مقام صحابہ رضی اللہ عنہم اور موجودہ مسلمان

[کلیم حیدر]

مقام صحابہ رضی اللہ عنہم اور موجودہ مسلمان

جس طرح قرآن مجيد كی تفسيروتعبير نبیﷺ کی سیرت طیبہ کے بغیر مکمل نہیں ہوسکتی بالکل اسی طرح رسول اللہﷺ کی سیرت طیبہ کی تعبیروتکمیل اور بقا صحابہ کرام رضی اللہ عنہم کے عمل وکردار کے بغیر ممکن نہیں، کیونکہ صحابہ کرام ہی رسولﷺ کے علم کے وارث، آپ کے سفیر اور آپ کے مبلغ ہیں، سارا دین ان ہی کے توسط سے امت کے پاس پہنچا اور وہ پوری امت کے محسن ہیں۔ امام ابوبكر الآجری رحمہ الله نے بسند حسن امام حسن بصری رحمہ اللہ سے نقل کیا ہے کہ انہوں نے فرمایا:

"وہ محمدﷺ کے اصحاب تھے وہ اس امت کے سب سے زیادہ نیک دل، سب سے زیادہ گہرا علم رکھنے والے اور سب سے کم تکلّف کرنے والے تھے، وہ ایسے لوگ تھے جنہیں اللہ تعالى نے اپنے دین کو سرفراز کرنے اور اپنے نبی کی صحبت کیلئے منتخب کیا، ان کے اخلاق واطوار کو اختیارکرو، ربِ کعبہ کی قسم وہ صراطِ مستقیم پر تھے- " (کتاب الشریعة: (1/1686).

یہ رُتبہ بلند ملا جسکو مل گیا
ہرمُدّعى کے واسطے دار و رَسَن کہاں​

ویڈیو مذکورمیں شیخ عبدالمجید بن عبد الوہاب مدنی حفظہ اللہ نے انہی نفوس قدسیہ کے مقام ومرتبہ کواجاگرکرکے ان سے اپنی محبت وعقیدت کا اظہار کیاہے،اوران ميں سے بعض کو تنقید کا نشانہ بنانے والوں کے فکر کی کجی اور زیع کو بھی طشت ازبام کیاہے، نہایت ہی مؤثر ووقیع خطاب ہے ضرور مشاہدہ فرمائیں۔

ڈاؤنلوڈ

 

[محمد شاہد]

جزاک اللہ خیرا