حدیث کی سند بتائیں۔

[محمد ارسلان]

السلام علیکم
"حضرت جابر رضی اللہ عنہ کہتے ہیں کہ جو شخص صبح اور مغرب کی نمازوں کے بعد کلام کرنے سے پہلے سو مرتبہ درود پڑھ لے تو اللہ تعالیٰ اس کی ١٠٠ ضرورتیں پوری فرماتا ہے ۔٣٠ دنیا میں اور ٧٠ آخرت میں"۔(سنن النسائی)

حدیث کی سند بتائیں۔حدیث میں تو درود پڑھنے کا بہت زیادہ فائدہ ہے۔

 

[ابوالحسن علوی]

یہ روایت سنن النسائی میں نہیں ملی ہے۔ آپ نے کہاں پڑھی ہے، وہ مصدر نقل کریں۔

 

[محمد ارسلان]

اس کتاب(ذکر و دعا)کے صفحہ٤٠ پر۔اپلوڈنگ کے حساب سے صفحہ٤٢۔

 

[ابوالحسن علوی]

یہ روایت سنن النسائی میں نہیں مل رہی ہے بلکہ سنن البیھقی میں موجود ہے اور اس کے الفاظ یہ ہیں:
أخبرنا أبو الحسن علي بن محمد بن علي بن السقاء المقري ثنا والدي أبو علي ثنا أبو رافع أسامة بن علي بن سعيد الرازي بمصر ثنا محمد بن إسماعيل بن سالم الصائغ
حدثتنا حكامة بنت عثمان بن دينار أخي مالك بن دينار عن أنس بن مالك خادم النبي صلى الله عليه و سلم قال : قال النبي صلى الله عليه و سلم :
إن أقربكم مني يوم القيامة في كل موطن أكثركم علي صلاة في الدنيا من صلى علي في يوم الجمعة و ليلة الجمعة مائة مرة قضى الله له مائة حاجة سبعين من حوائج الآخرة و ثلاثين من حوائج الدنيا ثم يوكل الله بذلك ملكا يدخله في قبري كما يدخل عليكم الهدايا يخبرني من صلى علي باسمه و نسبه إلى عشيرته فأثبته عندي في صحيفة بيضاء
امام سخاوی رحمہ اللہ نے اس کی سند کو ضعیف اور شیخ بن باز رحمہ اللہ نے موضوع قرار دیا ہے۔ تفصیل کے لیے یہ لنک دیکھیں۔

 

[انس]

یہ روایت سنن النسائی میں نہیں ملی ہے۔ آپ نے کہاں پڑھی ہے، وہ مصدر نقل کریں۔

اس کتاب(ذکر و دعا)کے صفحہ٤٠ پر۔اپلوڈنگ کے حساب سے صفحہ٤٢۔

شائد صاحبِ كتاب کی مراد سنن النسائی کی یہ صحیح حدیثِ مبارکہ ہے، کہ رسول کریمﷺ نے فرمایا: « صلوا علي واجتهدوا في الدعاء ، وقولوا : اللهم صل على محمد ، وعلى آل محمد » ... صحيح سنن النسائي: 1291
واللہ تعالیٰ اعلم!

 

[محمد ارسلان]

شائد صاحبِ كتاب کی مراد سنن النسائی کی یہ صحیح حدیثِ مبارکہ ہے، کہ رسول کریمﷺ نے فرمایا: « صلوا علي واجتهدوا في الدعاء ، وقولوا : اللهم صل على محمد ، وعلى آل محمد » ... صحيح سنن النسائي: 1291
واللہ تعالیٰ اعلم!

جزاک اللہ خیرا انس بھائی جان
اس حدیث کا اردو ترجمہ کر کے بتائیں مجھے شوق ہو گیا ہے اس حدیث میں درود پڑھنے کے ثواب کو جاننے کا کیونکہ آپ یہ عرض کر چکے ہیں کہ اس کی سند صحیح ہے۔

 

[انس]

جزاک اللہ خیرا انس بھائی جان
اس حدیث کا اردو ترجمہ کر کے بتائیں مجھے شوق ہو گیا ہے اس حدیث میں درود پڑھنے کے ثواب کو جاننے کا کیونکہ آپ یہ عرض کر چکے ہیں کہ اس کی سند صحیح ہے۔

ترجمہ یہ ہے: ’’مجھ پر درود پڑھو اور بہت اہتمام وکوشش سے دُعا کرو اور کہو: اللهم صل على محمد وعلى آل محمد
اللہ تعالیٰ آپ کے شوق میں مزید اضافہ فرمائیں!

محترم بھائی! صبح شام کے اذکار نامی کتاب کے صفحہ 40 پر صبح اور شام کی نمازوں کے بعد کلام کرنے سے پہلے 100 دفعہ درود پڑھنے کی فضیلت بیان کی گئی ہے کہ اللہ تعالیٰ ایسے شخص کی 100 ضرورتیں پوری فرماتے ہیں 30 دنیا کی اور 70 آخرت کی۔ اور پھر سنن نسائی کے حوالے سے ایک مختصر درود کے الفاظ یہ بیان کیے گئے ہیں: اللهم صل على محمد

یہ فضیلت والی روایت جیسا کہ اوپر علوی بھائی نے وضاحت فرمائی ہے کہ ضعیف ہے۔ آپ پوچھ رہے تھے کہ صاحبِ کتاب نے سنن نسائی کا حوالہ دیا ہے تو یہ روایت سنن نسائی میں کہاں ہے؟ علوی بھائی نے وضاحت کی کہ یہ روایت سنن نسائی میں نہیں ہے۔ تو میں نے عرض کیا تھا کہ شاید صاحبِ کتاب کا سنن نسائی کا حوالہ صرف مختصر دُرود کے حوالے سے ہے (جو صحیح سند سے ثابت ہے، یعنی مختصر درود پڑھنا بھی صحیح ہے) نہ کہ فضیلت کے حوالے سے۔ واللہ تعالیٰ اعلم!

 

[محمد ارسلان]

محترم بھائی! صبح شام کے اذکار نامی کتاب کے صفحہ 40 پر صبح اور شام کی نمازوں کے بعد کلام کرنے سے پہلے 100 دفعہ درود پڑھنے کی فضیلت بیان کی گئی ہے کہ اللہ تعالیٰ ایسے شخص کی 100 ضرورتیں پوری فرماتے ہیں 30 دنیا کی اور 70 آخرت کی۔ اور پھر سنن نسائی کے حوالے سے ایک مختصر درود کے الفاظ یہ بیان کیے گئے ہیں: اللهم صل على محمد

گویا آپ کے کہنے کا مطلب یہ ہے کہ یہ روایت سنن النسائی میں نہ سہی لیکن اسی فضیلت کے ساتھ حدیث کی کسی دوسری کتاب میں صحیح سند کے ساتھ موجود ہے۔

 

[انس]

گویا آپ کے کہنے کا مطلب یہ ہے کہ یہ روایت سنن النسائی میں نہ سہی لیکن اسی فضیلت کے ساتھ حدیث کی کسی دوسری کتاب میں صحیح سند کے ساتھ موجود ہے۔

بھائی! یہ میں نے کب کہا کہ یہ فضیلت صحیح سند کے ساتھ موجود ہے؟!! اوپر علوی بھائی واضح کر چکے ہیں کہ درود کی یہ فضیلت صحیح سند کے ساتھ موجود نہیں، میں نے اپنی پوسٹ کی ان کی تائید ہی کی ہے۔

البتہ میں نے یہ ذکر کیا ہے کہ مختصر درود کی حدیث (بغیر فضلیت کے) سنن النسائی میں صحیح سند سے موجود ہے۔

واللہ تعالیٰ اعلم!

 

[محمد ارسلان]

جزاک اللہ خیرا