امریکہ کے دہشت گرد اور مسلم مخالفت پر شاید ہی کسی کو اعتراض ہو۔ لیکن مارنا ہے تو امریکی فوجیوں کو مارئیے۔ بے گناہ شہریوں کی جان لینا اور پھر اس کو تاویلات سے درست ثابت کرنے کی کوشش کرنا بھی بہت ظلم ہے۔ فقط چند ایک پوائنٹس پر توجہ درکار ہے۔
اصل جواب کی طرف آنے سے پہلے یہ سمجھ لینا چاہیٔے کہ کافر امریکی ریاست جب بھی کوئی فیصلہ کرتی ہے ،خصوصاً کہیں حملہ کرنے یا جنگ شروع کرنے کا فیصلہ، تو ایسا اقدام عوامی رائے کی تائید کے بغیر نہیں اٹھایا جاتا،خواہ وہ رائے عامہ ریفرنڈم یا سروے کے ذریعے معلوم کی جائے، یاکانگریس میں موجود نمائندے اس رائے کا اظہار کریں۔ایسی حالت میں ہر وہ امریکی جس نے جنگ کے حق میں آواز بلند کی محارب ہے اور کم از کم جنگ میں معاون اور مدد گار کی حیثیت سے تو ضرور ہی شریک ہے۔
سوال یہ ہے کہ اگر امریکی عوام کو اس بنیاد پر مارنا درست اور جائز ہے کہ ان کی فوجو ں کو عوامی تائید حاصل ہے۔ تو ذرا یہ فرمائیے کہ پاکستانی عوام کو اسی بنیاد پر مارنا کیونکر درست نہیں، جب کہ پاکستانی افواج کو بھی بھرپور عوامی تائید حاصل ہے؟ خود امریکہ میں کتنی تحریکیں ان جنگوں کے خلاف جاری ہیں، ان سے آنکھیں موند کر پوری عوام پر بیک جنبش قلم کفر اور قتل کا فتویٰ دے دینا کیسا ظلم عظیم ہے؟ جبکہ وہاں بھی مسلمانوں کی کثیر تعداد آباد ہے۔
دوسرا شبہ:
یہ بھی کہا جاتا ہے کہ’’ گیارہ ستمبر کے مقتولین میں معصوم شہری بھی شامل تھے ‘‘۔
اس شبہے کے کئی جوابات دیئے جا سکتے ہیں:
۱۔ عورتیں،بچے اور وہ سب لوگ جن کو عام حالات میں دورانِ جنگ قتل کرنا ممنوع ہے، اگرمحاربین کے ساتھ یوں گھلے ملے ہوں کہ ان میں تمیز کرنا ممکن نہ رہے،تو ان کا قتل بھی جائز ہے۔درج بالا حدیث میں آپ ﷺسے رات کے وقت حملے کے بارے میں پوچھا گیا……… اور رات کے اندھیرے میں ایسی تمیز کرنا ممکن نہیں ہوتا………تو آپ ﷺنے اس حملے کو جائز قرار دیا، کیونکہ عورتوں اوربچوں کوقصداً نشانہ بنا کر مارنا درست نہیں ،البتہ اگر یہ محاربین کے ساتھ ضمناً مارے جائیں تو جائز ہے۔
۲۔مسلمان جرنیل کفار کے خلاف جنگوں میں منجنیق کے گولے برسایا کرتے تھے ، حالانکہ منجنیق کا گولہ محارب اور معصوم میں فرق نہیں کرتا،
۳۔مسلمان فقہاء نے اس بات کی اجازت دی ہے کہ اگر کفار حملے سے بچنے کیلئے کچھ مسلمانوں کو بطور ڈھال استعمال کر رہے ہوں، تو ایسے میں حسبِ ضرورت حملہ کر دینا جائز ہے۔
آپ نے تین وجوہات لکھ دیں۔ لیکن یہ نہیں فرمایا کہ گیارہ ستمبر کے حملوں میں مارے جانے والے عوام الناس کس وجہ کے تحت مارے گئے؟
کیا یہ حملہ فوج پر کیا گیا تھا اور عوام ان کے ساتھ گھلے ملے ہونے کی وجہ سے مارے گئے؟
منجنیق تو دوران جنگ اور مخالف فوجیوں پر استعمال کی جاتی تھی اور ضمناً اس میں معصوم لوگ مارے جاتے تھے۔ کیا منجنیق کے استعمال کو کسی ایسے حملے پر قیاس کیا جا سکتا ہے جس کا مقصد ہی معصوم اور نہتے شہریوں کو نشانہ بنانا رہا ہو؟
کیا ٹوئن ٹاورز میں کفار نے حملے سے بچنے کے لئے مسلمانوں کو یرغمال بنایا ہوا تھا؟
آخر وہ کیا شرعی بنیاد تھی جس کی بناء پر آپ نائن الیون کے حملوں میں مارے جانے والی عوام کے قتل کو درست اور جائز قرار دے سکتے ہیں؟
عام شہریوں کو قتل کرنا اور پھر اس کو جہاد باور کرانا سخت شرمناک فعل ہے۔
آپ امریکی کافر افواج میں اور طالبان میں کیسے تمیز کریں گے اگر وہ بھی نہتے شہریوں کو مارتے ہوں اور طالبان بھی یہی کام رد عمل کے طور پر شروع کریں؟
اس ایک حملے کے بعد سے شاید امریکہ سے دشمنی ختم ہو گئی کہ اب امریکی افواج کے بجائے پاکستانی افواج پر حملے کئے جا رہے ہیں۔ امریکی فوجیوں کو مارنا ذرا مشکل ہے، لہٰذا آسان جہاد کیا جا رہا ہے کہ مسلمانوں ہی کو مارو۔ تاکہ جو ہدف امریکہ حاصل نہیں کر سکتا، اس میں پاکستان کو کمزور بنا کر اس کی بھرپور مدد کی جائے۔
![محدث فورم [Mohaddis Forum]](/styles/default/xenforo/Forum.jpg)
