نواب صدیق حسن خان صاحب رحمہ اللہ کون تھے؟؟؟

[آزاد]

نواب صدیق حسن خان صاحب کون تھے؟؟؟
السلام علیکم ورحمۃ اللہ وبرکاتہ
آج تک تو میں یہ سنتا، پڑھتا اور سمجھتا رہا کہ جناب نواب صدیق حسن خان صاحب رحمۃ اللہ علیہ اہل حدیث تھے لیکن اب حافظ زبیر علی زئی حفظہ اللہ کے رسالہ الحدیث کے شمارہ نمبر 69، صفحہ نمبر 16 کو پڑھ کر معلوم ہوا کہ وہ غیر اہل حدیث تھے۔۔۔
ملاحظہ کیجئے ثبوت:

 

[شاکر]

یہ ذرا نازک موضوع ہے۔ کوئی عالم دین ہی اس پر راہنمائی کر سکتے ہیں کہ کون درست ہے اور کون نہیں۔ شیخ زبیر علی زئی حفظہ اللہ کے علمی مقام سے کون ناواقف ہے۔ لیکن بہرحال یہ بات بھی ہے کہ وہ کچھ متشدد بھی ہیں۔ دوسری طرف کئی دوسرے علماء حضرات انہیں اہلحدیث گردانتے ہیں۔ لیکن میرے خیال میں اس سے کچھ فرق نہیں پڑتا کہ وہ کون تھے اور کیا تھے۔ چاہے نواب صاحب ہوں یا زبیر علی زئی صاحب یا اشرف علی تھانوی صاحب۔ جن کی بات بھی کتاب و سنت کے خلاف ہو وہ مردود ہے اور جس کی جو بات کتاب و سنت سے ثابت ہے تو وہ سر آنکھوں پر۔ واللہ اعلم۔

 

[اہل الحدیث]

شاکر بھائی اس کا بہترین آپشن یہ ہے کہ لوگ شیخ صاحب کے پاس جا کر بذات خود تحقیق کر لیں۔ باقی نواب صدیق حسن خان کی کتب میں کچھ باتیں ایسی ہیں جن کا شاید بہت سے علماء کو بھی معلوم نہ ہو۔

 

[طالب نور]

آزاد بھائی کی ایسی ہی پوسٹ کے جواب میں اردو مجلس پر کچھ عرض کیا تھا، اسے یہاں بھی شئیر کیا جا رہا ہے۔
یہ حافظ زبیر علی زئی حفظہ اللہ کی اپنی رائے ہے ضروری نہیں کہ تمام اہل حدیث علماء اس سے متفق ہوں۔ نواب صدیق حسن خان رحمہ اللہ کے بارے میں علمائے اہل حدیث کی رائے کیا ہے سب کو معلوم ہے۔ شیخ زبیر علی زئی کے نواب صدیق حسن خان کے چند اقوال و افعال کے حوالے سے شبہات ہیں جن کی بنیاد پر وہ نواب صاحب کے بارے میں یہ رائے رکھتے ہیں۔ باقی معاملہ کچھ تفصیل طلب ہے۔ ان شاء اللہ پھر کبھی سہی۔
تنبیہ: یہ میرا اپنا مئوقف اور نقطہ نظر ہے کسی سے اس کا کوئی تعلق نہیں۔
نواب صدیق حسن خان رحمہ اللہ نے کیا خوب لکھا:
" امت کے جس قدر بھی علماء و مشائخ ہیں، ان کے اقوال مقبول بھی ہیں اور مردود بھی، اگر کوئی بات رد نہیں کی جا سکتی تو وہ صرف خدا کا ارشاد ہے اور حضرت محمد صلی اللہ علیہ وسلم کا فرمان ہے۔" [ابقاء المنن مترجم: ص 86، مکتبہ سلفیہ لاہور]
اس عبارت سے نواب صاحب رحمہ اللہ کا منہج ضرور معلوم ہوتا ہے، باقی شاذ و ضعیف آراء سے کون بچ سکا ہے؟ نواب صاحب کے اپنے اس منہج کے مطابق بھی ان کی بات ایسی صورت میں رد کر دی جائے گی۔
یاد رہے شخصیات کے بارے میں علماء کی رائے کا مختلف ہو جانا کوئی حیرت کی بات نہیں۔ تفصیل کے لیے اسماء و رجال کی کتب دیکھی جا سکتی ہیں۔
والسلام۔

 

[راجا]

بھائی طالب بہت اچھی بات بتائی آپ نے۔ جزاک اللہ۔

 

[شاہد نذیر]

نواب صدیق حسن خان رحمہ اللہ کے مسلک و مذہب کے بارے میں یہ تفصیلی و تحقیقی مضمون ملاحظہ فرمائیں
کیا صدیق حسن خان رحمہ اللہ حنفی تھے؟

اس مضمون میں پہلے وہ وجوہات بیان کی گئی ہیں جن کی بنیاد پر حافظ زبیر علی زئی حفظہ اللہ نے نواب صاحب رحمہ اللہ کو غیر اہل حدیث قرار دیا ہے پھر اس کا جواب دیا گیا ہے۔والحمداللہ

 

[عامر عدنان]

تفصیلی و تحقیقی مضمون ملاحظہ فرمائیں
کیا صدیق حسن خان رحمہ اللہ حنفی تھے؟

یہ لنک کام نہیں کر رہا ہے ۔ یہاں سے مکمل مضمون پڑھیں ۔
http://www.urdumajlis.net/threads/16675/

 

[خضر حیات]

نواب صدیق حسن خان رحمہ اللہ صرف اہل حدیث ہی نہیں تھے، بلکہ اہل حدیثوں کے سرخیل تھے۔
برصغیر میں تصنیف وتالیف اور علم کی نشرواشاعت میں کوئی ان کا ثانی نظر نہیں آتا۔
شیخ زبیر علی زئی مرحوم پہلے (اور شاید آخری) شخص ہوں گے، جنہوں نے نواب صاحب کو ’غیر اہل حدیث‘ کہنے کا حوصلہ کیا ہے۔