کیا مرفوع حدیث بھی اللہ کی طرف سے وحی ہے؟

[محمد ارسلان]

السلام علیکم
قرآن بھی اللہ کی وحی ہے اور حدیث بھی،لیکن حدیث وحی خفی ہے۔میرا سوال یہ ہے کہ جن احادیث میں رسول اللہ صلی اللہ علیہ وسلم کا کوئی قول،فعل یا کسی عمل پر خاموشی اختیار کی گئی ہو جسے حدیث تقریری کہا جاتا ہے،وہ تو اللہ کی طرف سے حکم ہے۔
لیکن بعض روایات میں صرف ایک صحابی کی دوسرے صحابی سے گفتگو ہوتی ہے،اس میں رسول اللہ ﷺ کا تذکرہ نہیں ہوتا۔مثلا جیسے وہ روایت جس کا مفہوم ہے کہ ایک صحابی نے دعا کی کہ کل میرا میدان جہاد میں کسی جنگجو کافر سے مقابلہ ہو اور میں اسے مار ڈالوں پھر دوسرے صحابی نے آمین کہی،پھر دوسرے صحابی نے کہا کہ کل میرا میدان جہاد میں کسی جنگجو کافر سے مقابلہ ہو اور میں اس کے ہاتھوں شہید کیا جاؤں۔شہید کے بعد وہ میری لاش کا مثلہ کرے۔۔۔۔یہ روایت اور اس طرح کئی روایات ہیں جن میں رسول اللہ ﷺ کا تذکرہ نہیں ہوتا،میرا سوال ہے کیا ایسی روایات اگر سند کے اعتبار سے صحیح بھی ہوں تو کیا ان روایات کو حدیث کہا جا سکتا ہے؟کیا ان رویات کو ہم اللہ کی طرف سے حکم کہہ سکتے ہیں،جبکہ وحی تو صرف اللہ کی طرف سے ہوتی ہے جو نبیوں اور رسولوں پر نازل ہوتی ہے۔

اس مسئلے کی قرآن و حدیث کی روشنی میں وضاحت کریں۔شکریہ

 

[محمد ارسلان]

انتظامیہ سے گزارش ہے کہ تھریڈ کا عنوان درست کر دیں۔

کیا مفروع حدیث بھی اللہ کی طرف سے وحی ہے؟

مرفوع حدیث

 

[ابوالحسن علوی]

شاید آپ موقوف حدیث کہنا چاہتے ہیں۔ موقوف روایت وہ ہوتی ہے کہ جس کی سند صحابی تک پہنچتی ہو۔ اور یہ صحیح بھی ہو سکتی ہے اور ضعیف اور موضوع بھی۔ موقوف بعض صورتوں میں مرفوع کے حکم میں ہوتی ہے اور وحی شمار ہوتی ہے جبکہ اکثر صورتوں میں قول صحابی شمار ہوتی ہے اور اسے صحابی کی رائے یا اجتہاد یا فتوی یا قول کہا جاتا ہے۔

 

[محمد ارسلان]

کیا کوئی مثال دی جا سکتی ہے؟

 

[محمد ارسلان]

یاد دہانی