پھر تو تو بادشاہوں میں سے ہے۔

[ابو عکاشہ]

سید نا عبداللہ رضی اللہ تعالیٰ عنہ بن عمرو بن عاص رضی اللہ تعالیٰ عنہ سے ایک آدمی نے سوال کیا کہ ألسنا من فقرا المهاجرين کیا ہم مہاجرین فقراء میں سے نہیں ہیں سید نا عبداللہ نے اس آدمی سے فرمایا ألک امرأة تأوي إليها کیا تیری بیوی ہے جس کے پاس تو رہتا ہے وہ کہنے لگا ہاں سید نا عبداللہ نے فرمایا قال ألک مسکن تسکنه کیا تیرے پاس رہنے کے لیے گھر ہے اس نے کہا جی ہاں سید نا عبد اللہ نے فرمایا فأنت من الأغنيا پھر تو تو مالدار لوگوں میں سے ہے اس آدمی نے کہا فإن لي خادما میرے پاس ایک خادم بھی ہے سید نا عبداللہ نے فرمایا فأنت من الملوک
پھر تو تو بادشاہوں میں سے ہے۔ ٍ(صحیح مسلم كتاب الزهد)


یہ نبی صلی اللہ علیہ و آلہ وسلم کی تربیت تھی کیونکہ آپ علیہ الصلا ة و السلام نے فرمایا تھا
« مَنْ أَصْبَحَ مِنْكُمْ آمِنًا فِى سِرْبِهِ مُعَافًى فِى جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا ».
جو شخص تم میں سے اس حال میں صبح کرے کہ وہ اپنے گھر یا قوم میں امن سے ہو ، جسمانی لحاظ سے تندرست ہو اور اس کے پاس ایک دن کی خوراک موجود ہو تو گویا اس کے لیے دنیا اپنے تمام تر سازو سامان کے ساتھ جمع کر دی گئی ہے ۔(سنن ترمذی ابواب الزهد)
ایک موقعہ پر رسول مقبول صلی اللہ علیہ و آلہ وسلم نے اپنے ایک ساتھی کو اس طرح نصیحت فرمائی
جس کا سوال تھا کہ مجھے کوئی ایسا عمل بتلائیں کہ اللہ بھی مجھ سے محبت کرے اور لوگ بھی مجھ سے محبت کریں آپ صلی اللہ علیہ و آلہ وسلم نے فرمایا : « إِزْهَدْ في الدُّنْيَا يُحِبُّكَ اللهُ ، وَازْهَدْ فِيمَا عِنْدَ النَّاسِ يُحِبُّكَ النَّاسُ »
دنیا سے بے رغبتی اختیار کر اللہ تجھ سے محبت کرے گا اور اس چیز سے بے پرواہ ہو جا جو لوگوں کے پاس ہے لوگ تجھ سے محبت کریں گے (ابن ماجہ باب الزهد فی الدنیا)

 

[ناصر رانا]

ماشاءاللہ بہت خوب

 

[محمد ارسلان]

جزاک اللہ خیرا