نظم

[عبدالرحیم رحمانی]

​

جور وستم کا دور بھلایا نہ جائے گا​

اہل جفا سے ہاتھ ملایا نہ جائے گا​

​

گر میر کارواں تری غفلت یہی رہی​

لٹنے سے قافلہ کو بچایا نہ جائے گا​

​

ہم نے فریب کھائے ہیں تم سے ہزار بار​

اب دوستی کا ہاتھ بڑھایا نہ جائے گا​

​

دستور عدل ہے نہیں کچھ تیری بزم میں​

ساقی ترے میخانہ میں آیا نہ جائے گا​

​

تم بار بار کرتے ہو کیوں وعدۂ وفا​

تم سے تمہارا وعدہ نبھایا نہ جائے گا​

​

بے تاب ہورہے ہو قیادت کے واسطے​

بار گراں یہ تم سے اٹھایا نہ جائے گا​

​

اسلام اپنا نور بکھیرے گا چار سو ''​

پھونکوں سے یہ چراغ بجھایا نہ جائے گا''​

​

قرآں کے مٹانے پہ بضد ہو تو یہ سن لو​

اک حرف بھی قرآں کا مٹایا نہ جائے گا​

​

یوپی میں چل سکے گی نہ گجرات کی ہوا​

اب ایسا خواب تم کو دکھایا نہ جائے گا​

​

کیوں گلستاں میں آگ لگانے پہ تلے ہو​

شعلہ جو جل اٹھا تو بجھایا نہ جائے جگا​

​

دل میں تمہارے کیا ہے اسے جانتے ہے ہم​

ماہر مگر یہ راز بتایا نہ جائے گا​

 

[ساجد تاج]

جزاک اللہ خیرا