نماز خشوع خضوع سے پڑھیں

[محمد ارسلان]

السلام علیکم
مجھے یہ تحریر کسی نے ای میل کی تھی۔

 

[محمد ارسلان]

السلام عليكم ورحمة الله وبركاته
اپنے تمام دوستوں کو یہ میل ضرور نشر کریں
ابو ھریرۃ رضي الله عنه سے روایت ہے" ایک شخص ساٹھ سال تک نماز پڑھتا ہےمگر اسکی ایک نماز بھی قبول نہیں ہوتی" پوچھا گیا : وہ کیسے ؟؟ انہوں نے کہا : کیونکہ نہ وہ اپنا رکوع پورا کرتاہے اور نا سجود نا قیام پورا کرتا ہے نا اس کی نماز میں خشوع ہوتا ہے


حضرت عمر رضي الله عنه نے فرمایا :
ایک شخص اسلام میں بوڑھا ہوگیا اور ایک رکعت بھی اس نے اللہ کے لیے مکمل نہیں پڑھی پوچھا گیا کیسے یا امیر المومنین ؟فرمایا :
اسنے نا اپنا رکوع پورا کیا اور نا سجود

امام احمد بن حنبل رحمہ اللہ نے فرمایا
ایک زمانہ لوگوں پر ایسا آئے گا"لوگ نماز پڑھیں گے مگر انکی نماز نہیں ہوگی اور مجھے ڈر ہے کہ وہ زمانہ یہی زمانہ ہے"
امام اگر آج کا زمانہ آکر دیکھ سکتے تو کیا کہتے ؟؟

امام غزالی رحمه الله نے فرمایا:
ایک شخص سجدہ کرتا ہے اس خیال سے کہ اس سجدہ سے اللہ کا تقرب حاصل کرے گا اس اللہ کی قسم اگر اس کے اس سجدے کا گناہ تقسیم کیا جائے تو سارا بلد ھلاک کر دیا جائے
پوچھا گیا وہ کیسے ؟؟
فرمایا:
وہ اپنا سر اپنے اللہ کے سامنے جھکاتا ہے
مگر اپنے نفس ،گناہوں، اپنی شہوات اور دنیا کی محبت میں مصروف ہوتا ہے تو یہ کیسا سجدہ ہے ؟؟؟

ہمارے نبی صلی اللہ علیہ وسلم نے فرمایا
میری آنکھوں کی ٹھنڈک نماز میں رکھی گئی ہے (1)
تو کیا کبھی آپ نے ایسی نماز پڑھی جو آپکے آنکھوں کی ٹھنڈک بنی ہو ؟؟؟
کیا کبھی آپ گھر کی طرف تیزی سے پلٹے صرف دو رکعت کی ادائیگی کی نیت سے ؟؟
کیا کبھی نماز کی محبت نے آپ کو بے چین کیا ؟؟
کیا کبھی آپ نماز کے لیے ترسے ؟؟
کیا کبھی آپ نے رات کا بے چینی سے انتظار کیا تاکہ آپ اپنے رب کے ساتھ اکیلے نماز میں ملاقات کر سکیں ؟؟
اللہ سبحانہ کا ارشاد ہے :
(( ألم يأن للذين آمنوا أن تخشع قلوبهم لذكر الله ))
کیا ابھی تک مومنوں کے لئے اس کا وقت نہیں آیا کہ اللہ کی یاد سے ان کے دل نرم ہوجائیں؟؟؟؟
ابن مسعود رضي الله عنه فرماتے ہیں
ہمارے اسلام لانے کے چار سال بعد یہ آیت نازل ہوئی
اس آیت میں اللہ سبحانہ نے ہم سے شکایت کی
ہم سب بہت رویے
اپنے قلت خشوع پر
پھر ہم گھروں سے نکلتے تو ایک دوسرے کو عتاب کرتے اور کہتے کیا تم نے اللہ سبحانہ کا یہ فرمان نہیں سنا ؟؟؟
(( ألم يأن للذين آمنوا أن تخشع قلوبهم لذكر الله ))
کیا ابھی تک مومنوں کے لئے اس کا وقت نہیں آیا کہ اللہ کی یاد سے ان کے دل نرم ہوجائیں؟؟؟؟
تو لوگ گر جاتے اور رونے لگتے
اللہ کے اس عتاب پر
تو کیا کبھی آپ نے یہ محسوس کیا اس آیت سے؟؟
کہ اللہ تعالی آپ سے شکوہ کر رہا ہے ؟؟


اپنی نمازوں کو ضائع ہونے سے بچائیں اپنے تمام دوستوں کو یہ میل نشر کریں
اور اگر آپ پر یہ بھاری ہو تو جان لیجیئے
آپ کے گناہ اس کام میں رکاوٹ ہیں
إذا ضاقت عليك الأرض بما رحبت، وضاقت عليك نفسك بما حملت فاهتف ... يا الله
لا إله إلا الله رب السموات السبع ورب العرش العظيم
سبحان الله العظيم سبحان الله وبحمده
سبحان الله العظيم سبحان الله وبحمده
-----------------------------
(1)ای میل شئیر کرنے والے نے حدیث مبارکہ کا عربی متن اور حوالہ شئیر نہیں کیا لہذا یہ حدیث مبارکہ کا مفہوم ہے۔
اس حدیث مبارکہ کی سند جاننے کے لیے ناظم حدیث سیکشن محدث فورم شیخ کفایت اللہ صاحب سے رابطہ کیا جائے۔جزاک اللہ خیرا

 

[انسان]

اللہ ہماری نمازوں میں خشوع خضوع پیدا کرے - آمین

 

[محمد شاہد]

السلام علیکم
مجھے یہ تحریر کسی نے ای میل کی تھی۔

وعلیکم السلام ارسلان بھائی آپ کی تحریر میرے پاس شو نہیں ہورہی۔ اگر ہو سکے تو یہاں تحریر کردیں یا مجھے جی میل میں سینڈ کردیں۔جزاک اللہ

 

[محمد ارسلان]

اللہ ہماری نمازوں میں خشوع خضوع پیدا کرے - آمین

آمین
جزاک اللہ خیرا

 

[محمد ارسلان]

وعلیکم السلام ارسلان بھائی آپ کی تحریر میرے پاس شو نہیں ہورہی۔ اگر ہو سکے تو یہاں تحریر کردیں یا مجھے جی میل میں سینڈ کردیں۔جزاک اللہ

ریفریش کر کے دیکھو،تحریر شو ہو رہی ہے۔

 

[محمد شاہد]

ریفریش کر کے دیکھو،تحریر شو ہو رہی ہے۔

یعنی ری لوڈ کرکے

 

[شاکر]

جنید بھائی، تحریر دوسری پوسٹ میں ہے۔ پہلی پوسٹ میں کچھ نہیں ہے۔

 

[محمد ارسلان]

شاکر بھائی نے صحیح کہا ہے۔