میں بیٹی ہوں،میں اپنی ماں کو اپنے ساتھ لے آئی!!!

[اخت ولید]

بسم اللہ الرحمٰن الرحیم​

السلام علیکم ورحمۃ اللہ وبرکاتہ​

​

بھارتی شاعرہ دعا کی ایک سسکتی نظم، ، جو بھائیوں بیٹوں کے ساتھ ساتھ ہم سب بہنوں بہوؤں کو کچھ احساس دلا رہی ہے کہ تم بھی کسی کی بیٹی ہو اور وہ بھی کسی کی ماں ہے!!!!!​

​

اسے تنہا سسکتا چھوڑ جب آیا میرا بھائی​

میں بیٹی ہوں،میں اپنی ماں کو اپنے ساتھ لے آئی​

​

وہ بوڑھی ہو گئی تو اب اسے اک بوجھ لگتی ہے​

جوانی اپنے بچوں کے لیے جس نے تھی جھلسائی​

​

ہے بس اپنی ہی بیوی اور بچوں سے اسے مطلب​

اسی کو بھول بیٹھا ہے،جو دنیا میں اسے لائی​

​

بڑی گاڑی،بڑا بنگلہ،بڑا عہدہ سبھی کچھ ہے​

مگر ماں باپ مانگیں تو،نہیں جیبوں میں اک پائی​

​

وہ کتا پال سکتا ہے،مگر ماں بوجھ لگتی ہے​

اسے کتے نے کیا کچھ بھی وفاداری نہ سکھلائی​

​

جو جیسا بیج بوتا ہے،وہ پھل ویسا ہی پاتا ہے​

بڑھاپا تجھ پر بھی آئے گا،کیوں بھولا یہ سچائی​

​

تیرا بیٹا جو دیکھے گا،وہی تو وہ بھی سیکھے گا​

تو اپنے واسطے ہاتھوں سے اپنے کھود نہ کھائی​

​

جو’وردہ‘ شب میں بیٹا چھوڑ کر تجھ کو چلا آئے​

اگر زندہ رہی پوچھے گی تجھ سے تیری یہ ماں جائی​

​

بتا!کس کے لیے تو نے کمائی تھی یہاں دولت​

مگر جو اصل فرض تھی وہ تو’بسلائی‘​

​

کھلے گا جب الٰہ کے بینک میں کھاتہ تیرا اک دن​

تیرے سر پر بڑا قرضہ چڑھا ہو گا میرے بھائی​

​

جو منت مانگتے تھے ،بس!!ہمیں بیٹا ہو بیٹا ہو​

انہیں بیٹی کی قیمت اب بڑھاپے میں سمجھ آئی​

​

ٹراسکرپشن:اخت ولید​

​

ہائی لائیٹڈ الفاظ مجھے سمجھ نہیں آ سکے،غالبا ہندی زبان کے الفاظ ہیں۔ ۔ہندی جاننے والے اراکین وضاحت کر دیں۔​

 

[مشکٰوۃ]

وعلیکم السلام ورحمۃ اللہ وبرکاتہ

جزاک اللہ خیر سسٹر غالبا ان کا نام لتا،حیا ہے۔ ۔ سنا ہے اسلام قبول کر چکی ہیں اگر کوئی اس متعلق جانتا ہو تو یہ بھی بتا دے۔ ۔

ایک اور نظم ‘‘وہ ہے سچا مذھب جو اسلام کہاتا ہے‘‘ بھی خوب ہے اور کلام بزبان ِ شاعر کا تو لطف ہی اور ہے۔ ۔ ۔

 

[اخت ولید]

جزاک اللہ خیرا بہن!
لتا حیا ہی انکا نام ہے۔مجھے مغالطہ لگا تھا۔میں نے بھی سنا ہی ہے،تصدیق نہیں ہو سکی۔ ۔ ‘وہ ہے سچا مذھب جو اسلام کہاتا ہے‘ سن کر یہی احساس ہوا تھا کہ اسلام بارےایسے خیالات رکھنے والی شاعرہ ضرور اسلام قبول کرے گی۔ان شاءاللہ
اگر وہ اسلام قبول کر چکی ہیں تو ‘‘ہندی مسلمہ۔ ۔ حیا‘‘

 

[makki pakistani]

وعلیکم السلام ورحمۃ اللہ وبرکاتہ

جزاک اللہ خیر سسٹر غالبا ان کا نام لتا،حیا ہے۔ ۔ سنا ہے اسلام قبول کر چکی ہیں اگر کوئی اس متعلق جانتا ہو تو یہ بھی بتا دے۔ ۔

ایک اور نظم ‘‘وہ ہے سچا مذھب جو اسلام کہاتا ہے‘‘ بھی خوب ہے اور کلام بزبان ِ شاعر کا تو لطف ہی اور ہے۔ ۔ ۔

 

[حافظ عمران الہی]

یاد رہے ابھی تک یہ مسلمان نہیں ہوئی ہیں لیکن ان کا کہنا ہے کہ میں اسلام سے بہت متاثر ہوں ان کے لیے دعا کریں کہ اللہ ان کو اسلام کی دولت عطا فرمائے آمین