کیا تہجد نہ پڑھنا منافقین کی علامت ہے؟

[محدث میڈیا]

بلاشبہ احادیث مبارکہ میں تہجد کی بہت زیادہ فضیلت بیان ہوئی ہے۔ تہجد کا اہتمام اللہ تعالی کےخاص نیک بندے کیا كرتے ہیں۔ حديث مباركہ میں رسول اللہ ﷺ نے فرمایا:
أَفْضَلُ الصِّيَامِ، بَعْدَ رَمَضَانَ، شَهْرُ اللهِ الْمُحَرَّمُ، وَأَفْضَلُ الصَّلَاةِ، بَعْدَ الْفَرِيضَةِ، صَلَاةُ اللَّيْلِ (صحيح مسلم: 1163)
’’رمضا ن کے بعد سب سے افضل روزے اللہ کے مہینے ’’محرم‘‘ کے ہیں اور فرض نماز کے بعد سب سے افضل نماز رات کی نماز ہے۔‘‘
رسول الله صلى الله عليہ وسلم بھی تہجد پڑھا کرتے تھے، اس لیے انسان کو تہجد پڑھنی چاہیے، لیکن یہ لازمی نہیں ہے کہ جو تہجد نہیں پڑھتا وہ منافق ہے ۔ وہ منافق بھی ہو سکتا ہے ، اور يہ بھی ممکن ہے كہ منافق نہ ہو بلكہ سستی کی وجہ سے تہجد نہ پڑھتا ہو۔