اخت ولید
سینئر رکن
- شمولیت
- اگست 26، 2013
- پیغامات
- 1,792
- ری ایکشن اسکور
- 1,296
- پوائنٹ
- 326
بسم اللہ الرحمٰن الرحیم
السلام علیکم ورحمۃ اللہ وبرکاتہ
ٹکی برگر
اجزاء:
آلو:دو سو گرام ابال کر میش کر لیں
انڈے:تین عدد(دو ابال کر میش کر لیں اور ایک کو پھینٹ لیں)
ہرادھنیا:دو کھانے کے چمچ (باریک کَٹا ہوا)
ہری مرچ:دو کھانے کے چمچ (باریک کاٹ کر پیس لیں)
نمک:ایک چائے کا چمچ
کالی مرچ: آدھا چائے کا چمچ( پسی ہوئی)
گرم مسالہ:ا ٓدھا چائے کا چمچ( پسا ہوا)
پودینے کی چٹنی:حسب ضرورت
ٹماٹر :ایک عدد (چھلے کی طرح گول کَٹے ہوا)
کھیرا:ایک عدد (چھلےکی طرح کَٹا ہوا)
ڈبل روٹی کا چورا:حسبِ ضرورت
بن:چار عدد
سلاد کا پتہ:حسبِ ضرورت
ترکیب:
ایک پیالے میں ابلے میش کیے ہوئے آلو،میش کیے ہوئے انڈے،ہرا دھنیا،ہری مرچ،نمک،کالی مرچ اور گرم مسالہ ڈال کر اچھی طرح ملائیں۔پھر اس کی چھوٹی ٹکیاں بنا کر پھینٹے ہوئے انڈے میں ڈبو کر ڈبل روٹی کے چورے میں رول کر کے آہستہ آہستہ فرائی کر لیں ۔اب برگر بن کو درمیان میں سے کاٹ کر توے پر ایک چمچ آئل ڈال کر ہلکا سا سینک لیں۔
پھر اس پر پودینے کی چٹنی پھیلائیں اور فرائی کی ہوئی ٹکیہ رکھ کر اوپر سے کٹےہوئے ٹماٹر اور کھیرا رکھ کر سلاد کا پتہ پھیلائیں اور بند کے دوسرے حصے سے ڈھک دیں۔ٹکی برگر تیار ہے!گرما گرم پیش کریں۔
پسند کریں توسادہ آملیٹ بھی شامل کر لیں۔