نفس کا دھوکہ

[سید طہ عارف]

انسان کی خواہش نفس اسے ادنی کی اہمیت کو اعلی سے زیادہ دکھا کر اسے مشغول رکھتی ہے اور اسے تسلی دیتی ہے. اس لیے کہ انسان کا نفس حق کو ترک کرنے پر اس کی ملامت کرتا ہے چاہے وہ حق کو چھوڑنا سرکشی و دشمنی کی بنیاد پر ہی کیوں نہ ہو. انسان کا نفس اس کی فطرت کو مکمل دبانے پر قادر نہیں لہذا وہ اس کو حق سے غافل کرنے کی کوشش کرتا ہے ادنی اعمال کو عظیم بنا کر پیش کرتا ہے اور اعلی سے اس کی توجہ دور کرتا ہے تاکہ اعلی اعمال کو چھوڑنے پر اس کا نفس لوامہ اس پر ملامت نہ کرے.

الشیخ عبدالعزیز الطریفی

 

[سید طہ عارف]

جس نے کوئی نافع عمل کیا یا قول کہا اس کو چاہئیے کہ اس کی طرف زیادہ توجہ نہ دے اور اس کو زیادہ یاد نہ کرے کہ اس کے نتیجہ میں انسان میں کبر پیدا ہوتا ہے اور وہ ماضی کے عمل کی بنیاد پر مستقبل کے عمل میں کمزور ہوجاتا ہے.
شیخ عبدالعزیز الطریفی