کرتے ہیں شب و روز مسلمانوں پر تکفیر

[باذوق]

اک مولوی صاحب سے کہا میں نے کہ کیا آپ
کچھ حالتِ یورپ سے خبردار نہیں ہیں

آمادۂ اسلام ہیں لندن میں ہزاروں
ہر چند ابھی مائلِ اظہار نہیں ہیں

تقلید کے پھندوں سے ہوئے جاتے ہیں آزاد
وہ لوگ بھی جو داخلِ احرار نہیں ہیں

جو نام سے اسلام کے ہو جاتے ہیں برہم
ان میں بھی تعصب کے وہ آثار نہیں ہیں

افسوس مگر یہ ہے کہ واعظ نہیں پیدا
یا ہیں تو بقول آپ کے دیندار نہیں ہیں

کیا آپ کے زمرہ میں کسی کو نہیں یہ درد
کیا آپ بھی اس کے لیے تیار نہیں ہیں

جھلا کے کہا یہ کہ یہ کیا سوئے ادب ہے
کہتے ہو وہ باتیں جو سزاوار نہیں ہیں

کرتے ہیں شب و روز مسلمانوں پر تکفیر
بیٹھے ہوئے کچھ ہم بھی تو بیکار نہیں ہیں

(علامہ شبلی نعمانی)

 

[سرفراز فیضی]

یا ہیں تو بقول آپ کے دیندار نہیں ہیں

کرتے ہیں شب و روز مسلمانوں پر تکفیر

پر کو پے اور دین دار کو دیں دار کردیں تو شاید دونوں مصرعے بحر میں آجائیں ۔ ویسے نقل کہاں سے کیا ہے آپ نے ؟

 

[شاہد نذیر]

کرتے ہیں شب و روز مسلمانوں پر تکفیر
بیٹھے ہوئے کچھ ہم بھی تو بیکار نہیں ہیں

احمد رضا بریلوی پر یہ شعر بالکل فٹ بیٹھتا ہے۔

 

[باطل شکن]

احمد رضا بریلوی پر یہ شعر بالکل فٹ بیٹھتا ہے۔

آپ جیسے مبلغوں پر بھی بالکل فٹ بیٹھتا ہے۔جو ایک طرف تو علماء اہلحدیث کے دفاع کی خاطر دن رات ایک کرکے ہر حد کو پار کرنا مناسب سمجھتے ہیں اور دوسری طرف اگر یہی علماء کوئی ایسا فتوی دے دیں جو آپ کی طبیعت کو ناگوار گزرے تو آپ اخلاق کی حدیں عبور کرکے ان کو واہیات بے ہودہ اور پتا نہیں کیسے کیسے القاب سے نوازتے ہیں۔

 

[شاہد نذیر]

آپ جیسے مبلغوں پر بھی بالکل فٹ بیٹھتا ہے۔

میں نے تو کبھی ذاتی طور پر کسی کو کافر قرار نہیں دیا۔اگر کبھی ایسا ہوا ہے تو علماء کے فتوے نقل کئے ہیں یا پھر اسے کافر کہا ہے جو اللہ کی کتاب اور رسول اللہ صلی اللہ علیہ وسلم کے قطعی فرامین سے کافر ثابت ہوتا ہے اور اس میں بھی میں منفرد نہیں بلکہ علمائے حق کی راہنمائی حاصل ہے۔ مطلب یہ کہ کسی کو کافر قرار دینے کا الزام مجھ پر نہ تو عائد کیا جاسکتا ہے اور نہ ہی ثابت۔ لہذا آپ کا یہ فرمان مجھ پر صریح بہتان ہے۔

جو ایک طرف تو علماء اہلحدیث کے دفاع کی خاطر دن رات ایک کرکے ہر حد کو پار کرنا مناسب سمجھتے ہیں

میں نے اللہ کے فضل سے پوری کوشش کی ہے کہ مذہب اہل حدیث اور علمائے اہل حدیث کے دفاع میں جھوٹ،خیانت اور دھوکہ بازی سے کام نہ لیا جائے اسی کو ہر حد پار کرنا کہتے ہیں اور یہ دیوبندیوں اور بریلویوں کا وطیرہ ہے۔ آپ نے جو دعویٰ کیا ہے جو دعویٰ کم اور الزام زیادہ ہے کا کم ازکم ایک ثبوت درکار ہے۔

اور دوسری طرف اگر یہی علماء کوئی ایسا فتوی دے دیں جو آپ کی طبیعت کو ناگوار گزرے تو آپ اخلاق کی حدیں عبور کرکے ان کو واہیات بے ہودہ اور پتا نہیں کیسے کیسے القاب سے نوازتے ہیں۔

معاف کیجئے گا دین میں میری زاتیات اور پسند و ناپسند کو کوئی دخل نہیں ہے۔ وہی چیز میری طبیعت پر ناگوار گزرتی ہے جو شریعت کی مخالفت پر مبنی ہو۔ میں اللہ کی توفیق سے مذہب اہل حدیث کا دفاع کرتا ہوں اپنی زات کا نہیں۔ یہ بات یاد رکھیے کہ میں نے فتویٰ کے بارے میں کہا تھا کہ نامعقول اور بے ہودہ فتویٰ ہے یہ علیحدہ بات ہے کہ بحث کے ذیل میں مفتیان کرام کا بھی ذکر آگیا تھا۔ لیکن میرا اصل اعتراض اس فتویٰ پر تھا اور ہے نہ کہ اس مفتی پر جس نے وہ فتویٰ دیا میں صرف فتویٰ کی مذمت کرتا ہوں یا کم ازکم اس فتویٰ کی حد تک اس مفتی کی بھی جس نے وہ فتویٰ دیا۔ لیکن مطلقا اس مفتی کو قابل مذمت نہیں سمجھتا۔
اگر آپ کو میرے وہ جملے بدتمیزی لگتے ہیں تو یہ آپکا ذاتی نقطہ نظر ہوسکتا ہے میرے نزدیک اس فتویٰ کے لئے نہ صرف وہ جملے درست تھے بلکہ بہت کم تھے مذکورہ فتویٰ اس سے زیادہ سخت الفاظ میں مذمت کئے جانے کے قابل تھا۔ اور یہ اپنی اپنی غیرت کی بات ہے مجھے اس بات پر غیرت آئی کہ اس فتوے کے ذریعے الولاء و البراء جو کہ دین کا مضبوط ترین کڑا ہے توڑ دیا گیا اور اپنے مذہبی تساہل کی وجہ سے دانستہ یا نادانستہ احادیث کو پس پشت ڈالا گیا۔ اور بدترین بدعتی دیوبندیوں سے پیار و محبت کی پینگیں بڑھائی گئیں۔ پس اگر اس پر میں نے اپنے جذبات کا اظہار کردیا تو کیا برا کیا۔ ہم نے شریعت کی مخالفت کا رونا رویا اور آپ نے مفتی کی مذمت کا رونا رویا اور شریعت کا خیال تک نہ آیا۔

 

[باذوق]

یا ہیں تو بقول آپ کے دیندار نہیں ہیں

کرتے ہیں شب و روز مسلمانوں پر تکفیر

پر کو پے اور دین دار کو دیں دار کردیں تو شاید دونوں مصرعے بحر میں آجائیں ۔ ویسے نقل کہاں سے کیا ہے آپ نے ؟

سبقتِ کی بورڈ ہی سمجھئے ۔۔۔ پر کے بجائے پہ ہی آنا چاہیے۔
ای۔میل سے امیج فائل ملی تھی ، جس کو کمپوز کرنے سے قبل کوئی آدھ گھنٹہ تو گوگل سرچ کی کہ تصدیق ہو جائے مگر نہ اردو میں ہے ، نہ رومن اردو میں اور نہ ہی انگریزی میں۔ حتیٰ کہ شبلی نعمانی سے منسوب آفیشیل سائیٹ بھی منظر عام سے غائب ہے۔ امید ہے کہ اہل علم و ادب سے جلد یا بدیر تصدیق ہو جائے گی۔ کیونکہ لب و لہجہ اور آہنگ سے مخصوص شبلی رنگ جھلک رہا ہے :)

 

[باذوق]

میں اللہ کی توفیق سے مذہب اہل حدیث کا دفاع کرتا ہوں اپنی زات کا نہیں۔

آپ کے اس طرح کے "حسن ظن" سے، سچی بات تو یہ ہے کہ ۔۔ مافي مشكلة :)
مگر بہرحال ہماری رائے تو یہی ہے کہ اللہ اور اس کے رسول صلی اللہ علیہ وسلم (کی تعلیمات) اس قسم کی توفیق دینے سے بری ہیں !!

 

[قادری رانا]

احمد رضا بریلوی پر یہ شعر بالکل فٹ بیٹھتا ہے۔

اس تکفیر کا ٹھیکہ تو جناب آپ لوگوں نے لے رکھا ہےجو ہر بات پر شرک کا فتوی بلکہ بے نمازی پر بھی انمالمشرکون نجس والی آیت پڑھتے ہیں۔اکثریت امت کو مشرک بنا ڈالا ۔باقی جن حضرات کی اعلی حضرت نے تکفیر کی تھی آپ کی اطلاع کے لئے عرض آج آپ کے حضرات بھی ان عبارات کو کفریہ کہتے ہیں۔الدیوبندیہ از طالب رحمان ہی پڑھ لیتے تو کم از کم ایسا نہ کہتے۔ہم تو امت کی عظمت کو بچانے والے ہیں۔نہ کہ آپ کی طرح شرک خفی کو شرک جلی بنا کر امت کی تکفیر کرنے والے اور اسلام کا دائری تنگ کرنے والے