیں پھر بھی جو خاندان یہاں آتے ہیں، ان میں سے خاص طور پر خواتین اپنے لیے مخصوص انتظامات کے بارے میں بہت پرجوش ہیں۔ ایک خاتون سیاح حبیبہ محمد کا کہنا ہے، ’یہاں آکر اچھا لگا اور مجھے یہ آئیڈیا بہت پسند آیا۔ اب ہمارے پاس ہماری اپنی جگہ ہے۔ یہاں زیادہ پر سکون ماحول ہے۔‘ جب ہوٹل کا افتتاح ہوا تو ہوٹل کے سارے ملازمین نے شراب کی ساری بوتلیں توڑ ڈالیں جو اس بات کا اعلان تھا کہ اس ہوٹل میں شراب مکمل طور پر پابندی ہے۔ اسلامی ہوٹل کے منیجر یاسر کمال کہتے ہیں، ’حکومت کو چاہیے کہ کچھ ہوٹلوں میں شراب پر پوری طرح پابندی لگا دیں۔‘ ان کے خیال میں ایسا کرنے سے آنے والی نوجوان نسل اور خواتین کو شراب نوشی سے بچایا جا سکتا ہے۔ شعبۂ سیاحت کے حکام کا کہنا ہے وہ اس طرح کی پابندیوں کے خیال سے متفق نہیں ہیں۔ مگر وہ نئے اقدام کا خیر مقدم بھی کرتے ہیں۔ سیاحت کے ڈائرکٹر احمد الدور کہتے ہیں، ’تمام ہوٹلوں میں شراب پر پابندی نہیں لگائی جا سکتی۔ یہ ایک بین الاقوامی شہر ہے۔ یہاں ویسی تمام سہولیات ہونی چاہئے جو دوسرے ہوٹلوں میں ہیں۔‘ الغردقہ کے ہوٹلوں میں آنے والے سیاح یہاں کے وسیع و عریض ساحلوں کا مزہ لینے اور شراب نوشی کے لیے آتے ہیں۔ اور اس حقیقت کے باوجود کہ اب مصر میں نئی اسلامی حکومت اقتدار میں آ چکی ہے، اس طرح کی جگہوں پر اب تک کوئی زیادہ تبدیلی نہیں آئ ہے۔ مصر میں حالیہ انقلاب سے یہاں کی سیاحت کی صنعت کافی متاثر ہوئی ہے۔ اسے پھر سے پرانی روش پر لانے اور مصر آنے والے سیاحوں کی تعداد بڑھانے میں یاسر کمال کا یہ قدم مؤثر ثابت ہو سکتا ہے۔

 

[بخاری سید]

اسلامی ممالک میں شراب پر پابندی ہی ہونی چاہیے اور خواتین کے لیے بھی ہوٹلوں میں الگ سے انتظام ہونا چاہیے۔ یہ بات خوش آئند ہے کہ مصر جیسے ملک میں جہاں معیشت کا زیادہ دار و مدار ہی سیاحت پر ہے وہاں اس قسم کے ہوٹل کا قیام عمل میں آیا ہے۔ لیکن ایک طرح سے دیکھا جائے تو اسلامی ملک میں ایسا ہوٹل کھلنا جہاں یہ خاص طور پر لکھا ہو کہ یہاں شراب دستیاب نہیں کچھ عجیب سی بات لگتی ہے۔

 

[محمد نعیم یونس]

اسلامی اقدار سے متاثر اس نئی سیاحت کا خاص کر اب یہی پیغام ہے کہ، ’آئیے، آپ سب کا استقبال ہے۔‘

عن أبی أمامة، أن رجلاً قال: یا رسول اللہ! ائذن لی فی السیاحة؟ قال النبی ﷺ: اِن سیاحة أمتی: الجہاد فی سبیل اللہ۔ (رواہ أبو داود۔ قال ال ألبانی: صحیح۔ دیکھئے: صحیح أبی داود لل ألبانی رقم: 2247)
ابو امامہؓ سے روایت ہے، کہ ایک آدمی نے عرض کی: اے اللہ کے رسول! مجھے سیاحت کی اجازت مرحمت فرمائیے۔ نبی ﷺ نے فرمایا:

”بے شک میری امت کی سیاحت جہاد فی سبیل اللہ ہے“

 

[بخاری سید]

برادر محمد نعیم یونس۔ مندرجہ بالا الفاظ جن کا اقتباس لیا گیا ہے یہ میرے الفاظ نہیں تھے بلکہ اس خبر رساں ادارے کے الفاظ تھے جس نے یہ خبر نشر کی۔ تاہم آپ کی جانب سے اس پر توجہ مبذول کروانے پر میں تہہ دل سے آپ کا مشکور ہوں۔
جزاک اللہ خیرا

 

[محمد نعیم یونس]

برادر محمد نعیم یونس۔ مندرجہ بالا الفاظ جن کا اقتباس لیا گیا ہے یہ میرے الفاظ نہیں تھے بلکہ اس خبر رساں ادارے کے الفاظ تھے جس نے یہ خبر نشر کی۔ تاہم آپ کی جانب سے اس پر توجہ مبذول کروانے پر میں تہہ دل سے آپ کا مشکور ہوں۔
جزاک اللہ خیرا

السلام علیکم بخاری بھائی۔
فکر نہ کریں یہ بات میں سمجھ گیا تھا اسی لیے آپ کی پوسٹ نمبر 1 پر پسند کا بٹن نہیں دبایا بلکہ جو الفاظ آپ نے پوسٹ نمبر 2 میں لکھے ہیں ان کے لیے شکریہ ادا کیا تھا۔ جزاک اللہ خیرا و احسن الجزاء۔

 

[بخاری سید]

قابل اعتراض الفاظ کی نشاندہی پر اب تدوین کر دی گئی ہے اللہ تعالیٰ اس غیر دانستہ غلطی پر مجھے گرفت سے مبرا فرمائے آمین۔

 

[محمد نعیم یونس]

آمین یا رب العالمین۔

 

[کنعان]

السلام علیکم

جیسا کہ مصر پر ایک ہوٹل سے خبر پیش کی گئی ھے اس پر اسی حوالہ سے مصر کے دوسرے ہوٹلز سسٹم پر روشنی ڈالنا اس فارم میں ضروری نہیں کیونکہ کتابوں کے حوالہ سے کچھ اور اور حقیقت میں کچھ اور ھے اور جس نے کتابوں میں پڑھا ھے اس پر ایک عجیب سی بحث سے بچنے کے لئے دوسرا رخ استعمال کرتے ہیں کبھی ضرورت پڑی تو اس پر کسی اور جگہ روشنی ڈالیں گے۔

الامارات کی ایک سٹیٹ جس کا نام شارجہ ھے وہاں 1 سے 5 سٹار ہوٹلز میں شراب نہیں ملتی کیونکہ وہاں کا صاحب السمو الشيخ سلطان بن محمد القاسمي جو پڑھا لکھا اور دین دار ھے۔ اس لئے اس نے وہاں اسے ہوٹل سلیز بند کی ہوئی ھے۔

خبر میں ہوٹل پر سیاحوں کے حوالہ سے جس طرح تعارف پیش کیا گیا ھے تو اس پر ایسا ھے پاکستان میں بہت سے لوگ یہ نہیں جانتے کہ ہوٹل کہتے کس کو ہیں جیسے پاکستان میں کسی کھانے والی جگہ پر بھی یہی لکھا ہوتا ھے جیسے "بشیرے دا ہوٹل"، "ماجے دا ہوٹل"، وغیرہ۔ اصل میں انہیں ریسٹورنٹس کہتے ہیں۔۔۔ آرام گاہ، سرائے، مسافر خانہ، قیام گاہ، وہ عمارت جہاں مسافروں کے رہنے کا بندوبست ہوتا ھے اسے ہوٹل کہتے ہیں۔ پھر ہوٹل کے سٹار ہیں کہ یہاں اندر کیا کیا سہولیات میسر ہیں۔

دنیا میں کہیں بھی کسی بھی ہوٹل میں چلے جائیں تو داخل ہوتے وقت انتظامیہ ہاتھوں میں شراب کے گلاس پکڑ کر مسافروں یا کسٹمرز کا استقبال نہیں کرتے۔

ہوٹل اور ہسپتال کے کمرہ کا کرایہ رات کے حساب سے ہوتا ھے، ہوٹل میں ہر ہر چیز ملتی ھے تو مسافر یا سیاح یا جو بھی کوئی ہو جس نے کمرہ بک کروایا ھے اس نے ریسپشن پر جا کر اپنا نام بتانا ھے اور اسے وہاں سے کمرہ نمبر کے ساتھ چابی یا کارڈ دے دیا جاتا ھے جس پر اس نے سیدھا اپنے کمرہ میں چلے جانا ھے۔ اب اس کا کام ہوٹل کے حوالہ سے یہیں تک ھے۔

اب اگر مسافر کو شراب چاہئے تو اسے ہوٹل کے اندر بار میں جانا پڑے گا، اگر نہیں ملتی تو جو پینے والا ھے وہ باہر جا کر پی لے گا۔

اگر اسے کھانا کھانا ھے تو اس پر اسے اندر ریسٹورنٹ میں جانا پڑے گا اگر کھانا حلال نہیں تو وہ باہر تلاش کر کے کھا آئے گا۔

ہوٹل میں کچھ بھی ملے مسافر یا سیاح کا کام کمرہ تک کا ھے۔

اس پر اسلامی ہوٹل کا نام استعمال کرنا اور شراب نہیں مگر عورتوں کے لئے الگ سے سوئمنگ پول اور آرام گاہ ھے۔

ایسی ہی ایک خبر الخبر سعودی عرب سے کسی ریسٹورنٹ کی شائع ہوئی تھی جو کسی فارم میں لگائی گئی تھی اور اس کے ساتھ ایک کلپس بھی تھا اگر ملی تو ضرور یہاں شیئر کروں گا۔ اس کا قصہ کچھ اس طرح تھا کہ اس ریسٹورنٹ میں اتنا ہی کھانا لینا ھے جتنا آپ کھا سکتے ہیں اگر آپ نے کھانا بچا دیا تو بل کے ساتھ آپکو جرمانہ بھی ادا کرنا ہو گا جس پر کلپس میں شائد ایک لڑکے سے جرمانہ لیتے ہوئے دکھایا گیا تھا۔

والسلام

 

[بخاری سید]

واہ واہ کنعان بھائی زندہ باد اتنی تفصیل سے آپ نے لفظ ہوٹل کی وضاحت کر دی کہ مزا آگیا۔ میں نے اس مصری نوجوان کے اس اقدام کی تعریف کی تھی کہ اس نے مصر میں اپنے ہوٹل میں شراب کی ممانعت کی ہے۔ جہاں تک سوئمنگ پولز کا تعلق ہے تو اس کا ذکر خبر میں موجود ہے میرے تبصرے میں نہیں۔ قابل ذکر بات یہ ہے کہ پاکستان میں جن ہوٹلز میں غیر ملکی سیاح آتے یا ٹھہرتے ہیں وہاں کوئی پاکستانی بھی رہنے کے لیے چلا جائے تو خصوصی سروس کی آفر اسے بھی کر دی جاتی ہے۔ شارجہ کا تجربہ آپ کا ہوگا میرا جانے کا اتفاق نہیں ہوا لیکن جن ممالک میں میرا جانے کا اتفاق ہوا ان میں یہی حال ہے۔ خاص طور پر پاکستانیوں کے معاملے میں ہوٹل والوں کو امید کامل ہوتی ہے کہ یہ لازمی شراب مانگیں گے۔ اس بات میں کوئی شک نہیں ہے کہ حلال کھانے والا اپنی خوراک ڈھونڈ ہی لیتا ہے لیکن یہاں یہ خبر شیئر کرنے کا مقصد فقط اتنا تھا کہ مجھے ذاتی طور پر اس نوجوان کا یہ اقدام اچھا لگا کہ اس نے مصر میں ایسے ہوٹل کی بنیاد رکھی ہے جس میں شراب نہیں ملتی۔ اور بھی شاید ایسے درجنوں ہوٹل ہوں گے مصر میں یا دیگر اسلامی ممالک میں جہاں شراب نہیں ملتی یا سیاحوں کی ڈیمانڈ پر مہیا نہیں کی جاتی لیکن اس ہوٹل کی خبر پڑھی تو جان کر اچھا لگا اور آپ بھائیوں کے ساتھ شئیر کر دی۔

 

[کنعان]

۔۔۔۔۔۔۔۔۔۔۔۔۔۔۔۔۔۔۔۔۔