یہاں امت سے کیا مراد ہے؟

[Urdu]

السلام علیکم فورم کے محترم علماء کرام۔
ہمارے ایک دوست نے ایک دفعہ سوال پوچھا کہ نبی ﷺ کی حدیث"بنی اسرائیل 72 فرقوں میں بٹ گئے،میری امت 73 فرقوں میں بٹ جائیگی اور۔۔" کے دائرے میں تو دوسرے مذاہب والوں کو بھی شمار کیا جا سکتا ہے نا،کیو نکہ وہ بھی نبی ﷺ کے امتی ہیں ۔۔؟
براہ کرم اس ناچیز اور کم علم شخص کی رہنمائی فرمائیں۔آپ علماء ہی ہماری امت کے لئے تاریکی میں چراغ کی حیثیت رکھتے ہیں۔جزاک اللہ خیرا

 

[کفایت اللہ]

میرے خیال سے اس حدیث میں مسلم فرقے امت اجابت کے فرقے مراد ہیں نہ کہ کفار ۔
اس کی دلیل اس حدیث کا آخری ٹکڑا ہے جس میں اللہ کے نبی صلی اللہ علیہ وسلم نے ماانا علیہ واصحابی کہا ہے۔
یہ ٹکڑا بتلاتا ہے ہے کہ روئے سخن امت اجابت کی طرف ہے۔

نیز بنواسرائل کے کے جن فرقوں کا ذکر ہے ان کا تعلق بھی اس دور کی امت اجابت سے ہے یعنی وہ گروہ جو اپنے نبی پر ایمان رکھتے تھے وہ 72 فرقوں میں بٹ گئے ۔
اس لئے یہاں بھی مراد امت اجابت ہے۔

 

[کفایت اللہ]

یادرہے کہ ماانا علیہ واصحابی والی روایت کی تاریخ واسط والی سند بالکل صحیح ہے ۔
شیخ زبیر کا اس کی سند کے ایک راوی کو مجہول کہنا درست نہیں کیونکہ دو ائمہ نے اس کی توثیق کی ہے ۔
اس روایت کی تحقیق میں نے اس وقت کی تھی جب جماعت المسلمین والوں سے مناظرہ کیا تھا کبھی وقت نکال کر اس مضمون کو بھی پیش کردیتاہوں۔

 

[انس]

السلام علیکم فورم کے محترم علماء کرام۔
ہمارے ایک دوست نے ایک دفعہ سوال پوچھا کہ نبی ﷺ کی حدیث"بنی اسرائیل 72 فرقوں میں بٹ گئے،میری امت 73 فرقوں میں بٹ جائیگی اور۔۔" کے دائرے میں تو دوسرے مذاہب والوں کو بھی شمار کیا جا سکتا ہے نا،کیو نکہ وہ بھی نبی ﷺ کے امتی ہیں ۔۔؟
براہ کرم اس ناچیز اور کم علم شخص کی رہنمائی فرمائیں۔آپ علماء ہی ہماری امت کے لئے تاریکی میں چراغ کی حیثیت رکھتے ہیں۔جزاک اللہ خیرا

وعلیکم السلام ورحمۃ اللہ وبرکاتہ!

اگرچہ بعض علماء - مثلاً امام صنعانی وغیرہ - کی رائے کے مطابق 72 فرقے ’امت دعوت وتبلیغ‘ کے ہیں جبکہ فرقہ ناجیہ ’امتِ اجابت‘ ہے۔ لیکن راجح بات - واللہ اعلم - یہی ہے کہ یہ تمام 73 فرقے ’امت اجابت‘ کے ہیں کیونکہ اس حدیث مبارکہ میں ہے کہ یہ امت اتنے فرقوں بٹ جائیگی۔ گویا یہ ’اس امت اجابت‘ کی بابت (نہ کہ دیگر قوموں کے متعلق) مستقبل کی پیش گوئی ہے۔ علاوہ ازیں اس امت کے 73 فرقوں کا تذکرہ یہود ونصاریٰ کے ساتھ موازنہ کرتے ہوئے کیا گیا اس سے بھی یہی مترشّح ہوتا ہے کہ بات ’امتِ اجابت‘ کی ہو رہی ہے کیونکہ نبی کریمﷺ کے تشریف لانے کے بعد تو یہود ونصاریٰ خود آپ کی ’امت دعوت‘ میں شامل ہیں۔