تھر میں قحط سالی سے بچوں سمیت 114 افراد ہلاک ہو گئے !!!

[محمد عامر یونس]

 

[محمد عامر یونس]

امیر جماعة الدعوة پاکستان پروفیسر حافظ محمد سعید کی ہدایات پرجماعة الدعوة کے رفاہی ادارے فلاح انسانیت فاﺅنڈیشن کی امدادی ٹیمیں تھرپارکر کے قحط زدہ علاقوں میں متاثرہ افراد کی مدد کے لئے پہنچ گئی ہیں جہاں وہ متاثرین کے لئے تیارخوراک کی فراہمی کے ساتھ ساتھ میڈیکل کیمپنگ بھی کریں گی ۔ حافظ محمد سعید نے کہا ہے کہ قحط سے بچوں کی اموات انتہائی تکلیف دہ ہیں' قوم اسلامی اخوت کے جذبہ سے قحط متاثرہ لوگوں کی دل کھول کر مدد کرے۔انہوں نے کہا جماعة الدعوة عرصہ دراز سے تھرپارکر کے علاقوں میںرفاہ عامہ کے منصوبہ جات پر کام کر رہی ہے ۔ پیاسے لوگوں کے لئے تھر میں پانچ سو سے زائد صاف پانی کے کنویں اور ہینڈ پمپ لگوائے جا چکے ہیں جبکہ فلاح انسانیت فاﺅنڈیشن کی میڈیکل ٹیمیں بھی گاہے بگاہے تھر کے علاقوں میں میڈیکل کیمپ لگاتی رہتی ہیں جن سے ہزاروں لوگ مستفید ہو چکے ہیں ۔انہوں نے کہا کہ حالیہ قحط کی صورتحال میں بھی متاثرین کی ہر ممکن مدد کی کوشش کریں گے۔

 

[محمد عامر یونس]

 

[محمد عامر یونس]

 

[محمد عامر یونس]

قحط زدہ علاقے میں گھومتے ہوئے اچانک اس کی نظر ایک بچے پر پڑی، ہڈیوں کا ایک ڈھانچہ، بھوک سے نڈھال، چند سال کا ایک بچہ آہستہ آہستہ رینگنے کی کوشش کر رہا تھا، چند گز کے فاصلے پر موجود ایک گدھ اس انتظار میں تھا کہ اس بچے کی جان نکلے اور وہ اس کو نوچ کھائے
یہ کیون کارٹر تھا ایک عام سا جنوبی افریقی فوٹو گرافر،اس نے وہ تصویر کھینچی اور واپس چلا آیا, چند ہی دن میں یہ تصویر پوری دنیا میں مشہور ہو گئی،وہ پوری دنیا میں مشہور ہو گیا، لیکن ہر جگہ اس سے یہی سوال ہوتا، اس بچے کا کیا ہوا۔۔۔۔۔۔ کارٹر کے پاس کوئی جواب نہیں تھا۔ احساس ندامت اسے چین نہیں لینے دے رہا تھا اور چند دن بعد اس نے خود کشی کر لی۔۔۔۔۔۔
سنا ہے سندھ کے اندر کوئی 150 بچے بھوک کے ہاتھوں زندگی کی بازی ہار گئے اور ان کی مدد کے لیے جانے والے عمر کے آخری حصے میں موجود شاہ نے خوب بوفے اڑائے، ستم در ستم یہ ہے کہ اس پر کوئی ندامت اور شرمندگی نہیں، کتنی ڈھٹائی سے اس بے غیرتی پر مطمئن ہیں سب، کیون کارٹر کی طرح کوئی خودکشی نہ سہی، چند ندامت کے آنسو ہی سہی، آنسو بھی نہیں چند الفاظ ہی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیکن اللہ نے اپنی زمین کے بدترین لوگ ہم پر مسلط کیے ہیں، کسی اور کے نہیں خود ہمارے ہاتھوں، اور اس سے معافی نہ مانگی تو وہ وقت دور نہیں کہ جب کوئی گولہ،کوئی بم،کوئی سیلاب یا کوئی قحط آپ کے دروازے پر بھی ہو گا اور آپ کی تصویر لینے کے لیے کوئی کیون کارٹر بھی نہیں آئے گا۔