کن جگہوںمیں نماز پڑھنی منع ہے؟

[محدث میڈیا]

ساری زمین مسجد ہیں ، زمین کے کسی بھی ٹکڑے میں نماز پڑھی جا سکتی ہے لیکن رسول اللہ صلی اللہ علیہ وسلم نے چند جگہوں میں نماز پڑھنے سے منع فرمایا ہے:

1- اونٹوں کے باڑے میں

سیدنا براء بن عازب ؓ بیان کرتے ہیں کہ رسول اللہ ﷺ سے اونٹوں کے باڑوں میں نماز کے متعلق پوچھا گیا تو آپ ﷺ نے فرمایا: ”ان میں نماز نہ پڑھا کرو، بلاشبہ یہ شیاطین میں سے ہیں۔“ اور بکریوں کے باڑوں کے متعلق پوچھا گیا تو فرمایا: ”ان میں نماز پڑھ لیاکرو، بلاشبہ یہ بابرکت ہوتی ہیں۔“ (سنن ابی داود: 493)

2- قبرستان میں

3- غسل خانے اور قضائے حاجت کی جگہ میں (لیٹرین میں)

سیدنا ابوسعید خدری رضی اللہ عنہ کہتے ہیں کہ رسول اللہ ﷺ نے فرمایا: ”زمین ساری کی ساری مسجد ہے سوائے حمام اور مقبرہ کے۔“ (سنن ابی داود: 492)