نیٹو سپلائی کی بحالی - پرانی تنخواہ پر دوبارہ کام کا آغاز

[ابوبکر]

نیٹو سپلائی کی بحالی - پرانی تنخواہ پر دوبارہ کام کا آغاز
‭BBC Urdu‬ - ‮پاکستان‬ - ‮امریکہ کی معافی کے بعد نیٹو سپلائی کھولنےکا اعلان‬
امریکہ کی معافی کے بعد نیٹو سپلائی کھولنےکا اعلان

امریکہ کی جانب سےگزشتہ برس سلالہ حملے پاکستانی فوجیوں کی ہلاکت پر معذرت کے بعد پاکستانی کابینہ کی دفاعی کمیٹی نے نیٹو کو زمینی راستے سے رسد کی فراہمی کی بحالی کا فیصلہ کیا ہے۔

افغانستان میں تعینات اتحادی افواج کو رسد کی فراہمی چھبیس نومبر دو ہزار گیارہ کو مہمند ایجنسی میں اتحادی فوج کے حملے میں چوبیس پاکستانی فوجیوں کی ہلاکت کے بعد روک دی گئی تھی۔

اس واقعے کے بعد بارہا پاکستان کی جانب سے امریکہ سے کہا گیا کہ وہ اس پر معافی مانگے تاہم امریکی حکام اسے خارج از امکان قرار دیتے رہے تھے۔

تاہم بدھ کو امریکی وزیرِ خارجہ ہلری کلنٹن نے اپنی پاکستانی ہم منصب حنا ربانی کھر کو فون کر کے ان ہلاکتوں پر معذرت کا اظہار کیا۔ امریکی وزیرِ خارجہ نے کہا کہ ’ہم پاکستانی فوج کے نقصان پر معذرت خواہ ہیں اور دوبارہ اس قسم کے واقعات سے بچاؤ کے لیے پاکستان اور افغانستان سے مل کر کام کر رہے ہیں‘۔

اس گفتگو کے بعد جاری کردہ بیان میں امریکی وزیرِ خارجہ کا کہنا تھا کہ انہیں اس بات کی خوشی بھی ہے کہ پاکستانی وزیرِخارجہ نے انہیں مطلع کیا ہے کہ پاکستان کے زمینی راستے سے نیٹو کو رسد کی فراہمی بحال کی جا رہی ہے اور پاکستان رسد پر کسی قسم کی راہداری کا معاوضہ نہیں لے گا۔

اس معذرت کے بعد منگل کی شب اسلام آباد میں کابینہ کی دفاعی کمیٹی کے اجلاس کے بعد صحافیوں سے بات کرتے ہوئے وفاقی وزیرِ اطلاعات قمر زمان کائرہ نے بتایا کہ کمیٹی نے نیٹو کو زمینی راستے سے رسد کی فراہمی کی منظوری دے دی ہے۔

امریکی محکمۂ خارجہ کے مطابق اپنے بیان میں وزیرِ خارجہ کا کہنا ہے کہ حنا ربانی کھر سے بات چیت کے دوران انہوں نےگزشتہ نومبر میں پیش آنے والے واقعے پر دلی افسوس کا اظہار کیا۔

ہلری کلنٹن کے مطابق دونوں رہنماؤں نے اس بات کو تسلیم کیا کہ غلطیاں پاکستانی فوجیوں کے جانی نقصان کی وجہ بنیں۔

ان کا یہ بھی کہنا تھا کہ پاکستان افغانستان اور خطے کی سکیورٹی اور امن کی خاطر رسد پر کسی قسم کی راہداری کا معاوضہ نہیں لے گا۔ انہوں نے اس اقدام کو ایک خوشحال، پرامن اور محفوظ افغانستان کے لیے پاکستان کی حمایت کا ٹھوس ثبوت قرار دیا۔

امریکی وزیرِ خارجہ نے کہا کہ انہیں حنا ربانی کھر نے بتایا ہے کہ زمینی رسد میں افغان فوج کو مسلح کرنے کے لیے درکار سامان کے علاوہ کسی قسم کا مہلک سازوسامان نہیں جائے گا۔

امریکی وزیرِ دفاع لیون پنیٹا نے رسد کی بحالی کی اطلاعات پر کہا ہے کہ ’میں پاکستان کی جانب سے نیٹو کی رسد کے زمینی راستے سے بحالی کے فیصلے کا خیر مقدم کرتا ہوں۔ میں پہلے بھی واضح کر چکا ہوں، ہم پاکستان کے ساتھ اپنی شراکت داری بہتر بنانے اور خطے میں مشترکہ سکیورٹی چیلنجوں سے نمٹنے کے سلسلے میں مل کر کام کرنے کے لیے پرعزم ہیں‘۔

 

[ابوبکر]

يَا أَيُّهَا الَّذِينَ آمَنُوا لَا تَتَّخِذُوا الْيَهُودَ وَالنَّصَارَ‌ىٰ أَوْلِيَاءَ ۘ بَعْضُهُمْ أَوْلِيَاءُ بَعْضٍ ۚ وَمَن يَتَوَلَّهُم مِّنكُمْ فَإِنَّهُ مِنْهُمْ ۗ إِنَّ اللَّـهَ لَا يَهْدِي الْقَوْمَ الظَّالِمِينَ ﴿٥١﴾
اے ایمان والو! تم یہود ونصاریٰ کو دوست نہ بناؤ یہ تو آپس میں ہی ایک دوسرے کے دوست ہیں۔ تم میں سے جو بھی ان میں کسی سے دوستی کرے وه بےشک انہی میں سے ہے، ﻇالموں کو اللہ تعالیٰ ہرگز راه راست نہیں دکھاتا

 

[sana123]

Americans hammare dost ni hain balkay hum log un k ghulam hain.... dosti to brabar walon mein hoti ha....or hum ne to sirf un ki nokri ki ha hamari govt. ne to hamesha un ki hr bat kuch bole bina hi mani ha ta k un k bank balance bhar jayen or ham awam ka kya ha... hum sb mar b jyen to inhen farq ni pare ga

 

[ابوبکر]

Americans hammare dost ni hain balkay hum log un k ghulam hain.... dosti to brabar walon mein hoti ha....or hum ne to sirf un ki nokri ki ha hamari govt. ne to hamesha un ki hr bat kuch bole bina hi mani ha ta k un k bank balance bhar jayen or ham awam ka kya ha... hum sb mar b jyen to inhen farq ni pare ga

تو بہن پھر مان لیں کہ جو مسلمانوں کا دشمن ہے اور اسکا جو مددگار ہے وہ مجاہدیں کا دوست نہیں ہو سکتا
اس لیے پاکستان حکومت و فوج طالبان کی دوست نہیں دشمن ہے

 

[شاکر]

تو بہن پھر مان لیں کہ جو مسلمانوں کا دشمن ہے اور اسکا جو مددگار ہے وہ مجاہدیں کا دوست نہیں ہو سکتا
اس لیے پاکستان حکومت و فوج طالبان کی دوست نہیں دشمن ہے

جی طالبان بے شک پاکستان آ کر پبلک مقامات پر دھماکے کر کے عام شہریوں کی جانیں لیتے پھریں۔ اگر رد عمل میں بھی کچھ ان کے خلاف کیا جائے تو اسے "مجاہدین کے دشمن" کا ٹائٹل دے دیا جائے۔ بہت خوب۔
پاکستان افغانی طالبان کا دوست اور پاکستان میں کاروائی کرنے والے نام نہاد مجاہدین کا دشمن ہے اور ہونا بھی چاہئے۔

 

[ابوبکر]

جی طالبان بے شک پاکستان آ کر پبلک مقامات پر دھماکے کر کے عام شہریوں کی جانیں لیتے پھریں۔ اگر رد عمل میں بھی کچھ ان کے خلاف کیا جائے تو اسے "مجاہدین کے دشمن" کا ٹائٹل دے دیا جائے۔ بہت خوب۔

بلیک واٹر کے کرتوت مجاھدین کے ذمے نہ ڈالیں

پاکستان افغانی طالبان کا دوست اور پاکستان میں کاروائی کرنے والے نام نہاد مجاہدین کا دشمن ہے اور ہونا بھی چاہئے۔

امریکہ کی سپلائی کھول کر بھی پاکستان طالبان کا دوست ہے !!!!!!!
سینکڑوں افغانی طالبان گرفتار کر کے بھی پاکستان طالبان کا دوست ہے !!!!!!!
ڈرون حملوں میں سینکڑوں افغانی طالبان کی شہادت میں امریکہ کی معاونت کر کے بھی پاکستان طالبان کا دوست ہے !!!!!!!
افغانی طالبان کی سیکنڈ لائن اور ٹاپ قیادت گرفتار کرنے کے بعد بھی پاکستان طالبان کا دوست ہے !!!!!!!
افغانی طالبان کے قائدین کی پاکستانی جیلوں میں تشدد اور برے سلوک سے شہادت کے باوجود بھی پاکستان طالبان کا دوست ہے !!!!!!!

پاکستان افغانی طالبان کا دوست اور پاکستان میں کاروائی کرنے والے نام نہاد مجاہدین کا دشمن ہے اور ہونا بھی چاہئے۔

جی ہاں پاکستان حکومت اور فوج صرف جو اعلاء کلمۃ اللہ چاہتے ہیں ان کے خلاف ہے
ریمنڈ ڈیوس جو پاکستان میں کاروائیاں کرتا پھر رہا تھا اس کو عزت سے گھر بھیج دیا گیا
ایبٹ آباد میں امریکہ کاروائی کر گیا لیکن امریکہ اس کے خلاف نہیں
امریکہ کی مرضی کے لیے بیٹھے فوجیوں کو سلالہ میں امریکہ نے کاروائی کر کے مار دیا لیکن پاکستان اس کے خلاف نہیں

 

[ابوبکر]

نیٹو سپلائی اور ملک صاحب!
‭BBC Urdu‬ - ‮پاکستان‬ - ‮نیٹو سپلائی اور ملک صاحب!‬
جیسے ہی لگ بھگ سات ماہ کی تحقیق کے بعد پاکستان کو پتہ چلا کہ نیٹو میں امریکہ کے علاوہ بھی ستائیس دیگر ممالک ہیں اور یہ ممالک بھی اہم ہیں اور ان ممالک کا سامان بھی امریکی سازوسامان کے ساتھ کراچی سے براستہ طورخم اور چمن افغانستان جاتا ہے تو پاکستان نے ایک دن کی بھی غیر ضروری تاخیر نہیں کی اور راستہ کھول دیا۔

شروع میں پاکستان کو کسی نے پٹی پڑھا دی تھی کہ سلالہ پر حملہ نیٹو طیاروں نے نہیں امریکہ نے کیا تھا۔ مگر بعد میں نیٹو کے سکریٹری جنرل نے شکاگو کی افغان کانفرنس میں پاکستان کو اعتماد میں لے کر چپکے سے بتا دیا کہ امریکہ بھی نیٹو کا حصہ ہے۔ یوں رفتہ رفتہ غلط فہمیاں دور ہوتی چلی گئیں۔ تاہم کچھ لوگوں کو اب بھی یہ بات سمجھ میں نہیں آ رہی کہ اگر پاکستان نے پورے نیٹو کے لیے راستہ کھولا تو پھر اکیلے امریکہ سے کیوں معافی مانگنے پر اصرار کیا اور امریکہ نے پاکستان کو کیوں نہیں بتایا کہ بھیا ہم بھی نیٹو ہیں لہذا معافی کا مطالبہ برسلز کے نیٹو ہیڈ کوارٹرز سے کیجیے واشنگٹن کو کاہے کو گھسیٹتے ہیں۔

کچھ لوگ باگ سمجھتے ہیں کہ اگرچہ پاکستان سات ماہ تک غلط ملک سے معافی طلب کرتا رہا۔ پھر بھی امریکہ نے بڑے پن کا ثبوت دیا اور نا صرف نیٹو بلکہ امریکی جنرلوں، محکمہ دفاع کے جونئیر سٹاف اور وزیرِ خارجہ ہلری کلنٹن کی جانب سے ایک سے زائد بار آئی ایم سوری کہا گیا، معذرت کی گئی اور ہاتھ جوڑ کر یہ تک کہا گیا کہ او جا یار معاف کر۔

چنانچہ پاکستانی قیادت جو اس معاملے میں پارلیمنٹ اور قومی دفاعی کمیٹی کی رضا مندی کے بغیر نوالہ بھی نہیں توڑ رہی تھی ۔بلآخر اس کا دل پسیج گیا اور اتنا پسیجا کہ اس نے یہ تسلیم کر لیا کہ چونکہ اتنے زیادہ اہلکاروں نے معذرت کر لی ہے لہذا مزید کسی اعلی شخصیت کی جانب سے معافی مانگنے کی ضرورت باقی نہیں رہی۔یوں ایک بار پھر سب ہنسی خوشی رہنے لگے۔

ویسے دیکھا جائے تو نیٹو سپلائی کھلنے میں سب کی جیت اور سب کا فائدہ ہے۔

امریکہ اور نیٹو کا فائدہ یوں ہے کہ روس کی جانب سے رسد افغانستان پہنچانے کا رستہ اور خرچہ گھٹ گیا۔پاکستان کو یہ فائدہ ہوا کہ اس نے ثابت کر دیا کہ وہ کوئی گرا پڑا ملک نہیں ۔اس نے اپنی مرضی سے سپلائی بند کی اور اپنی مرضی سے کھولی۔وہ ایک ذمہ دار ریاست ہے اور حالات کی نزاکت اور اپنے مفاد کو نیٹو سے زیادہ سمجھتا ہے۔

فوجی قیادت کو یہ فائدہ ہوا کہ اس نے براہ راست رضامندی ظاہر کرکے اپنی انا کو ٹھیس پہنچانے کے بجائے سیاسی حکومت کو بطور ڈاکخانہ استعمال کیا۔

دفاعِ پاکستان کونسل کو یہ فائدہ ہوا کہ پارلیمنٹ میں صفر نمائندگی کے باوجود اسکی قیادت کو بھرپور میڈیا کوریج ملی اور آئندہ بھی ملتی رہے گی۔ حکومت اور فوج کو بھی اس بہانے یہ جتانے کا موقع ملا کہ انہوں نے دفاعِ پاکستان کونسل جیسی مقبول، جید اور دبنگ تنظیم کو ناراض کرنے کا خطرہ مول لے کر ہی سپلائی کھولنے کا کڑوا گھونٹ پیا ہے۔ لہذا واشنگٹن اور برسلز اس فیصلے کو ہلکا نہ سمجھیں۔ کبھی بھی کچھ بھی ہو سکتا ہے۔چنانچہ دفاعِ پاکستان کونسل کی انتباہی سیاست سے پیدا ہونے والی غیر یقینی صورتحال کے پیشِ نظر فوج کے ذیلی ادارے نیشنل لاجسٹک سیل کو بادلِ نخواستہ یہ ٹھیکہ دینا چاہئیے کہ وہ پچاس فیصد نیٹو سپلائی بذریعہ ریل بحفاظت پاک افغان سرحد تک پہنچائے۔

اور سب سے زیادہ فائدے میں وہ سینکڑوں ٹھیکیدار، ڈرائیور، کنٹینر سپلائر، کمیشن ایجنٹ اور نیٹو کی ٹرالیوں سے گنے کھینچ کر چوسنے والے شریر بچے ہیں جن کی روزی روٹی اور شغل ساڑھے سات ماہ بند رہا۔اس سے پہلے کہ ان میں سے بیشتر بے نظیر انکم سپورٹ پروگرام میں خود کو رجسٹر کروا لیتے حکومت نے بروقت ایک اور دانشمندانہ قدم اٹھا لیا۔

اس پرمسرت موقع پر ان حاسدوں پر دھیان دینے کی چنداں ضرورت نہیں جو کہتے پھر رہے ہیں کہ جس پارلیمنٹ سے نیٹو سپلائی کھولنے کی شرائط منظور کروائی گئیں اسی پارلیمنٹ سے اب سپلائی کھولنے کی بھی منظوری لی جاوے۔ بھلا یہ کیا بات ہوئی کہ جب سپلائی بند کرنا تھی تو پارلیمنٹ کو بندوق تھما کر چنے کے جھاڑ پر چڑھا دیا گیا اور کھولنے کا موقع آیا تو پارلیمنٹ سے بالا بالا ہی سیٹنگ کر لی گئی۔

نا تو پارلیمنٹ کی قرار داد کے مطابق ڈرون حملوں کے بارے میں کوئی واضح فیصلہ ہوا ، نا ہی صدرِ امریکہ نے معافی مانگی اور نا ہی امریکہ نے دہشت گردی کے خلاف جہاد میں پاکستان کی خدماتی رسیدوں پر یقین کرتے ہوئے ایک مدت سے پھنسی اجرت بے باق کرنے کی حامی بھری۔

میں ایسے حاسدوں کو ایک قصہ سنائے دیتا ہوں تاکہ انہیں نیٹو سپلائی بند کرنے اور کھولنے کے فیصلے کے پیچھے کار فرما دانش کا کچھ کچھ اندازہ ہو سکے۔

ہوا یوں کہ پہلی عالمی جنگ کے دوران اوروں کی طرح پوٹھوار کے ایک ملک صاحب کو بھی حکم ملا کہ اپنے گاؤں سے کم ازکم بیس جوان فوج میں بھرتی کراؤ۔ ملک صاحب نے نوجوانوں کو بھرتی کے فوائد سمجھائے لیکن کوئی رضاکار آگے نا آیا۔ چنانچہ ملک صاحب نے اعلان کیا کہ اس گاؤں سے جو لڑکا بھی میرے ساتھ بھرتی مرکز تک چلے گا اسے میں ڈائریکٹ لفٹین بھرتی کراؤں گا۔ یوں ایک ہی دن میں بیس جوانوں کی بھرتی کا کوٹہ پورا ہوگیا۔

ایک ماہ بعد جب رنگروٹوں کو ٹریننگ سینٹر پہنچنے کا فوجی پروانہ آیا تو ہر ایک کے پروانے میں لفٹین کے بجائے سپاہی کا عہدہ درج تھا۔سب نوجوان ملک صاحب کے پاس خفا خفا پہنچے۔ملک صاحب نے معاملے کی سنگینی بھانپتے ہوئے اپنی بے لوث کوششوں کے بارے میں ایک جذباتی تقریر کی اور سینہ ٹھونک کر کہا کہ عالی جناب کرنل سائمن صاحب نے مجھ سے وعدہ کیا ہے کہ میں تمہارے سب لڑکوں کو لفٹین بنادوں گا بس ذرا مہلت دے دو۔ لیکن میں نے عالی جناب کی آنکھوں میں آنکھیں ڈال کر کہا کہ جب تک آپ اپنا عہد پورا نہیں کرتے تب تک ان تمام جوانوں کو کلف سے اکڑی شاندار وردی ، چمکیلی پیٹی، چمڑے کے دمکتے جوتے اور انتہائی صحت بخش وافر راشن مفت اور تنخواہ الگ سے دینی پڑے گی۔ یہ شرائط سنتے ہی تم یقین کرو عالی جناب کرنل سائمن صاحب کے پسینے چھوٹ گئے۔انہوں نے میرے پیش کردہ رومال سے پیشانی خشک کرتے ہوئے فرمایا کہ ملک صاحب آپ نے بڑی مشکل میں ڈال دیا ہے۔لیکن آپ کی بات رکھنے کے لئے میں تمام شرائط منظور کرتا ہوں۔

تو میرے بیٹو کیا یہ کم کامیابی ہے تمہارے ملک صاحب کی۔۔۔۔۔۔

اس پر لڑکوں نے جذباتی ہو کر ملک صاحب کو کندھے پر اٹھا لیا ۔ انکے حق میں زبردست نعرے لگائے اور خوشی خوشی ٹریننگ کے لیے روانہ ہوگئے۔

 

[شاکر]

بلیک واٹر کے کرتوت مجاھدین کے ذمے نہ ڈالیں

کمال ہے کہ یہ سب کرتی بلیک واٹر ہے اور قبول مجاہدین کر لیتے ہیں؟
حال ہی میں سترہ پاکستانی فوجیوں کو ذبح کرنے والے نام نہاد مجاہدین حضرات تھے یا بلیک واٹر؟
پاکستان میں پبلک مقامات پر کتنے دھماکوں کی ذمہ داری یہ مجاہدین حضرات قبول کر چکے ہیں؟
ایک طرف پاکستان کو امریکہ کا اتحادی کہتے ہیں اور دوسری طرف خود ہی یہ بھی مانتے ہیں کہ امریکہ پاکستان میں خفیہ طور پر سرگرم ہے۔
اگر امریکہ خفیہ طور پر پاکستان میں بلاسٹس کروا سکتا ہے تو پاکستان خفیہ طور پر افغانستان کی مدد کیوں نہیں کر سکتا؟ جبکہ اس بات کو اب دنیا تسلیم کر رہی ہے کہ افغان جنگ میں پاکستان کی مدد کے بغیر نیٹو افواج کو اتنا مشکل وقت نہیں دیا جا سکتا تھا۔
افغانی طالبان افغانستان سے بڑھ کر پاکستان کو محفوظ گھر تسلیم کرتے ہیں یا نہیں؟
اسامہ بن لادن کو آخر دنیا بھر میں پاکستان ہی کیوں محفوظ ٹھکانے کے طور پر نظر آیا تھا۔۔؟

امریکہ کی سپلائی کھول کر بھی پاکستان طالبان کا دوست ہے !!!!!!!
سینکڑوں افغانی طالبان گرفتار کر کے بھی پاکستان طالبان کا دوست ہے !!!!!!!
ڈرون حملوں میں سینکڑوں افغانی طالبان کی شہادت میں امریکہ کی معاونت کر کے بھی پاکستان طالبان کا دوست ہے !!!!!!!
افغانی طالبان کی سیکنڈ لائن اور ٹاپ قیادت گرفتار کرنے کے بعد بھی پاکستان طالبان کا دوست ہے !!!!!!!
افغانی طالبان کے قائدین کی پاکستانی جیلوں میں تشدد اور برے سلوک سے شہادت کے باوجود بھی پاکستان طالبان کا دوست ہے !!!!!!!

ایک عرصہ قبل عبداللہ عبدل صاحب نے آپ ہی کی فکر کے حاملین سے ایک اہم سوال کیا تھا کہ خبروں کے کون سے ماخذ آپ کے نزدیک قابل اعتبار ہیں اور کون سے ناقابل اعتبار ہیں۔ اور ان صاحب کا جواب تھا کہ کافر میڈیا کی اپنے بارے میں خبریں درست ہوتی ہیں اور مجاہدین کے بارے میں خبریں غلط ہوتی ہیں۔

آپ اور آپ کی فکر رکھنے والے احباب یہاں بی بی سی کی وہ خبریں چن چن کر پھیلاتے ہیں جن میں پاکستان اور امریکہ کو اتحادی دکھایا جاتا ہو۔

ذرا بی بی سی کی درج ذیل ڈاکومنٹری ملاحظہ کیجئے جس میں امریکہ اور اس کے اتحادی خود تسلیم کرتے ہیں کہ افغانستان میں نیٹؤ شکست کی ذمہ داری پاکستان پرعائد ہوتی ہے۔ خفیہ جنگ کا اس سے زیادہ اور کیا ثبوت دیا جائے آپ کو کہ جس سے نام نہاد مجاہدین مسلمانوں ہی کے ملک میں مسلمانوں کو کافر قرار دے کر ان کے خلاف "جہادی کاروائیاں" کرنے سے باز آ جائیں۔

[video=youtube;waZvHZGxj_g]http://www.youtube.com/watch?v=waZvHZGxj_g[/video]

 

[ابوبکر]

کمال ہے کہ یہ سب کرتی بلیک واٹر ہے اور قبول مجاہدین کر لیتے ہیں؟

کب قبول کر لیتے ہیں ؟ عام مسلمانوں پر حملوں کی مجاہدین نے کبھی ذمہ داری قبول نہیں کی-

حال ہی میں سترہ پاکستانی فوجیوں کو ذبح کرنے والے نام نہاد مجاہدین حضرات تھے یا بلیک واٹر؟

مجاہدین تھے - یہ گولیاں چلائیں،بمباری کریں، ڈرون کریں، گھروں کو مسمار کریں،جوان عورتوں کو بے پردہ کر کے گھر گھسیٹ کر نکالیں، مسجدوں پر ڈائریکٹ بمباری کریں تو مجاہدیں کیا انکو پھول پیش کریں ؟

پاکستان میں پبلک مقامات پر کتنے دھماکوں کی ذمہ داری یہ مجاہدین حضرات قبول کر چکے ہیں؟

عام مسلمانوں پر دھماکے کی ذمہ داری قبول نہیں کی

ایک طرف پاکستان کو امریکہ کا اتحادی کہتے ہیں اور دوسری طرف خود ہی یہ بھی مانتے ہیں کہ امریکہ پاکستان میں خفیہ طور پر سرگرم ہے۔

امریکہ یہ بلاسٹ کرا ہی مجاہدیں کو بدنام کرانے کے لیے کر رہا ہے

افغانی طالبان افغانستان سے بڑھ کر پاکستان کو محفوظ گھر تسلیم کرتے ہیں یا نہیں؟
اسامہ بن لادن کو آخر دنیا بھر میں پاکستان ہی کیوں محفوظ ٹھکانے کے طور پر نظر آیا تھا۔۔؟

مجاہدین جہاں بھی رہ رہے ہیں اپنے زوربازو پر رہ رہے ہیں،ورنہ فوج نے کوئی کسر نہیں چھوڑی
جنوبی وزیرستان،کرم،اورکزئی،مھمند،تیراہ ہر جگہ پر ہر نسل اور ملک کے مجاہدین کے خلاف جنگ کی ہے

ایک عرصہ قبل عبداللہ عبدل صاحب نے آپ ہی کی فکر کے حاملین سے ایک اہم سوال کیا تھا کہ خبروں کے کون سے ماخذ آپ کے نزدیک قابل اعتبار ہیں اور کون سے ناقابل اعتبار ہیں۔ اور ان صاحب کا جواب تھا کہ کافر میڈیا کی اپنے بارے میں خبریں درست ہوتی ہیں اور مجاہدین کے بارے میں خبریں غلط ہوتی ہیں۔ آپ اور آپ کی فکر رکھنے والے احباب یہاں بی بی سی کی وہ خبریں چن چن کر پھیلاتے ہیں جن میں پاکستان اور امریکہ کو اتحادی دکھایا جاتا ہو۔
ذرا بی بی سی کی درج ذیل ڈاکومنٹری ملاحظہ کیجئے جس میں امریکہ اور اس کے اتحادی خود تسلیم کرتے ہیں کہ افغانستان میں نیٹؤ شکست کی ذمہ داری پاکستان پرعائد ہوتی ہے۔ خفیہ جنگ کا اس سے زیادہ اور کیا ثبوت دیا جائے آپ کو کہ جس سے نام نہاد مجاہدین مسلمانوں ہی کے ملک میں مسلمانوں کو کافر قرار دے کر ان کے خلاف "جہادی کاروائیاں" کرنے سے باز آ جائیں۔
[video=youtube;waZvHZGxj_g]http://www.youtube.com/watch?v=waZvHZGxj_g[/video]

1- کیا کسی حدیث میں آیا ہے کہ مجاہدین صرف افغانی ہوں گے ؟
کیا عرب مسلمان مجاہدین نہیں بن سکتے ؟
کیا چینی مسلمان مجاہدین نہیں بن سکتے ؟
کیا ازبک مسلمان مجاہدین نہیں بن سکتے ؟
کیا افریقی مسلمان مجاہدین نہیں بن سکتے ؟
کیا دنیا کے کسی بھی خطے کا مسلمان مجاہد نہیں بن سکتا ؟
اور اگر بن سکتا ہے تو پھر ان کو پکڑ کر ان کے ملکوں کے حوالے کیوں کر رہا ہے ؟

2- اوپر بھی میں نے لکھا تھا کہ
افغانی طالبان کی سیکنڈ لائن اور ٹاپ قیادت گرفتار کرنے کے بعد بھی پاکستان طالبان کا دوست ہے !!!!!!!
افغانی طالبان کے قائدین کی پاکستانی جیلوں میں تشدد اور برے سلوک سے شہادت کے باوجود بھی پاکستان طالبان کا دوست ہے !!!!!!!
یہ اچھی دوستی اور مدد ہے
لیکن آپ نے تجاہل عارفانہ سے کام لیا

ذرا بی بی سی کی درج ذیل ڈاکومنٹری ملاحظہ کیجئے جس میں امریکہ اور اس کے اتحادی خود تسلیم کرتے ہیں کہ افغانستان میں نیٹؤ شکست کی ذمہ داری پاکستان پرعائد ہوتی ہے

اچھا چلیں یہ ہی بتا دیں کہ پاکستان کس طرح ذمہ دار ہے ؟
ا- کیا پاکستانی فوج افغانستان میں امریکہ سے جنگ کر رہی ہے ؟ آپ کہیں گے نہیں
ب- کیا پاکستان حکومت امریکہ کو پاکستان کے راستے کوئی بھی کوئی بھی جنگی سازوسامان نہیں جانے دیتی ؟ آپ کہیں گے جانے دیتی ہے
ج- کیا پاکستانی حکومت اور فوج طالبان کو اسلحے کے ڈھیر دے رہے ہیں ؟ تو اسکا کوئی بھی ثبوت نہیں بلکہ الٹا فوج میرانشاہ کی اسلحہ مارکیٹ تباہ کر دیتی ہے،جس پر افغان جہاد کا بڑا انحصار تھا-
چ- کیا پاکستانی حکومت اور فوج نے طالبان کو خود اڈے، رہائش دی ہوئی ہیں ؟ جی نہیں - مجاہدین جہاں رہتے ہیں زور بازو رہتے ہیں-حقیقت یہ ہے کہ فوج نے مکمل زور لگایا کہ مجاہدین کے پاؤن اکھڑ جائیں لیکن اللہ سبحانہ و تعالٰی کی رحمت سے ایسا نہ ہو سکا

 

[ابوالحسن علوی]

ا- کیا پاکستانی فوج افغانستان میں امریکہ سے جنگ کر رہی ہے ؟ آپ کہیں گے نہیں

بالکل کر رہی ہے بلکہ افغانستان تو کیا پاکستان میں بھی یعنی وزیرستان میں بھی حقانی گروپ کی صورت میں کر رہی ہے اگرچہ یہ جنگ اس وقت ڈبل گیم کی صورت میں ہو رہی ہے۔ ہمارے کئی جاننے والوں کو آئی ایس آئی کی طرف سے آفر ہوئی کہ آپ کو اٍفغانستان بھیجتے ہیں۔