یہ کون سی قرات ہے؟

[ابو عبدالله]

مذکورہ مدت میں تلاوت کی گئی امام حمزہ کی قراءت کے ، ہمارے ہاں مروجہ امام عاصم کی قراءت سے درج ذیل نمایاں فرق تھے :
بعض کلمات پر سکتہ کرنا ( آواز کو روکنا )
بعض کلمات پر امالہ کرنا ( الف کو یے پڑھنا )
امام حمزہ کی قراءت میں یہ چیزیں بکثرت پائی جاتی ہیں ، ہمارے ہاں رائج روایت حفص میں یہ چیزیں نہ ہونے کےبرابر ہیں ، البتہ ہیں ضرور ، مثلا روایت حفص میں سورۃ مطففین میں ( بل ران ) میں یہ سکتہ موجود ہے ۔ اسی طرح سورہ ہود میں حضرت نوح کی کشتی والے واقعہ میں ( بسم اللہ مجرہا و مرسہا ) میں مجری کی راء پر بالکل اسی طرح امالہ ہے ، جس طرح امام حمزہ وغیرہ کی قراءت میں امالہ ہے ۔
( یہ تفصیل اس لیے ذکر کی ہے ، بعض منکرین حدیث قراءت کے ان لہجات کا انکار کرتے ہیں ، حالانکہ قراءات میں پائی جانے والی اکثر تبدیلیاں روایت حفص ( جنہیں منکرین بھی قرآن مانتے ہیں ) میں بھی موجود ہیں۔ )

جزاک اللہ خیرا، محترم بھائی اللہ آپ کے علم و عمل میں، مال اور اولاد میں برکت عطا فرمائے۔ آمین
میرے سوال کا محرک بھی دراصل "منکرین حدیث" کا طرز عمل ہی تھا اور میں قراات سبعہ (یا عشرہ) کے متعلق اپنی معلومات میں اضافہ کرنا چاہتا ہوں، اس ضمن میں اگر آپ کچھ اور کتابیں بھی بتاسکیں تو عین نوازش ہوگی۔
جزاك اللہ خیر

 

[ابن داود]

السلام علیکم ورحمۃ اللہ وبرکاتہ!
یہ قراءت کا معاملہ منکرین حدیث پر نا قابل تردید حجت ہے، کہ یہ قراءت خواہ حفص کی ہو یا دوسری، تمام سنداً ہی منقول ہیں، اور محض تحریر سے اس کا اب تک منقول ہونا محال ہے!
منکرین حدیث اگر ''تاج کمپنی'' کے طبع ہونے کے سبب ایک ہی قراءت کو کس اصول ِ معقول کی بنا پر قبول کرتے ہیں، اگر محض ''تاج کمپنی'' سے طبع ہونا دلیل ہے، تو دیگر قراءت بھی طبع شدہ ہیں!
جبکہ حقیقت یہ ہے کہ قرآن کی قراءت خوام امام حفص کی ہو، یا دیگر کی، وہ سنداً ہی ہم تک پہنچی ہیں، اور اسی طرح احادیث بھی ہم تک سند اً پہنچی ہیں!

 

[خضر حیات]

السلام علیکم ورحمۃ اللہ وبرکاتہ!
یہ قراءت کا معاملہ منکرین حدیث پر نا قابل تردید حجت ہے، کہ یہ قراءت خواہ حفص کی ہو یا دوسری، تمام سنداً ہی منقول ہیں، اور محض تحریر سے اس کا اب تک منقول ہونا محال ہے!
منکرین حدیث اگر ''تاج کمپنی'' کے طبع ہونے کے سبب ایک ہی قراءت کو کس اصول ِ معقول کی بنا پر قبول کرتے ہیں، اگر محض ''تاج کمپنی'' سے طبع ہونا دلیل ہے، تو دیگر قراءت بھی طبع شدہ ہیں!
جبکہ حقیقت یہ ہے کہ قرآن کی قراءت خوام امام حفص کی ہو، یا دیگر کی، وہ سنداً ہی ہم تک پہنچی ہیں، اور اسی طرح احادیث بھی ہم تک سند اً پہنچی ہیں!

و علیکم السلام ورحمۃ اللہ وبرکاتہ
قرآن کریم ’ سطور ‘ اور ’ صدور‘ دونوں صورتوں میں محفوظ ہے ۔
قرآن ، قراءات ، اور احادیث کی حفاظت کے متعلق میں نے قرآن نمائش کے توسط سے ایک پیغام دینے کی کوشش تھی ، شاید بعض احباب کی نظر سے یہ ویڈیو گزری ہو۔( اس وقت اس کا لنک نہیں مل رہا ) البتہ ایک اور ویڈیو ہے ، جس میں کچھ عمومی باتیں ہیں ، البتہ اس میں قرآنی مخطوطات کا حوالہ دے کر منکرین حدیث و قراءات کے شبہات کا رد کیا گیا ہے ۔

https://www.facebook.com/video.php?v=1351395998317002

میرے سوال کا محرک بھی دراصل "منکرین حدیث" کا طرز عمل ہی تھا اور میں قراات سبعہ (یا عشرہ) کے متعلق اپنی معلومات میں اضافہ کرنا چاہتا ہوں، اس ضمن میں اگر آپ کچھ اور کتابیں بھی بتاسکیں تو عین نوازش ہوگی۔

قراءات کا مکمل تعارف ، اصول و ضوابط ، شبہات کا تفصیلی رد ، مجلہ رشد کی تین اشاعتوں میں موجود ہے ، جو آج سے قریبا 10 سال قبل مجلس التحقیق الاسلامی لاہور سے جاری کئی گئی تھیں ۔ اس کے تقریبا تمام مضامین محدث فورم پر یونیکوڈ کی شکل میں موجود ہیں ، فورم کے جس زمرے میں آپ نے یہ پوسٹ کی ہے ،سب آپ کو وہاں مل جائیں گے ۔ رشد کے یہ خصوصی قراءات نمبرز پی ڈی ایف میں بھی محدث لائبریری میں موجود ہیں ۔

 

[ابو عبدالله]

سورة النجم -مشاري العفاسي رواية خلف عن حمزة