کیا اذکار اور دعائیں پڑھ کر ہاتھ پر پھونک کر جسم پر ہاتھ پھیرنا بدعت ہے؟

[محمد ارسلان]

السلام علیکم
کیا اذکار اور دعائیں پڑھ کر ہاتھ پر پھونک کر جسم پر ہاتھ پھیرنا بدعت ہے؟

 

[عمران اسلم]

اذکار اور دعاؤں کے بعد ہاتھوں پر پھونک مار کر جسم پر پھیرنا سنت صحیحہ ہے اور یہ قطعاً بدعت نہیں ہے۔ صحیح بخاری میں حضرت عائشہ رضی اللہ عنہا سے مروی ہے :
"أَنَّ النَّبِىَّ - صلى الله عليه وسلم - كَانَ إِذَا أَوَى إِلَى فِرَاشِهِ كُلَّ لَيْلَةٍ جَمَعَ كَفَّيْهِ ثُمَّ نَفَثَ فِيهِمَا فَقَرَأَ فِيهِمَا ( قُلْ هُوَ اللَّهُ أَحَدٌ ) وَ ( قُلْ أَعُوذُ بِرَبِّ الْفَلَقِ ) وَ ( قُلْ أَعُوذُ بِرَبِّ النَّاسِ ) ثُمَّ يَمْسَحُ بِهِمَا مَا اسْتَطَاعَ مِنْ جَسَدِهِ يَبْدَأُ بِهِمَا عَلَى رَأْسِهِ وَوَجْهِهِ وَمَا أَقْبَلَ مِنْ جَسَدِهِ يَفْعَلُ ذَلِكَ ثَلاَثَ مَرَّاتٍ"
(صحیح بخاری: 5017 ، ابو داؤد : 5056)
’’کہ نبی کریم ﷺ جب اپنے بستر پر آرام کرتے تو ہر شب اپنے دونوں ہاتھ اکٹھے کر کے ان پر ’قل ہو اللہ احد‘ ’قل اعوذ برب الفلق‘ اور ’قل اعوذ برب الناس‘ پڑھ کر دم کرتے اور پھر دونوں ہتھیلیوں کو جہاں تک ممکن ہوتا اپنے جسم پر پھیر لیتے۔ پہلے سر، چہرے اور بدن کے اگلے حصے پر ہاتھ پھیرتے اور ایسا تین مرتبہ کرتے تھے۔‘‘

 

[گڈمسلم]

جزاک اللہ عمران بھائی آپ نےدلیل کے ساتھ سوال کا جواب دیا

 

[محمد ارسلان]

جزاک اللہ خیرا بھائی جان عمران
اور دعائیں مانگ کر بھی پھیر سکتے ہیں مثلا قرآن میں جو دعا ہے عقیدہ توحید پر ثابت قدمی کی اور علم میں اضافے کی اور اسی طرح اور دعائیں تو کیا ان کو پڑھ کر اس نیت سے جسم پر پھیریں کہ میرا عقیدہ ہمیشہ توحید پر رہے تو کیا صحیح ہو گا۔

 

[عمران اسلم]

دعاؤں اور اذکار کے حوالے سے یہ بات ذہن نشین رہے کہ ہر دعا اور ذکر پڑھ کر جسم پر ہاتھ پھیرنا جائز نہیں ہے۔ صرف ان اذکار اور دعاؤں کے بعد جسم پر ہاتھ پھیرے جائیں گے جن میں نبی اکرم صلی اللہ علیہ وسلم سے ایسا کرنا ثابت ہے۔ بصورت دیگر وہ بدعت شمار ہوگا۔ جیسا کہ ہم نے رسول اکرم صلی اللہ علیہ وسلم کا سونے سے پہلے کا عمل ذکر کیا ہے کہ آپ معوذات پڑھنے کے بعد ہاتھ پر پھونک کر جسم پر پھیرتے تھے۔ اس کے علاوہ کسی اور دعا یا ذکر کے بعد جسم پر ہاتھ پھیرنا کسی صحیح حدیث سے ثابت نہیں ہے۔ آپ نے جو دریافت کیا ہے کہ قرآنی دعا پڑھ کر جسم پر ہاتھ پھیر سکتا ہوں؟ تو چونکہ قرآنی دعائیں پڑھ کر جسم پر ہاتھ پھیرنا نبی اکرم صلی اللہ علیہ وسلم سے ثابت نہیں ہے اس لیے آپ کے یے ایسا کرنا جائز نہیں ہے۔

 

[محمد ارسلان]

جزاک اللہ خیرا

 

[راجا]

جزاک اللہ خیرا۔ لیکن کچھ لوگوں کو دیکھا ہے کہ وہ سر، سینے، بازو اور پیٹ پر سے ہوتے ہوئے ٹانگوں اور پاؤں تک ہاتھ پھیرتے ہیں۔ خصوصیت سے نماز کے بعد جو اذکار پڑھے جاتے ہیں، اس کے بعد تو اس کا عام مشاہدہ کیا جا سکتا ہے۔ کیا جسم پر ہاتھ پھیرنے میں واقعی پورے جسم پر ہاتھ پھیرنا چاہئے؟ نیز نماز کے بعد والے اذکار کے بعد ہاتھ پھیرنا بھی سنت ہے یا نہیں۔ خصوصا گریبان میں جو پھونک ماری جاتی ہے۔ یہ درست ہے یا کہ نہیں؟

 

[انس]

اذکار اور دعاؤں کے بعد ہاتھوں پر پھونک مار کر جسم پر پھیرنا سنت صحیحہ ہے اور یہ قطعاً بدعت نہیں ہے۔

عمران بھائی!
جزاکم اللہ خیراً وبارک فی علمکم وعملکم
میرے خیال میں اس طرح کہنا صحیح ہے کہ رات کو تینوں قل پڑھتے ہوئے ہوئے ہاتھوں کو پھونک مار کر جسم پر پھیرنا سنتِ صحیحہ ہے اور قطعاً بدعت نہیں ہے۔ کیونکہ دلیل میں جو صحیح بخاری کی روایت آپ نے پیش کی ہے وہ صرف رات کے وقت سورۃ الاخلاص، الفلق اور الناس پڑھنے کے بعد ہی پھونک مار کر جسم پر ہاتھ پھیرنے کے متعلّق ہے، اس سے اس عمل کو مطلقًا ہر ذکر کے ہاتھ متعلق کرنا صحیح نہیں، جیسا کہ آپ نے اپنی اگلی پوسٹ میں بھی مکمل وضاحت بھی کر دی کہ

دعاؤں اور اذکار کے حوالے سے یہ بات ذہن نشین رہے کہ ہر دعا اور ذکر پڑھ کر جسم پر ہاتھ پھیرنا جائز نہیں ہے۔ صرف ان اذکار اور دعاؤں کے بعد جسم پر ہاتھ پھیرے جائیں گے جن میں نبی اکرم صلی اللہ علیہ وسلم سے ایسا کرنا ثابت ہے۔ بصورت دیگر وہ بدعت شمار ہوگا۔ جیسا کہ ہم نے رسول اکرم صلی اللہ علیہ وسلم کا سونے سے پہلے کا عمل ذکر کیا ہے کہ آپ معوذات پڑھنے کے بعد ہاتھ پر پھونک کر جسم پر پھیرتے تھے۔ اس کے علاوہ کسی اور دعا یا ذکر کے بعد جسم پر ہاتھ پھیرنا کسی صحیح حدیث سے ثابت نہیں ہے۔ آپ نے جو دریافت کیا ہے کہ قرآنی دعا پڑھ کر جسم پر ہاتھ پھیر سکتا ہوں؟ تو چونکہ قرآنی دعائیں پڑھ کر جسم پر ہاتھ پھیرنا نبی اکرم صلی اللہ علیہ وسلم سے ثابت نہیں ہے اس لیے آپ کے یے ایسا کرنا جائز نہیں ہے۔

اس طرح گویا کہ آپ کے دونوں جوابوں میں تعارض سا پیدا ہوگیا ہے۔

 

[محمد ارسلان]

السلام علیکم
ہاں انس بھائی نے صحیح کہا ہے واقعی عمران بھائی نے پہلے جب لکھا تو میں سمجھا کہ جب بھی اذکار پڑھے جائیں گے تب جسم پر ہاتھ پھیرنے میں حرج نہیں
بعد میں عمران بھائی نے وضاحت کی۔

دعاؤں اور اذکار کے حوالے سے یہ بات ذہن نشین رہے کہ ہر دعا اور ذکر پڑھ کر جسم پر ہاتھ پھیرنا جائز نہیں ہے۔ صرف ان اذکار اور دعاؤں کے بعد جسم پر ہاتھ پھیرے جائیں گے جن میں نبی اکرم صلی اللہ علیہ وسلم سے ایسا کرنا ثابت ہے۔ بصورت دیگر وہ بدعت شمار ہوگا۔

 

[رفیق طاھر]

اس تعارض کا حل اللہ تعالى نے قرآن مجید فرقان حمید میں بتایا ہے :
فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ
اگر تم اللہ اور یوم آخرت پر ایمان رکھتے ہو تو جس معاملہ میں تمہارا تنازعہ ہو جائے اسے اللہ اور اسکے رسول صلى اللہ علیہ وسلم کی طرف لوٹا دو۔
نیز فرمایا :
وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا
اور جو کچھ تمہیں رسول صلى اللہ علیہ وسلم دیں وہ لے لو اور جس سے روکیں رک جاؤ۔
اور رسول اللہ صلى اللہ علیہ وسلم کا فرمان ذی شان ہے :
شَرَّ الْأُمُورِ مُحْدَثَاتُهَا وَكُلُّ مُحْدَثَةٍ بِدْعَةٌ وَكُلُّ بِدْعَةٍ ضَلَالَةٌ
کاموں میں سے بد ترین کام وہ ہیں جو کتاب وسنت پر نو ایجاد شدہ ہوں اور ہر نو ایجاد شدہ کام بدعت ہے اور ہر بدعت گمراہی ہے ۔
لہذا نیجہ یہ نکلاکہ :
جس دعاء یا ذکرکے بعد جس موقع پر جسم پر پھونک مارنا یا ہاتھوں پر پھونک مارکر انہیں جسم پر پھیرنا رسول اللہ صلى اللہ علیہ وسلم سے ثابت ہے صرف اسی موقع پر انہی اذکار وادعیہ کے بعد ایسا عمل جائز ومباح ہے ۔ باقی سب ناجائز و غلط۔