میرے پسندیدہ اشعار

[مشکٰوۃ]

بسم اللہ الرحمٰن الرحیم​

السلام علیکم ورحمۃ اللہ وبرکاتہ​

​

​

عجب اک شان سے در بارِحق میں سرخرو ٹھرے
جو دنیا کے کٹہروں میں عدوکے رو برو ٹھرے
بھرے گلشن میں جن پر انگلیاں اٹھیں، وہی غنچے
فرشتوں کی کتابوں میں چمن کی آبرو ٹھرے ​

​

احسن عزیز رحمہ اللہ​

​

نوٹ:اخلاقیات کے دائرے کو مدنظر رکھتے ہوئے ،مثبت اشعار شئیر کریں۔ ۔​

 

[اخت ولید]

جس دھول کی مٹی سے ہوا قافلہ اندھا​

خود سالار قافلہ کی ٹھوکر سے اڑی ہے!!​

 

[فلک شیر]

اِس شہرِ نا شناس میں ہم سے عرب نژاد
لب کھولنے لگے تو عجم کر دیے گئے

 

[مشکٰوۃ]

تو اِدھر اُدھر کی نہ بات کر ، یہ بتا کہ قافلہ کیوں لُٹا ؟
مجھے راہزنوں سے گلہ نہیں تیری رہبری کا سوال ہے ​

 

[مشکٰوۃ]

درکار اجالا ہے مگر مجھ کو یہ ڈر ہے
کر دے نہ کوئی روشنی بارود ملا کر ​

 

[مشکٰوۃ]

برباد کر کے بصرہ و بغداد کا جمال​

اب چشم بد ہے جانب خیبر لگی ہوئی​

غیروں سے کیا گلہ ہو کہ اپنوں کے ہاتھ سے​

ہے دوسروں کی آگ میرے گھر لگی ہوئی​

احمدفراز​

​

​

 

[اخت ولید]

عصرِ حاضر ملک الموت ھے تیرا، جس نے
قبض کی روح تیری،دے کے تجھے فکرِ معاش ​

علامہ اقبال​

 

[مشکٰوۃ]

اس فضا میں کریں کیا پرورشِ لوح و قلم؟​

غیر محفوظ ہے جاں ،اہل ہنر نا محفوظ​

یہ غنیمت ہے کہ سحرِ دم کوئی آوازِ اذاں ​

پوچھ لیتی ہے کہ ہے کون کدھر نامحفوظ؟​

 

[مشکٰوۃ]

بہتا نہیں پانی کہسار کی جانب ​

بڑھتا نہیں سایہ دیوار کی جانب ​

ہر اک عمل کا ایسا ادراک رکھنا​

کہ اٹھے نہ کوئی انگلی ترے کردار کی جانب​

 

[عبقری ریڈر]

اب سہل ہو گئیں منزلیں کہ خزاں کے رُخ بھی بدل گئے​

تیرا ہاتھ ہاتھ میں آگیا اب چراغ راہ کے بھی جل گئے​