نظاروں کی باتیں

[نسرین فاطمہ]

ستاروں کی باتیں
نظاروں کی باتیں
نہ چھیڑو کوئی چاند تاروں کی باتیں
میری دنیا کے کتنے گھر جل رہے ہیں
جو چھیڑو تو چھیڑو شراروں کی باتیں
جمال بہاراں کی کیابات کرنا
کہ اب زرد پتوں سے ہے گود بھرنا
جو موسم کے سارے ہنر مٹ رہے ہیں
نگر تو نگر اب چمن لٹ رہے ہیں
نہ کر اب معتبر سہاروں کی باتیں
نہ سوئے ہوئے غم گساروں کی باتیں
کہ اب کوہ آتش کا ہے سینہ پہ دھرنا
کہ جام جم کو بھی ہے خون سے بھرنا
گلستاں میں تو اب دشت بلا بن رہا ہے
یہ نخل تمنا سزا بن رہا ہے
وہ تیرے شہر سے ، میرے مکاں تک
دھواں ہی دھواں ہے زمیں سے آسماں تک
کہ آتی تو ہیں سب صدائیں یہاں تک
مگر درکار ہیں سب کی دعائیں وہاں تک