کیا آپ دن کے روزہ دار اور رات کے تہجد گزار بننا چاہتے ہیں

[ابو عکاشہ]

کیا آپ دن کے روزہ دار اور رات کے تہجد گزار بننا چاہتے ہیں







عن عائشة رحمها الله قالت سمعت رسول الله صلی الله عليه وسلم يقول إن المؤمن ليدرک بحسن خلقه درجة الصام القام


سیدہ عائشہ رضی اللہ تعالیٰ عنہ فرماتی ہیں کہ میں نے رسول اللہ صلی اللہ علیہ وآلہ وسلم کو یہ فرماتے ہوئے سنا کہ مومن آدمی اپنے اعلیٰ اخلاق سے سارے دن کے روزہ دار اور ساری رات کے تہجد گذار کا درجہ حاصل کرلیتا ہے۔
سنن ابوداؤد:جلد سوم:حدیث نمبر 1394 کتاب الادب

عن أبي هريرة عن النبي صلی الله عليه وسلم قال الساعي علی الأرملة والمسکين کالمجاهد في سبيل الله وأحسبه قال وکالقام لا يفتر وکالصام لا يفطر

سیدنا ابوہریرہ رضی اللہ تعالیٰ عنہ نبی صلی اللہ علیہ و آلہ وسلم سے روایت کرتے ہیں کہ آپ نے فرمایا بیوہ عورت اور مسکینوں پر کوشش کرنے والا اللہ کے راستے میں جہاد کرنے والے کی طرح ہے اور میں گمان کرتا ہوں کہ وہ اس قائم کی طرح ہے کہ جو نہ تھکتا ہو اور اس صائم کی طرح ہے کہ جو افطار نہ کرتا ہو۔

صحیح مسلم:جلد سوم:حدیث نمبر 2968 کتاب الزھد

عن أوس بن أوس عن النبي صلى الله عليه وسلم قال: من غسل واغتسل وغدا وابتكر ودنا من الإمام ولم يلغ كان له بكل خطوة عمل سنة صيامها وقيامها.، قال الإمام النووي في المجموع: هذا الحديث حسن رواه أحمد بن حنبل وأبو داود والترمذي والنسائي وابن ماجه وغيرهم بأسانيد حسنة.


اوس بن اوس ثقفى رضى اللہ تعالى عنہ بيان كرتے ہيں كہ رسول كريم صلى اللہ عليہ وسلم نے فرمايا:

" جس نے جمعہ كے روز خود غسل كيا اور غسل كروايا، اور صبح جلدى گيا اور آگے جا كر بیٹھا، اور قريب ہو كر خاموشى سے خطبہ سنا، اس كے ليے ہر قدم كے بدلے ایک سال کے روزے اور قيام كا ثواب ہے "

جامع ترمذى حديث نمبر ( 496 ) علامہ البانى رحمہ اللہ تعالى نے صحيح ترمذى حديث نمبر ( 410 ) ميں اسے صحيح قرار ديا ہے. مسند احمد میں بھی یہ روایت دوسرے طرق سے آئی ہے۔ امام ابو داؤد اور امام نسائی نے بھی اسے روایت کیا ہے رحمہم اللہ اجمعین

۔۔۔

 

[طاہر]

عن أوس بن أوس عن النبي صلى الله عليه وسلم قال: من غسل واغتسل وغدا وابتكر ودنا من الإمام ولم يلغ كان له بكل خطوة عمل سنة صيامها وقيامها.، قال الإمام النووي في المجموع: هذا الحديث حسن رواه أحمد بن حنبل وأبو داود والترمذي والنسائي وابن ماجه وغيرهم بأسانيد حسنة.


اوس بن اوس ثقفى رضى اللہ تعالى عنہ بيان كرتے ہيں كہ رسول كريم صلى اللہ عليہ وسلم نے فرمايا:

" جس نے جمعہ كے روز خود غسل كيا اور غسل كروايا، اور صبح جلدى گيا اور آگے جا كر بیٹھا، اور قريب ہو كر خاموشى سے خطبہ سنا، اس كے ليے ہر قدم كے بدلے ایک سال کے روزے اور قيام كا ثواب ہے "

بد قسمتی سے میں بروز جمعہ قدرے تاخیر سے مسجد جاتا ہوں تاہم خطبہ مسنونہ شروع ہونے سے پہلے پہنچتا ہوں اور خطبہ مسنونہ غور سے سنتا ہوں۔ تاخیر سے جانے کا سبب یہ ہے کہ ہمارے مولانا حضرت اپنے اردو خطاب میں بے تکی، ادھر اُدھر کی اور غلو سے بھرپور اور نامستند چھوڑتے رہتے ہیں۔ امید ہے اللہ رب العزت میری مجبوری اور نیت کے تحت در گزر فرمائے گا۔ تاہم اپنی آراء و مشاورت سے ضرور نوازیئے گا۔ شکریہ

 

[انس]

آپ کسی ایسی مسجد میں جایا کریں جہاں خطیب صاحب قصوں کہانیوں کی بجائے کتاب وسنت سے وعظ کیا کریں!

 

[Aamir]

بھائی ماشاء الله، الله کے فضل سے جب سے معلوم ہوا کی جمعہ کے دن جلدی جانے سے ایک اونٹ کی قربانی کا ثواب ملتا ہے تب سے لیکر آج تک قریب دیڑھ سال سے ہر جمعہ کے روز مسجد میں ایک گھنٹے پہلے ہی پہنچ جاتا ہوں.. ویسے بندے کی اتنی طاقت نہیں ہے کی عید الاضحی کے روز قربانی کر سکے.. اس لئے اسی بہانے قربانی کا ثواب بھی مل جاتا ہے. الله میری یہ کوشش قبول کرے آمین.

اور طاہر بھائی آپ بھی جمعہ کے دن جلدی جانے کی کوشش کرے تاکہ جمعہ کے دن زیادہ سے زیادہ ثواب حاصل کیا جا سکے.

 

[ابو عکاشہ]

طاہر بھائی آپ اپنے امام کو نصیحت کریں اگر وہ مان جائیں تو ٹھیک ورنہ وہی کریں جو انس بھائی نے کہا ہے