کیا جو عذاب قبر والی ویڈیو بنائی گئی ہے اس میں فرشتے کی نقل بنانا کیا یہ درست عمل ہے؟

[محمد ارسلان]

السلام علیکم
کیا جو عذاب قبر والی ویڈیو بنائی گئی ہے اس میں فرشتے کی نقل بنانا کیا یہ درست عمل ہے؟
ویڈیو بہت عبرتناک ہے۔

 

[ابوالحسن علوی]

معلوم نہیں کہ آپ کس ویڈیو کی بات کر رہے ہیں لیکن اصول یہی ہے کہ آپ کسی نبی یا رسول یا فرشتے کو فلما نہیں سکتے ہیں:
١۔ کیونکہ یہ ایک طرف تو ان کی عصمت، تقدس اور احترام کے منافی ہے یعنی جسے آپ فرشتہ دکھا رہے ہیں ، وہ تو انسان ہونے کی وجہ سے گناہ گار ہے جبکہ اصلا فرشتہ تو معصوم ہے ۔
٢۔اور دوسری طرف صریح بہتان اور جھوٹ بھی ہے یعنی جسے آپ فرشتہ دکھا رہے ہیں وہ حقیقت میں فرشتہ نہیں ہےلہذا جھوٹ اور بہتان ہوا۔
واللہ اعلم بالصواب

 

[محمد ارسلان]

جزاک اللہ خیرا بھائی جان

 

[محمد ارسلان]

السلام علیکم
اس ویڈیو میں فرشتے کا کردار جو کہ ایک شخص کر رہا ہے وہ عربی میں کچھ کہتا بھی ہے۔کیا یہ ویڈیو دیکھنا صحیح نہیں عبرت کے لیے اور کیا جو اس شخص نے باتیں کہی ہیں وہ اللہ پر جھوٹ ہیں؟

 

[ابوالحسن علوی]

کیا یہ ویڈیو دیکھنا صحیح نہیں عبرت کے لیے اور کیا جو اس شخص نے باتیں کہی ہیں وہ اللہ پر جھوٹ ہیں؟

ممانعت کی وجہ اللہ پر جھوٹ کو نہیں بنایا گیا ہے بلکہ

۱۔کیونکہ یہ ایک طرف تو ان کی عصمت، تقدس اور احترام کے منافی ہے یعنی جسے آپ فرشتہ دکھا رہے ہیں ، وہ تو انسان ہونے کی وجہ سے گناہ گار ہے جبکہ اصلا فرشتہ تو معصوم ہے ۔
٢۔اور دوسری طرف صریح بہتان اور جھوٹ بھی ہے یعنی جسے آپ فرشتہ دکھا رہے ہیں وہ حقیقت میں فرشتہ نہیں ہےلہذا جھوٹ اور بہتان ہوا۔

کو بنایا گیا ہے۔

 

[محمد ارسلان]

کیا اس ویڈیو کو اپنے کمپیوٹر میں رکھنا گناہ ہے؟

 

[ابوالحسن علوی]

میرے خیال میں ایسی ویڈیوز کو ڈیلیٹ کر دینا چاہیے۔

 

[محمد ارسلان]

جزاک اللہ خیرا

 

[محمد ارسلان]

اس ویڈیو کو دیکھ کر اگر کوئی گناہ سے توبہ کر لے تو ویڈیو بنانے والوں کو ثواب ہو گا یا گناہ؟

 

[ابوالحسن علوی]

دیکھیں ناں جن لوگوں نے جھوٹی احادیث عام کیں ان کا مقصد بھی نیک تھا تو مقصد یا نتیجہ مثبت نکلنے سے ایک کام جائز نہیں ہو جاتا ہے۔ یہ کام بہرحال گناہ کا ہی شمار ہو گا، چاہے اس سے لوگوں کی اصلاح ہو یا نہ ہو۔
ایک صوفی بزرگ ابن ابی مریم کو جب فضائل و ترغہیب وتشویق کی احادیث وضع کرنے کے جرم میں پکڑا گیا تو اور ان سے سوال ہوا کہ تمہیں اتنی جرات کیسے ہوئی تو اس نے یہی جواب دیا کہ میں لوگوں کو دیکھا کہ وہ امام ابو حنیفہ رحمہ اللہ کی فقہ کی طرف متوجہ ہیں تو میں نے انہیں قرآن کی طرف راغب کرنے کے لیے فضائل قرآن کی روایات گھڑ لیں وغیرہ ذلک۔
آپ اس پر بھی غور کریں کہ ہمارے بچپن کے پی ٹی وی کے اکثر ڈرامے ایسے تھے کہ جن کے بارے کہا جا سکتا ہے کہ وہ معاشرتی اصلاح میں بہت ممد و معاون تھے، ان ڈراموں کے ذریعے وڈیروں، جاگیرداروں، گدی نشینوں اور چوہدریوں وغیرہ کے ظلم وستم کا انکشاف کیا جاتا اور ان کے خلاف معاشرے میں عوامی سطح پر آواز بلند کرنے کے لیے رائے عامہ کو ہموار کیا جاتا تھا لیکن اس کے باوجود صرف اس کے فوائد کے پیش نظر ان کو شرعی جواز عطا نہیں کیا جا سکتا ہے۔