یہ غلط ہے کہ سمجھدار نہیں ہے عورت!

[اخت ولید]

دولتِ پیکرِ اظہار نہیں ہے عورت
زینتِ کوچہ و بازار نہیں ہے عورت

گو کہ اسلام سے بیزار نہیں ہے عورت
ترکِ عصیاں پر بھی تیار نہیں ہے عورت

مجھ کو تسلیم کہ بد کار نہیں ہے عورت
شرعی پردے پہ بھی تیار نہیں ہے عورت

ایک عورت پہ کئی مرد فدا ہیں،پھر کیا
بد نگاہوں کی مددگار نہیں ہے عورت؟

دارِفانی کی خریدار ہیں سب کچھ کھو کر
خلدِ باقی کی طلبگار نہیں ہے عورت

اک زمانے کے لیے فتنہ بنے گی صاحب
خود اگر صاحبِ کردار نہیں ہے عورت

فرماں برداریٔ خاوند میں کمزور ہے وہ
کب کہا میں نے وفادار نہیں ہے عورت

اس کی دانائی کو خود غرضی چھپا دیتی ہے
یہ غلط ہے کہ سمجھدار نہیں ہے عورت
​

کلام:اثر جونپوری​

 

[حافظ اختر علی]

واقعی !ان اشعار کو پڑھنے کے بعد اپنے آپ پر شک ہوتاہے! ابتسامہ

 

[اخت ولید]

رشک کہ شک؟؟؟:)

 

[حافظ اختر علی]

شک !شک!شک! جی بالکل ہوش و حواس سے لکھ رہا ہوں کہ ۔۔۔۔۔۔شک!ابتسامہ