۱۷۔ گھر کا بجٹ بنانا: ۔ اسعد الزوجین

[محمد آصف مغل]

۱۷۔ گھر کا بجٹ بنانا:

جیسا کہ پیچھے آپ صلی اللہ علیہ وسلم کی حدیث گزری، (کہ اس کے مال کے بارے میں اس سے پوچھا جائے گا کہ کہاں سے کمایا اور کہاں خرچ کیا) (۱) (ایضاً)

تو پتہ چلا کہ اس مال و دولت کے بارے میں قیامت کے دن ہم سے سوال ہوگا کہ ہم نے اسے کہاں سے کمایا اور کہاں خرچ کیا۔ اس لیے انسان کو چاہیے کہ اپنا مال حلال طریقے سے کمائے اور اے اللہ کی رضا میں خرچ کرے۔ اور میاں بیوی کو چاہیے کہ ماہانہ آمدنی کو دیکھتے ہوئے گھر کے لئے ایک بجٹ بنائیں اور ہر مصرف کے لیے کچھ پیسے الگ کریں۔ گاڑی یا گھر یا زمین وغیرہ خریدنے کے لئے تین یا پانچ ماہ پر مشتمل ایک ٹائم ٹیبل ترتیب دیا جاسکتا ہے یا آنے والے دنوں کے لئے کچھ پیسے الگ کئے جاسکتے ہیں تاکہ کسی بھی ناگہانی آفت یا مسئلے سے یا ان کی شادی وغیرہ کے لئے بھی کچھ پیسے الگ کئے جاسکتے ہیں تاکہ ایسے موقعوں پر پیسے کی قلت کا سامنا نہ ہو یا کسی کے سامنے ہاتھ نہ پھیلانے پڑھیں۔ ایسی ہی کتنی فیملیاں ہمارے سامنے ہیں جنہوں نے زندگی کے شروع میں بے دریغ دولت خرچ کی اور مستقبل میں آنے والی ضروریات کی طرف توجہ نہیں دی جس کے نتیجے میں یہ فیملیاں ٹوٹ پھوٹ اور انتشار کا شکار ہوگئیں۔