کیا حی علی خیرالعمل کے الفاظ کا اضافہ اذان میں بدعت ہے

[lovelyalltime]

جواب اس کا اضافہ عبد الله ابن عمر رضی الله عنہ اور زین عابدین علی بن حسین نے کیا

مصنف ابن ابی شیبہ کی روایت ہے

حَدَّثَنَا أَبُو بَكْرٍ قَالَ: نا حَاتِمُ بْنُ إِسْمَاعِيلَ، عَنْ جَعْفَرٍ، عَنْ أَبِيهِ، وَمُسْلِمِ بْنِ أَبِي مَرْيَمَ، أَنَّ عَلِيَّ بْنَ حُسَيْنٍ، كَانَ يُؤَذِّنُ، فَإِذَا بَلَغَ حَيَّ عَلَى الْفَلَاحِ، قَالَ: «حَيَّ عَلَى خَيْرِ الْعَمَلِ»، وَيَقُولُ: «هُوَ الْأَذَانُ الْأَوَّلُ»

امام جعفر اپنے والد اور مسلم بن ابی مریم سے وہ علی بن حسین کہ انہوں نے اذان دی پس جب حَيَّ علی الفلاح پر پھنچے تو کہا حی علی خیر العمل اور کہا کہ یہ اذان اول ہے

اسی کتاب میں ہے

حَدَّثَنَا أَبُو خَالِدٍ، عَنِ ابْنِ عَجْلَانَ، عَنْ نَافِعٍ، عَنِ ابْنِ عُمَرَ، أَنَّهُ كَانَ يَقُولُ فِي أَذَانِهِ: «الصَّلَاةُ خَيْرٌ مِنَ النَّوْمِ»، وَرُبَّمَا قَالَ: «حَيَّ عَلَى خَيْرِ الْعَمَلِ»

ابن عمر جب اذان دیتے تو کہتے الصَّلَاةُ خَيْرٌ مِنَ النَّوْمِ اور کبھی کہتے حَيَّ عَلَى خَيْرِ الْعَمَلِ

لیکن تواتر سے یہ الفاظ نقل نہیں ہوئے صرف ابن عمر اور علی بن حسین کے لئے ملتا ہے کہ انہوں نے ان الفاظ کو اذان میں ادا کیا لیکن وہ کہتے ہیں یہ اذان اول ہے– اس کو بدعت نہیں کہنا چاہیے کیونکہ صحابہ سے بدعات کی شروعات نہیں ہوئیں

بیہقی سنن الکبری میں کہتے ہیں

قَالَ الشَّيْخُ: وَهَذِهِ اللفظةُ لَمْ تَثْبُتْ عَنِ النَّبِيِّ صَلَّى اللهُ عَلَيْهِ وَسَلَّمَ فِيمَا عَلَّمَ بِلَالًا وَأَبَا مَحْذُورَةَ وَنَحْنُ نَكْرَهُ الزِّيَادَةَ فِيهِ

یہ الفاظ نبی صلی الله علیہ وسلم سےثابت نہیں جیسا کہ بلال اور ابو مَحْذُورَةَ نے سکھائے اور ہم اس زیادت کا انکار کریں گے

علم حدیث کا اصول ہے کہ بعض اوقات زیادت ثقہ بھی قبول کی جاتی ہے لہذا بیہقی کا یہ کہنا مناسب نہیں صاف بات یہ ہے کہ یہ الفاظ تواتر سے نہیں ملے لہذا ان کو نہیں کہا جاتا

 

[خضر حیات]

علم حدیث کا اصول ہے کہ بعض اوقات زیادت ثقہ بھی قبول کی جاتی ہے لہذا بیہقی کا یہ کہنا مناسب نہیں صاف بات یہ ہے کہ یہ الفاظ تواتر سے نہیں ملے لہذا ان کو نہیں کہا جاتا

امام بیہقی کی بات درست ہے ، آپ کو صحیح سمجھ نہیں آئی ’’ زیادت ثقہ ‘‘ کا مطلب یہ نہیں کہ موقوف ، مقطوع آثار و روایات کو مرفوع احادیث کے ساتھ ملا دیا جائے ۔
’’زیادۃ الثقہ ‘‘ کا اصول اس وقت زیر بحث آتا ہے ، جب دونوں روایات ایک درجہ میں ہوں مثلا مرفوع یا موقوف وغیرہ ۔
گویا امام صاحب کا کہنے کا مطلب ہے کہ زائد الفاظ چونکہ اللہ کے رسول سے ثابت نہیں ہیں ، لہذا ہم ان کے اضافے کو درست نہیں سمجھتے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ویسے لولی صاحب ! آپ کی جراءت کوسلام ہے ، علوم و فنون کے ابتدائی مسائل کی بھی آپ کو شد بد نہیں ، لیکن تحقیق کا جذبہ اس قدر ہے کہ بڑے بڑے آئمہ و اساطین علم پر حکم لگانے میں ایک لمحہ بھی دیر نہیں کرتے ۔ اللہ المستعان ۔
آپ کو یہ بہت گلہ رہتا ہےکہ آپ کی پوسٹیں ’’ زیر نگرانی ‘‘ رکھی جاتی ہیں ، کسی نے آپ کو بین کرنے بھی دھمکی بھی دی ہے ، لیکن ذرا خود بھی تو غور کریں ، آپ بھی تو کوئی کمی نہیں کر رہے ، مجہول نام ، مجہول مقام ، کئی اراکین آپ سے نالاں ، فورم کے قوانین کو گاہے گاہے چیلنج کرنا ،اور سب سے بڑی بات ، علماء کا یا ان کی آراء کا ایک فیصد بھی ادب و احترام نہیں ہے ۔ علمی بحث و مباحثہ کی اہلیت و قدرت نہ ہونے کے باوجود اہل علم کے ساتھ بحث و تکرار کرنا ۔ بار بار ٹیگ کرنا ، تقریبا دو سال سے آپ کے یہ تمام معاملات میں دیکھ رہا ہوں ، جھیل بھی رہا ہوں ، اور مجھے خدشہ ہے کہ کئی سنجیدہ اراکین آپ کی بار بار کی ٹیگنگ کی وجہ سے فورم پر غیر فعال ہوچکے ہیں ۔
آپ نے ہمارے ساتھ جو وقت گزارا ، آپ نے محنت و کوشش کی ، آپ کے شکر گزار ہیں ،نیت کیا تھی یہ معاملہ آپ کا اللہ کےساتھ ہے ۔
حالیہ موضوع میں آپ جو کہنا چاہیں ، مکمل آزادی ہے ، البتہ دیگر کسی بھی جگہ آپ کو مراسلات کرنے کی اجازت نہیں ۔

 

[قاھر الارجاء و الخوارج]

جناب امام بیھقی نے یہ جملہ اس حدیث کے بارے کہا ہے جسے نبی صلی اللہ علیہ و سلم کی طرف منسوب کیا گیا تھا نہ کہ موقوف روایت کے بارے
شاید آپ ابھی مصادر تک پہنچنے کی صلاحیت نہیں رکھتے
یہاں دیکھ لیں روایت ضعیف ہی ہے
http://library.islamweb.net/hadith/display_hbook.php?bk_no=673&pid=331481&hid=1813