کتاب و سنت ڈاٹ کام پر بہت سی کتب اپلوڈ کی گئی ہیں ۔ ان میں سے بہت سی کتب میں نے ڈاؤن لوڈ کرکے پڑھی ہیں ۔ ایکن میں ان کو اپنے پاس کتابی شکل میں بھی رکھنا چاہتا ہوں ۔
میری ممبران حضرات سے گذارش ہے کہ آپ حضرات مجھے کراچی کے ایسےکتب خانوں کے متعلق بتادیں جہاں پر ان کتب کے ملنے کا امکان ہو ۔
اللہ آپ کو جزائے خیر دے
السلام علیکم ورحمتہ اللہ وبرکاتہ،
آفتاب بھائی جان،
کراچی میں مختلف اداروں سے آپ کو کتب مل سکتی ہیں۔ ایک تو طارق روڈ پر دارالسلام کا شو روم ہے۔ آپ کو دارالسلام کی کسی بھی کتاب میں ایڈریس مل جائے گا۔ نہ ملے تو بتائیے گا۔
دوسرے اردو بازار میں جا کر کسی سے بھی فضلی اینڈ سنز کا معلوم کر لیں۔ یہ کافی بڑا مکتبہ ہے اور اس میں مختلف مکاتب فکر کی دینی و تاریخی کتب بہت بڑی تعداد میں موجود ہیں۔
اردو بازار کے بالکل سامنے ہی یعنی کورٹ روڈ پر اہلحدیث اور بریلوی مساجد آمنے سامنے ہیں۔ وہیں پر دو مکتبے ہیں۔ نام یاد نہیں۔ وہاں سے بھی اکثر کتب مل جائیں گی ان شاء اللہ۔
ایک مکتبہ ہمارے فورم کے یوزر ثاقب صدیقی بھائی کے چچا اور مختلف کتب کے مصنف محمد تنزیل الصدیقی بھائی کا بھی ہے جو کہ یونیورسٹی روڈ پر نیپا چورنگی کے پاس ہے۔ اگر ثاقب بھائی ملاحظہ کر رہے ہوں تو درست ایڈریس تک راہنمائی کر سکتے ہیں۔
اللہ تعالیٰ آپ کے شوق میں اضافہ فرمائیں۔ آمین یا رب العالمین۔