ہر چیز کی قیمت اس کی منڈی میں لگتی ہے

[کنعان]

ہر چیز کی قیمت اس کی منڈی میں لگتی ہے​

ایک استاد تھا وہ اکثر اپنے شاگردوں سے کہا کرتا تھا کہ یہ دین بڑا قیمتی ہے۔

ایک روز ایک طالب علم کا جوتا پھٹ گیا۔ وہ موچی کے پاس گیا اور کہا: میرا جوتا مرمت کر دو۔ اس کے بدلہ میں ، میں تمہیں دین کا ایک مسئلہ بتاؤں گا۔

موچی نے کہا: اپنا مسئلہ رکھ اپنے پاس، مجھے پیسے دے۔

طالبِ علم نے کہا: میرے پاس پیسے تو نہیں ہیں۔

موچی کسی صورت نہ مانا، اور بغیر پیسے کے جوتا مرمت نہ کیا۔

طالبِ علم اپنے استاد کے پاس گیا اور سارا واقعہ سُنا کر کہا: لوگوں کے نزدیک دین کی قیمت کچھ بھی نہیں۔

استاد بھی ... عقل مند تھے طالبِ علم سے کہا: اچھا تم ایسا کرو، میں تمہیں ایک موتی دیتا ہوں تم سبزی منڈی جا کر اس کی قیمت معلوم کرو۔

وہ طالبِ علم موتی لے کر سبزی منڈی پہنچا اور ایک سبزی فروش سے کہا: اس موتی کی قیمت لگاؤ۔

اس نے کہا کہ تم اس کے بدلے یہاں سے دو تین لیموں اُٹھا لو، اس موتی سے میرے بچے کھیلیں گے۔

وہ بچہ استاد کے پاس آیا اور کہا: اس موتی کی قیمت دو یا تین لیموں ہے۔

استاد نے کہا: اچھا اب تم اس کی قیمت سُنار سے معلوم کرو۔

وہ گیا اور پہلی ہی دکان پر جب اس نے موتی دکھایا تو دکان دار حیران رہ گیا۔

اس نے کہا اگر تم میری پوری دکان بھی لے لو تو بھی اس موتی کی قیمت پوری نہ ہوگی۔

طالبِ علم نے اپنے استاد کے پاس آ کر ماجرا سُنایا۔

استاد نے کہا: بچے! ہر چیز کی درست قدر و قیمت اس چیز کا ماہر تاجر ہی لگا سکتا ہے، کوئی اور تاجر نہیں۔ دین کی صحیح قدر و قیمت بھی یا تو اللہ جانتا ہے یا اسے اہلِ علم ہی سمجھتے ہیں۔ جاہل کیا جانے دین کی قیمت کیا هے -
(نہ معلوم)

اہل علم کو اگر اس لفظ میں غلطی محسوس ہو تو انتظامیہ سے کہہ کے درست کروا لیں مجھے اس کا متبادل ذہن میں نہیں آ رہا، شکریہ!

 

[اسحاق سلفی]

جزاک اللہ تعالی احسن الجزاء

 

[یوسف ثانی]

بچے! ہر چیز کی قیمت اس کی منڈی میں لگتی ہے۔ دین کی قیمت اللہ کی منڈی میں لگتی ہے۔ اس قیمت کو اہلِ علم ہی سمجھتے ہیں۔ جاہل کیا جانے دین کی قیمت کیا هے --

بچے! ہر چیز کی درست قدر و قیمت اس چیز کا ماہر تاجر ہی لگا سکتا ہے، کوئی اور تاجر نہیں۔ دین کی صحیح قدر و قیمت بھی یا تو اللہ جانتا ہے یا اسے اہلِ علم ہی سمجھتے ہیں۔ جاہل کیا جانے دین کی قیمت کیا هے -

 

[کنعان]

السلام علیکم

@خضر حیات بھائی سے گذارش ھے کہ وہ مراسلہ نمبر 3 میں پیش کی گئی عبارت مراسلہ نمبر 1 میں ایڈٹ کر دیں شکریہ!

یا کسی اور ممبر کے پاس اگر ٹولز ہوں تو وہ بھی کر سکتا ھے ہو سکتا ھے کیونکہ خضر بھائی لیٹ آئیں۔

والسلام

 

[میر مراد]

قدر جوهر شاه بدانند يا بدا جوهرى