کیا یہی توحید ہے؟

[محمد ارسلان]

بسم اللہ الرحمن الرحیم

کیا یہی توحید ہے؟

لب پہ تو اللہ کی تعریف ہے تمجید ہے
اور عمل دیکھیں تو خود ایمان کی تردید ہے
کیا یہی توحید ہے؟
جن کو ورد سورۃ اخلاص کی تاکید ہے
ان کو بھی کفار ہی سے خوف اور اُمید ہے
کیا یہی توحید ہے؟
خود ہوائے نفس کی ہے بے تکلف پیروی
اور خدائے پاک کے احکام پر تنقید ہے
کیا یہی توحید ہے؟
جا رہی ہے یک قلم ،تعلیم قرآں کے خلاف
آیت قرآں سے جس تقریر کی تمہید ہے
کیا یہی توحید ہے؟
مشرکانہ رنگ میں ہوتا ہے اس کا اہتمام
خواہ وہ تقریب غم ہے خواہ جشن عید ہے
کیا یہی توحید ہے؟
تو ہے کوشاں دین حق کی سربلندی کے لئے
اور باطل قوتوں سے طالب تائد ہے
کیا یہی توحید ہے؟
زندہ مردان خدا ہے بے نیازی کا سلوک
اور مُردوں سے تجھے اولاد کی اُمید ہے
کیا یہی توحید ہے؟
سجدہ قبروں پہ،نظر دنیا پہ،دل نظر بتاں
دین حق کی تنقیص میں اغیار کی تقلید ہے
کیا یہی توحید ہے؟
کعبہ دل میں بسائے جا رہے ہیں بُت نئے
جاہلیت کے پرانے دور کی تجدید ہے
کیا یہی توحید ہے؟
اب مسلماںکو بھی نہیں لا تقنطوا کا یقیں
کفر سے مرغوب ہے اسلام سے نو اُمید ہے
کیا یہی توحید ہے؟
وحدت امت ہوئی ہے پارہ پارہ اے "اسد"
انتشار فکر کی سو طرح سے تائید ہے
کیا یہی توحید ہے؟

اسد ملتانی​

​

 

[جمشید]

کیایہی مضمون ہے ؟؟؟؟؟؟؟؟؟؟؟؟؟؟
یعنی ’’تازہ مضامین‘‘کے زمرہ میں نظم کب سے شامل ہونے لگی؟

 

[محمد ارسلان]

کیایہی مضمون ہے ؟؟؟؟؟؟؟؟؟؟؟؟؟؟
یعنی ’’تازہ مضامین‘‘کے زمرہ میں نظم کب سے شامل ہونے لگی؟

نظم پوسٹ کرنے کے لیے مجھے کوئی سیکشن نہیں مل سکا۔تو میں نے تازہ مضامین میں نظم پوسٹ کر دی۔ویسے انتظامیہ چاہے تو اس نظم کو مطلوبہ سیکشن میں موو کر سکتی ہے۔

 

[کلیم حیدر]

کیایہی مضمون ہے ؟؟؟؟؟؟؟؟؟؟؟؟؟؟
یعنی ’’تازہ مضامین‘‘کے زمرہ میں نظم کب سے شامل ہونے لگی؟

جمشیدبھائی جان انداز بیاں کو درست کیا جائےبے جا اعتراض سے کلی گریز کیا جائے۔مجھے نہیں لگتا کہ آپ کے اس اعتراض سے کوئی فائدہ یا اصلاح ہوئی ہوگی اس پر آپ کے یہ جملے ’’کیا یہی مضمون ہے‘‘ اور ’’یعنی ’’تازہ مضامین‘‘کے زمرہ میں نظم کب سے شامل ہونے لگی؟‘‘ کہنے کے بجائے یہ کہہ دیتے کہ بھائی جان اس نظم کا تعلق فلاں سیکشن سے ہے (کیونکہ آپ اہل علم ہیں اور میری اور میرے جیسے کئی بھائیوں کی راہنمائی کرنا آپ پر فرض بنتا ہے) اس کو وہاں پوسٹ کریں۔یا ان جملوں کے پوسٹ کرنے کے بجائے آپ بھائی کو جزاک اللہ کہہ دیتے تو کتنی اپنے بھائی کےدل میں عزت پاتے۔
ہاں ایک اور بات بھی کہ اپنے بھائیوں کی ساتھ ہنسی مذاق بھی ہونا چاہیے لیکن وہ ان کی پوسٹ پر نہیں۔

اگر میری کوئی بات دل کو ٹھیس پہنچائے تو پیشگی معذرت بھائی جان

 

[محمد ارسلان]

جزاک اللہ خیرا بھائی جان حیدر۔
آپ نے صحیح کہا۔جمشید بھائی ایسے بھی لکھ دیتے تو صحیح رہتا کہ:
"ارسلان بھائی آپ نے یہ نظم جس سیکشن میں پوسٹ کی یہ سیکشن نظم پوسٹ کرنے کے لیے موزوں نہیں۔لیکن اگر آپ نے انجانے میں پوسٹ کر بھی دی ہے تو آپ انتظامیہ سے کہہ کر اسے متعلقہ سیکشن میں موو کرا لیں۔"

 

[انس]

جمشید بھائی ایسے بھی لکھ دیتے تو سہی رہتا کہ ...

’سہی‘ نہیں ’صحیح‘!

 

[محمد ارسلان]

’سہی‘ نہیں ’صحیح‘!

جزاک اللہ خیرا
میری تحریروں میں ٹائپنگ کی بہت ساری غلطیاں ہوتی ہیں لیکن میں ان سب کی اصلاح کر کے ہی پوسٹ کرتا ہوں لیکن باوجوو احتیاط کے بھی چند ایک غلطیاں ٹائپنگ کے دوران رہ جاتی ہیں۔آپ کا بہت بہت شکریہ انس بھائی جان کہ آپ نے میری اصلاح کی۔
میں نے پوسٹ تدوین کر کے الفاظ کی تصحیح کر دی ہے۔