مقام محمود

[محمد طالب حسین]

مقام محمود شفاعت کا وہ اعلیٰ ترین مقام ہے جس پر قیامت کے روز رسول اکرم صلی اللہ علیہ وسلم فائز ہوں گے۔
ارشاد باری تعالیٰ ہے۔
اور رات کو تہجد ادا کرو یہ تمہارے لیے زائد عبادت ہےبعید نہیں ( اس وجہ سے ) تمہارا رب تمہیں مقام محمود پر فائز
فرما دے۔ ( سورہ بنی اسرائیل آیت 78 )
حضرت کعب بن مالک رضی اللہ عنہ سے روایت ہےنبی اکرم صلی اللہ علیہ وسلم نے فرمایا قیامت کے روز میں اور میری
امت ایک ٹیلے پر کھڑے ہوں گے اللہ تعالیٰ مجھے سبز رنگ کا حلہ ( یعنی قیمتی لباس ) عطا فرمائے گاپھر اللہ تعالیٰ مجھے بات کرنے کی اجازت عطا فرمائے گا اور جو کچھ اللہ چاہے گا میں عرض کروں گا۔ یہی مقام محمود ہے۔
اسے حاکم نے روایت کیا ہے۔ سند صحیح۔
کتاب السنۃ للابانی راقم الحدیث 785۔