نماز کی تکبیر کے وقت جب لوگ امام کو دیکھیں تو کس وقت کھڑے ہوں

[محمد زاہد بن فیض]

حدیث نمبر: 637
حدثنا مسلم بن إبراهيم،‏‏‏‏ ‏‏‏‏ قال حدثنا هشام،‏‏‏‏ ‏‏‏‏ قال كتب إلى يحيى عن عبد الله بن أبي قتادة،‏‏‏‏ ‏‏‏‏ عن أبيه،‏‏‏‏ ‏‏‏‏ قال قال رسول الله صلى الله عليه وسلم ‏"‏ إذا أقيمت الصلاة فلا تقوموا حتى تروني ‏"​

‏‏.‏

ہم سے مسلم بن ابراہیم نے بیان کیا، کہا کہ ہم سے ہشام دستوائی نے بیان کیا، کہا مجھے یحییٰ نے عبداللہ عبدالوہاب بن ابی قتادہ سے یہ حدیث لکھ کر بھیجی کہ وہ اپنے باپ (ابوقتادہ) سے بیان کرتے تھے کہ رسول اللہ صلی اللہ علیہ وسلم نے فرمایا کہ جب نماز کے لیے تکبیر کہی جائے تو اس وقت تک نہ کھڑے ہو جب تک مجھے نکلتے ہوئے نہ دیکھ لو۔

صحیح بخاری
کتاب الاذان

 

[ضحاک]

السلام علیکم ورحمۃ اللہ وبرکاتہ

تو زاہد بھائی اس حدیث سے یہ معلوم ہوا کہ اقامت امام کو دیکھے بغیر کہی جا سکتی ہے

اور اس وقت تک کھڑے نہیں ہونا چاہیے جب تک امام کو دیکھ نہ لیا جائے

 

[Aamir]

تشریح : اس مسئلے میں کئی قول ہیں۔ امام شافعی رحمۃ اللہ علیہ کے نزدیک تکبیر ختم ہونے کے بعد مقتدیوں کو اٹھنا چاہئیے، امام مالک رحمۃ اللہ علیہ کہتے ہیں تکبیر شروع ہوتے ہی۔ امام ابوحنیفہ رحمۃ اللہ علیہ کہتے ہیں کہ جب مؤذن حی علی الصلوٰۃ کہے اور جب مؤذن قدقامت الصلوٰۃ کہے توامام نماز شروع کردے۔ امام احمدبن حنبل رحمۃ اللہ علیہ فرماتے ہیں کہ حی علی الصلوٰۃ پر اٹھے۔ امام بخاری رحمۃ اللہ علیہ نے باب کی حدیث لا کر یہ اشارہ کیا جب امام مسجد میں نہ ہو تو مقتدیوں کو چاہئیے کہ بیٹھے رہیں اور جب امام کو دیکھ لیں تب نماز کے لیے کھڑے ہوں۔

 

[abulwafa80]

اگر امام پہلے سے موجود ہوں مسجد میں تو؟
اور امام آگے مصلی پر ہو پہر اقامت ہو تو کب کہڑا ہونا چاہئے۔۔۔۔۔۔

کچہ حنفی کہتے ہیں جب حی اعلی الصلوۃ ہو تب کہڑا ہونا سنت ہے کیا ایسی کوئی حدیث ہے۔۔؟