کسی کے پیسوں سےفریضہ حج کی ادایئگی

[حامد فاروق]

س… مجھ پر حج بیت اللہ فرض نہیں تھا اور کسی نے اپنے ساتھ مجھے حج بیت اللہ کرایا، اور جب وطن واپس ہوا تو اللہ تعالیٰ نے مجھے مال دیا اور غنی ہوا، اب بتائیے کہ دوبارہ حج کے واسطے جاوٴں گا تو یہ حج میرا فرضی ہوگا یا نفلی؟
ج… پہلا حج کرنے سے فرضیتِ حج ساقط ہوجائے گی، دُوسرا حج غنی ہونے کے بعد جو کرے گا وہ حجِ فرض نہیں کہلائے گا بلکہ نفلی سمجھا جائے گا۔ (فتاویٰ دارالعلوم ج:۶ ص:۵۳۱)
اس فتوے پر کتاب وسنت سے دلائل مطلوب ہیں

 

[ابوالحسن علوی]

شیخ صالح المنجد اس بارے ایک سوال کے جواب میں فرماتے ہیں:
سوال؛ ایک عورت سعودی عرب آئي اورمیزبان کے خرچ پراسے فریضہ حج کی ادائيگي میسرہوگئي ، وہ پوچھتی ہے کہ آيا اس کے فرض کی ادائيگي ہوگئي ، اور حالت تویہ ہے کہ اس نے اپنے مال سے کوئي چيز بھی خرچ نہيں کی ؟ الحمدللہ
اس کے فریضہ حج کی ادائيگي کے صحیح ہونے پراس کا کوئي اثرنہیں کہ اس نے اپنے مال سے حج میں کچھ خرچ کیا ہے یا خرچ نہيں کیا بلکہ اس کے علاوہ حج کا بہت زيادہ خرچہ کسی اورنے برداشت کیا ہے ، تواس بنا پرہم یہ کہیں گے کہ اگر تواس کےحج میں شروط اورارکان واجبات مکمل طورپرپائے جاتے تھے تو اس کا فرض ادا ہوچکا ہے ، اگرچہ اس کا خرچہ کسی اورنے برداشت کیا ہو ۔
اللہ سبحانہ وتعالی ہی توفیق بخشنے والا ہے ۔ .
دیکھیں : فتاوی اللجنۃ الدائمۃ للبحوث العلمیۃ والافتاء ( 11 / 34 ) ۔

 

[ابوالحسن علوی]

س… مجھ پر حج بیت اللہ فرض نہیں تھا اور کسی نے اپنے ساتھ مجھے حج بیت اللہ کرایا۔

جب کسی نے آپ کو اتنا مال ہبہ کر دیا یا آپ کو ایسے وسائل مہیا کر دیے کہ آ پ بیت اللہ کی استطاعت رکھنے والوں میں سے ہو گئے تو ان حالات میں حج آپ پر فرض ہو گیا کیونکہ آپ کو بیت اللہ کی زیارت کی استطاعت حاصل ہو گئی ، چاہے اس کا ذریعہ کچھ بھی ہو۔ لہذا آپ نے ایک فرض حج ہی کی ادائیگی کی ہے۔اور حج زندگی میں ایک ہی دفعہ فرض ہے۔
واللہ اعلم بالصواب