مٹی کی گہرائی

[محمد اجمل خان]

مٹی کی گہرائی​

میں رنگین مزاج آدمی تو نہیں لیکن رنگ برنگے سپنے دیکھتا ہوں۔​

سُرخ سپنے، سبز سپنے، نیلے اور پیلے سپنے۔​

خوشیوں کے سپنے اور غمی کے سپنے۔​

ادھورے سپنے اور پورے سپنے۔​

۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔​

میرے ہاتھ میں رنگ برنگے پینسل ہے۔​

آج میں اپنے ان سپنوں میں رنگ بھرنا چاہتا ہوں تاکہ آپ کو دکھا سکوں۔​

لیکن رنگ کہاں سے بھروں؟​

کہاں سے شروعات کروں؟​

اور کس رنگ سے؟​

کس سپنے سے؟​

سب گڈ مڈ ہو گئے۔​

۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔​

کیا کوئی بتا سکتا ہے؟​

کہ​

آخر ایسا کیوں ہوتا ہے؟​

کیوں ہم اپنے سپنوں میں رنگ نہیں بھر سکتے؟​

کیوں سپنے ادھورے رہ جاتے ہیں؟​

۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔​

سوچتا ہوں​

زندگی کے اختتام پر​

نا جانے کتنے لوگ​

میری طرح ہاتھ میں رنگ برنگے پینسل لئے​

بیٹھے ہوں گے​

اپنے سپنوں میں رنگ بھرنے​

رنگ محسوس کرنے۔​

لیکن​

مایوسی کی گہرائیوں میں کھو جاتے ہوں گے​

اپنے سپنوں کے ٹوٹنے سے،​

اور​

ٹوٹے ہوئے دل کے ساتھ​

مٹی کی گہرائی میں اتر جاتے ہوں گے​

اپنے سارے سپنے لئے​

ہمیشہ کیلئے۔​

تحریر: محمد اجمل خان​

۔۔۔۔​