معجزہ اور جادو
-- جادو صرف نگاہوں کا دھوکہ ہوتاہے۔{یُخَیَّلُ اِلَیْہِ مِنْ سِحْرِہِمْ اَنَّہَا تَسْعٰی}(طہ: ۶۶)
ان کے جادو کی وجہ سے اسے یہ خیال لگا کہ وہ دوڑ رہا ہے۔
{سَحَرُوْٓا اَعْیُنَ النَّاسِ وَاسْتَرْہَبُوْہُمْ وَجَآئُ وْا بِسِحْرٍ عَظِیْمٍ ۔۔} (الأعراف:۱۱۶)
انہوں نے لوگوں کی آنکھوں پر جادو کردیا اور انہیں خوفزدہ کردیا اور وہ ایک بہت بڑا جادو بنا کر لائے۔اسے تسلیم کرنا کفر ہے۔اور ایسے جادوگر بھی کافر ہیں۔
معجزہ دعوائے رسالت کے بعد ہوتا ہے جو نگاہوں کا دھوکہ نہیں بلکہ خارق العادۃ امر کا نام ہے خواہ وہ کلام ہو جیسے قرآن کریم اور کنکریوں کی تسبیح یا کھجور کی تنے کا بلکنا اور ہدہد کا کلام کرنا۔یا وہ کوئی فعل ہو جیسے: چاند کا شق ہونا، انگلیوں سے پانی کا چشمے کی طرح پھوٹنا،دو افراد کے کھانے میں اتنی برکت کا ہوجانا کہ اصحاب خندق سبھی سیر ہوکر کھالیں۔ یا شے کا اپنے فعل کو ترک کردینا جیسے: آگ کا ابراہیم علیہ السلام پر ٹھنڈا ہونا۔اور موسیٰ علیہ السلام اور بنو اسرائیل کا سمند میں غرق نہ ہونا۔ وہ ایک حقیقت ہوتا ہے اور جسے نہ صرف آنکھیں دیکھتی ہیں بلکہ لوگ اس سے مستفید ہوتے ہیں۔
-- رسول کے فعل میں یہ معجزہ نہیں ہوتا بلکہ اس جیسا پیش کرنا دوسروں کے لئے ممکن نہیں ہوتا اس لئے یہ معجزہ ہوتا ہے۔
-- امر خارق العادۃ اللہ تعالی کی طرف سے ہو۔ {قل إنما الآیت عند اللہ}، {وما کان لنا أن نأتیکم بسلطن إلا بإذن اللہ}۔
جب کفار نے آپ سے کہا:
{ائت بقرآن غیر ہذا أو بدلہ}
آپ کو فرمایا گیا کہ یہ جواب دیجئے۔
{ما یکون لی أن أبدلہ من تلقائ نفسی إن أتبع إلا ما یوحی إلیہ}۔
-- جادو کا اثروقتی ہوتاہے جبکہ معجزہ دائمی ہوتاہے۔ جیسے قرآن مجید، ایک دائمی معجزہ ہے۔
-- معجزہchallenging ہوتا ہے جس کا مقابلہ کرناممکن نہیں ہوتا۔اس کے مثل نہیں لایا جاسکتا بلکہ ہر اعتبار سے یہ معجزہ محفوظ رہتا ہے۔جب کہ جادو کا توڑ مختلف طریقوں سے ہوتا ہے۔
-- معجزہ ، کو رسول اپنی رسالت کے سچے ہونے کی قطعی دلیل بناتا ہے کہ وہ اپنے دعوی رسالت میں سچا ہے اور یہ بھی کہ اللہ تعالی کی طرف سے بھیجا گیا ہے۔ اس لئے اس کا انکار کرنا کفر ہے۔
-- معجزہ دکھانا رسول یا نبی کے اختیار میں نہیں ہوتا ، اللہ تعالیٰ اگر چاہیں تو یہ رونما ہوسکتا ہے ورنہ نہیں۔موسیٰ علیہ السلام اپنے عصا سے معجزہ خود پیش نہیں کرتے تھے بلکہ اللہ تعالیٰ کا حکم آتا تو ان کا عصا اپنا کام دکھاتا ۔
-- جیسے رسول معجزہ کا دعوی کرے ویسے ہی واقع ہو۔اس کے دعوے کے خلاف ظاہر نہ ہو۔ورنہ وہ معجزہ نہیں۔جیسا کہ مرزا قادیانی کے دعوے غلط ثابت ہوئے۔
