میرے پسندیدہ اشعار

[عمر السلفی۔]

حاکم وقت کے قدموں میں پڑے رہتے ہیں

کچھ بڑے اس لئے تادیر بڑے رہتے ہیں

 

[عمر السلفی۔]

یا دن کی باتیں ہوتی ہیں یا رات کی باتیں ہوتی ہیں
یہ دُنیا ہے اِس دُنیا میں ہر بات کی باتیں ہوتی ہیں

 

[عمر السلفی۔]

کہانی میں میرا۔۔۔کردار یہ ہے
مجھے ہر سمت، ڈر کے دیکھنا ہے

 

[عمر السلفی۔]

ہاتھ خالی ہوں تو دانائی کا اظہار نہ کر
ایسی باتوں کا بڑے لوگ برا مانتے ہیں
(رام ریاض)

 

[عمر السلفی۔]

جگہ کی قید نہیں تھی،کوئ کہیں بیٹھے
جہاں ہمارا مقام تھا ہم وہیں بیٹھے
امیر شہر کے آنے پر اٹھنا پڑتا ہے،
لہذا اگلی صفوں پر کبھی نہیں بیٹھے

 

[عمر السلفی۔]

نگاہِ شوق میں آ پردہ گماں سے نکل
میں اپنی ذات سے نکلوں تُو لامکاں سے نکل

تُو جانتا ہے مری پستیوں کو پھر بھی کبھی
مری زمیں پہ اتر اپنے آسماں سے نکل
(احمد بشیر طاہر)

 

[عمر السلفی۔]

توکل.اسکو کہتے ہیں کہ خنجر تیز رکھ اپنا..
پھر اس خنجر کی تیزی کو مقدر کے حوالے کر

 

[قیصر سجاد]

یہ رات اپنے سیاہ پنجوں کو جس قدربھی دراز کر لے
میں تیرگی کا غبار بن کر نہیں جیوں گا
مجھے پتہ ہے کہ ایک جگنو کے جاگنے سے
یہ تیرگی کی دبیز چادر نہیں کٹے گی
مجھے خبر ہے کہ میری بے زور ٹکروں سے
فصیلِ دہشت نہیں ہٹے گی
میں جانتا ہوں کہ میرا شعلہ
چمک کے رزقِ غبار ہو گا
تو بے خبر یہ دیار ہو گا
میں روشنی کی لکیر بن کر
کسی ستارے کی مثل بکھروں گا
بستیوں کو خبر نہ ہو گی
میں جانتا ہوں کہ میری کم تاب
روشنی سے سحر نہ ہو گی
مگرمیں پھر بھی سیاہ شب کا
غبار بن کر نہیں جیوں گا
کرن ہو کتنی نحیف لیکن کرن ہے پھر بھی
وہ ترجماں ہے کہ روشنی کا وجود زندہ ہے
اور جب تک
یہ روشنی کا وجود زندہ ہے رات اپنے
سیاہ پنجوں کو جس قدربھی درازکر لے
کہیں سے سورج نکل پڑے گا

 

[محمد عثمان بن خاور]

حاصل جمہوریت کا انسان کی ترقی
ارواح کا تنزل ابدان کی ترقی
ہم چاہ تو سکتے تھے لیکن نہ ہم نے چاہی
ہم آخرت کے راہی​

احسن عزیز رحمہ اللہ

​

یہ تو سرے سے شعر ہی نہیں معلوم ہوتا