محمد آصف مغل
سینئر رکن
- شمولیت
- اپریل 29، 2013
- پیغامات
- 2,677
- ری ایکشن اسکور
- 4,009
- پوائنٹ
- 436
اَللہُ لَآ اِلٰہَ اِلَّا ھُوَ۰ۚ اَلْحَيُّ الْقَيُّوْمُ۰ۥۚ لَا تَاْخُذُہٗ سِنَۃٌ وَّلَا نَوْمٌ۰ۭ لَہٗ مَا فِي السَّمٰوٰتِ وَمَا فِي الْاَرْضِ۰ۭ مَنْ ذَا الَّذِيْ يَشْفَعُ عِنْدَہٗٓ اِلَّا بِاِذْنِہٖ۰ۭ يَعْلَمُ مَا بَيْنَ اَيْدِيْہِمْ وَمَا خَلْفَھُمْ۰ۚ وَلَا يُحِيْطُوْنَ بِشَيْءٍ مِّنْ عِلْمِہٖٓ اِلَّا بِمَا شَاۗءَ۰ۚ وَسِعَ كُرْسِيُّہُ السَّمٰوٰتِ وَالْاَرْضَ۰ۚ وَلَا ئَُوْدُہٗ حِفْظُہُمَا۰ۚ وَھُوَالْعَلِيُّ الْعَظِيْمُ۲۵۵
اللہ ہی معبود ہے ۔ اس کے سوا کوئی معبود نہیں۔ وہ زندہ ہے اور سب کا قائم رکھنے والا ہے ۔ نہ اسے اونگھ آتی ہے نہ نیند۔۱؎ جو کچھ آسمانوں اورزمین میں ہے ، سب اس کا ہے ۔ایسا کون ہے کہ بغیر اس کی اجازت کے اس کے پاس شفاعت کرے۔ جو کچھ ان کے آگے اور پیچھے ہے، وہ جانتا ہے اور یہ لوگ اس کے علم میں سے کچھ نہیں گھیرسکتے مگرجتنا کہ وہ چاہے۔ اس کی کرسی میں زمین و آسمان کی سمائی ہے اور ان دونوں کی نگہبانی اس کو تھکاتی نہیں اور وہ بلند مرتبہ اور سب سے بڑا ہے ۔(۲۵۵)
اللہ ہی معبود ہے ۔ اس کے سوا کوئی معبود نہیں۔ وہ زندہ ہے اور سب کا قائم رکھنے والا ہے ۔ نہ اسے اونگھ آتی ہے نہ نیند۔۱؎ جو کچھ آسمانوں اورزمین میں ہے ، سب اس کا ہے ۔ایسا کون ہے کہ بغیر اس کی اجازت کے اس کے پاس شفاعت کرے۔ جو کچھ ان کے آگے اور پیچھے ہے، وہ جانتا ہے اور یہ لوگ اس کے علم میں سے کچھ نہیں گھیرسکتے مگرجتنا کہ وہ چاہے۔ اس کی کرسی میں زمین و آسمان کی سمائی ہے اور ان دونوں کی نگہبانی اس کو تھکاتی نہیں اور وہ بلند مرتبہ اور سب سے بڑا ہے ۔(۲۵۵)
۱؎ ان آیات میں اللہ تعالیٰ کی توحید وصفات کو نہایت خوبصورتی اور نزاکت سے بیان فرمایا ہے جس سے ایک طرف تو رب ذو الجلال کی عظمت وعزت دلوں میں پیدا ہوتی ہے اور دوسری طرف تمام شبہات جو اس کے متعلق یہودیوں اور عیسائیوں کے دلوں میں تھے، دور ہوجاتے ہیں۔ اَللّٰہُ لاَاِلٰہَ الِاَّ ھُوَ کے معنی یہ ہیں کہ اللہ تعالیٰ کا کوئی شریک وسہیم نہیں۔ وہ اپنی وحدت وقدرت میں بے نظیر ہے ۔ ایک ہے۔ اس کا کوئی اقنوم نہیں، جسے اس کا حصہ وعنصر ٹھہرایاجائے۔ الحی کے معنی یہ ہیں کہ وہ ہمیشہ زندہ رہنے والا ہے اور کائنات میں جو زندگی نظرآرہی ہے ،وہ اس کا عطیہ وفیضان ہے۔ اسی کی وجہ سے عالم قائم ہے ۔ اَلْقَیُّوْم کا مقصد یہ ہے کہ وہ صرف خالق ہی نہیں، صرف زندگی عطاکرنے والا ہی نہیں بلکہ تربیت وتقویم بھی اسی کا حصہ ہے ۔ وہ پیدا کرتا ہے ،زندگی بخشتا ہے اور اس کے بعد وہ اس کی تربیت اور اصلاح کا بھی خیال رکھتا ہے۔لاَ تَاْخُذُہٗ سِنَۃٌ وَّلاَ نَوْمٌ ایک شبہ کا ازالہ ہے ۔جاہلوں کی طرف سے سوال پیدا ہوتا تھا کہ وہ خدا جس کی سلطنت اتنی وسیع ہے، وہ کیا سوتا بھی ہے ؟ فرمایا کہ وہ تو جھپکی بھی نہیں لیتا۔ یعنی وہ ہمہ آن بیدار رہتا ہے ۔ اس کا علم ہروقت اپنا کام کرتا رہتا ہے ۔ لَہٗ مَافِی السَّمٰوٰتِ اس کے وسیع اختیارات پر دال ہے ۔ آسمان کی بلندیاں اور زمین کی پستیاں سب اس کے احاطۂ اختیار وملک میں ہیں، اس لیے ایسے خدا کے سامنے جھوٹی سفارش کی کسے جرأت ہوسکتی ہے جو آگے پیچھے کی ہرچیز کو جانتا ہو۔ وَسِعَ کُرْسِیُّہُ السَّمٰوٰتِ کے معنی علامہ ابن جریر الطبری نے علم کی وسعت کے لیے ہیں یعنی اللہ کا علم ہمہ گیر ہے اس سے کوئی چیز خارج نہیں۔ چنانچہ کراسی علماء کی جماعت کو کہتے ہیں اور کراسیۃ اس کتاب کو کہتے ہیں جس میں علم کی باتیں لکھی جائیں۔ وَلاَ یَؤُدُہٗ حِفْظُھُمَا میں یہودیوں اور عیسائیوں کی تردید ہے ۔ توراۃ میں لکھا ہے کہ خدا بھی انسانوں کی طرح کثرت کام سے تھک جاتا ہے ۔قرآن حکیم فرماتا ہے ۔ یہ مادی صفات خدا کے وقار کے لیے باعث توہین ہیں۔ وہ بلند وبالا ہے ۔ اس نوع کی صفات کا انتساب اس کی جانب گناہ ہے ۔
{ کرسی} اصل معنی تکرس کے جمع ہونے کے ہیں۔ کتاب کو چونکہ ورق ورق جمع کرکے بنایاجاتا ہے، اس لیے کراسی کہتے ہیں۔ ثانوی معنی اس کے علم کے ہیں۔