مولانا امین احسن اصلاحی کی تفسیر

[سید طہ عارف]

مولانا امین احسن اصلاحی صاحب کی تفسیر کیسی تفسیر ہے. کیا عام آدمی وہ پڑھ سکتا ہے. اور مولانا صاحب کے اصول تفسیر اہل سنت و الجماعہ کے اصولوں کے مطابق ہیں. میرے ایک دوست ہیں انہوں نے امین احسن اصلاحی صاحب کی تفسیر پڑھی اور اب وہ قرآن کی ہر آیت کی تشریح لغت اور سیاق و سباق سے کررہے ہوتے ہیں اور اپنے اس طریقے کار کو تدبر القرآن سے ماخوذ بیان کرتے. وہ منکر حدیث نہی لیکن تفسیر میں امین احسن اصلاحی سے بہت متاثر ہیں. امین احسن اصلاحی صاحب کی تفسیر اور اصول تفسیر کے علمی جائزہ کے متعلق کوئی کتاب ہو تو ضرور بتلائے گا

 

[سید طہ عارف]

ابوالحسن علوی بھائی سے خصوصی درخواست ہے

 

[محمد نعیم یونس]

محترم شیخ @ابوالحسن علوی صاحب

 

[خضر حیات]

محترم بھائی آپ یہ تھریڈ دیکھیں :

تدبر القرآن ، مولانا امین احسن اصلاحی​

یہ بھی ملاحظہ کریں :
مولانا امین احسن اصلاحی﷫ نے اپنی تفسیر "تدبر قرآن " کے علاوہ اصول تفسیر میں" مبادی تدبر قرآن "اور اصول حدیث میں "مبادی تدبر حدیث" بھی لکھی ہیں۔جن میں انہوں نے اسلاف سے ہٹ کر چند منفرد اصول بیان کئے ہیں۔چنانچہ مولف کتاب ہذا ڈاکٹر مفتی عبد الواحد﷫نے مولانا امین احسن اصلاحی ﷫کی ان دونوں کتب کا تحقیقی وتنقیدی جائزہ لیا اور اپنے اس جائزے کو اپنی کتاب "ڈاکٹر اسرار احمد﷫ کے افکار ونظریات تنقید کی میزان میں"کے ساتھ ہی شائع کر دیا ہے۔کیونکہ ڈاکٹر اسرار احمد﷫ نے اپنے چار منبع فہم قرآن میں سے ایک مولانا حمید الدین فراہی﷫ اور مولانا امین احسن اصلاحی ﷫کو شمار کیا تھا۔بعد میں وہ جائزہ کچھ اضافوں کے ساتھ مضمون کی شکل میں جامعہ مدنیہ کے رسالہ انوار مدینہ میں قسط وار شائع ہوا۔اب کے بار مولف﷫ نے اس کی نظر ثانی کرتے ہوئے اسے دوبارہ کتابی شکل میں شائع کردیا ہے ،تاکہ مولانا امین احسن اصلاحی﷫ کے شاگردان رشید اس کتاب کا سنجیدگی سے مطالعہ کریں اور اپنے افکار ونظریات پر نظر ثانی کریں۔مولانا امین احسن اصلاحی﷫ تو دنیا میں نہیں رہے ،لیکن ان کے شاگردوں کو تو اصلاح احوال کی گنجائش حاصل ہے۔دعا ہے کہ اللہ تعالی اس کتاب کو اصلاح احوال کا ذریعہ بنا دے ۔آمین(راسخ)

تحفہ اصلاحی

 

[خضر حیات]

ابوالحسن علوی بھائی سے خصوصی درخواست ہے

محترم شیخ @ابوالحسن علوی صاحب

محترم @طاہر اسلام عسکری ثم مولوی صاحب بھی اس مکتبہ فکر کے بارے میں مطالعہ رکھتے ہیں ۔

 

[سید طہ عارف]

جزاک اللہ خیرا کثیرا خضر حیات بھائی

 

[طاہر اسلام]

اب دیکھیے بات ذرا پیچیدہ ہے ۔ امین احسن اصلاحی کی تفسیر اصلاً تو اہل سنت کے منہج سے ہٹی ہوئی ہے ؛ تفسیر اصل میں ماثور ہوتی ہے لیکن یہ حدیث کے پاس تک نہیں جاتے ۔ البتہ لغت اور نظم کے حوالے سے اس میں بہت ہی عمدہ نکات ہیں ۔ اس لیے استاد گرامی حافظ عبدالرحمان صاحب مدنی دامت برکاتھم اس کی تعریف کرتے ہیں ؛ ان کا ارشاد ہے کہ ابن کثیر اور شوکانی سے صحیح تفسیر معلوم کر لینے کے بعد مزید نکات کی خاطر اس کا مطالعہ بہت مفید ہے ۔ اب ایک عامی آدمی جسے صحیح تفسیر کا علم ہی نہیں اور وہ صرف اسی کو پڑھتا ہے تو وہ یقیناً اہل سنت کے جادۂ حق سے منحرف ہو جائے گا !

 

[سید طہ عارف]

جزاک اللہ
ان صاحب نے پہلے اس تفسیر کو پڑھا پھر تفسیر ابن کثیر کو جس کی وجہ سے وہ "لغت" اور "سیاق و سباق" کو حد سے زیادہ توجہ دیتے ہیں
اللہ ان کو ہدایت عطا کرے
آمین