کیا یہ حدیث صحیح ہے؟؟؟

[حافظ راشد]

سیدنا عبداللہ بن عمرو بن العاص رضی اللہ عنہما بیان کرتے ہیں کہ نبی کریم صلی اللہ علیہ وسلم نے فرمایا ” مجھے اضحیٰ کے دن کے متعلق حکم دیا گیا ہے کہ اسے بطور عید مناؤں جسے کہ اللہ عزوجل نے اس امت کے لیے خاص کیا ہے ۔ “ ایک آدمی نے کہا : فرمائیے کہ اگر مجھے دودھ کے جانور کے سوا کوئی جانور نہ ملے تو کیا میں اس کی قربانی کر دوں ؟ آپ صلی اللہ علیہ وسلم نے فرمایا ” نہیں ‘ بلکہ اپنے بال کاٹ لو ‘ ناخن اور مونچھیں تراش لو اور زیر ناف کی صفائی کر لو ۔ اﷲ کے ہاں تمہاری یہی کامل قربانی ہو گی ۔

 

[خضر حیات]

شیخ البانی رحمہ اللہ نے اس کو ضعیف قرار دیا ہے ، اس کے ایک راوی عیسی بن ہلال الصدفی کی وجہ سے ۔ یہاں دیکھیں ۔
لیکن شیخ شعیب ارناؤط نے اس کی سند کو قوی قرار دیا ہے ( سنن ابی داؤد ط ارناؤط ج 4 ص 417 ) ، درست یہی محسوس ہوتا ہے ، کیونکہ عیسی بن ہلال کو ابن حبان و فسوی نے ثقات میں ذکر کیا ہے ، یہی وجہ ہے کہ حافظ ابن حجر نے اسے صدوق قرار دیا ہے ۔ واللہ اعلم ۔