کیا کسی فرد واحد کا قانون کو اپنے ہاتھ میں لینا جائز ہے؟؟

[ریحان احمد]

السلام علیکم

ایک اہم مسئلہ جس پر آج سارا دن عوام الناس کو تکلیف برداشت کرنا پڑی وہ ممتاز قادری کے حق میں مظاہرے تھے۔ امت مسلمہ اس بات پر متفق ہے کہ گستاخ رسول کی سزا موت ہے۔ لیکن سوال یہ پیدا ہوتا ہے کہ یہ سزا کون دے گا۔ ایک فرد یا پھر حکومت وقت؟؟ اگر حکومت وقت سزا نہیں دیتی تو کیا کسی فرد کے لئے سزا دینا جائز ہو جائے گا؟؟

 

[ابوالحسن علوی]

ہمارے پاکستانی قانون میں توہین رسالت کی سزا مقرر ہے لہذا بہترین رویہ تو یہی تھا کہ قانونی رستے ہی کے ذریعے سے یہ فعل انجام پاتا۔ کسی فرد واحد کو بہر حال یہ اختیار حاصل نہیں ہے کہ وہ توہین رسالت کی سزا خود ہی نافذ کرتا پھرے کیونکہ سزا سے پہے جرم کا ثابت ہونا لازم امر ہے اور جرم کو ثابت کرنے کے لیے کسی عدالت کی طرف رجوع کرنا پڑے گا یعنی یہ رویہ درست نہیں ہے کہ انسان خود ہی عدالت لگا کر خود ہی فیصلہ سنائے کہ فلاں شخص توہین رسالت کا مجرم ہے اور خود ہی انتظامیہ بن کر اس پر سزا بھی نافذ کر دے۔

اب اس مسئلہ کا دوسرا پہلو ہے کہ اگر کسی نے وقعی جذبات یا اشتعال کے تحت کسی شخص کو توہین رسالت کے الزام میں قتل کر دیا ہے تو اس کا کیا حل ہے؟ میرے خیال میں ایسا ہونا تو نہیں چاہیے تھا لیکن اگر ہو گیا ہے تو اس کا حل یہ ہے کہ عدالت یہ تحقیق کرائے کہ مقتول واقعتا توہین رسالت کا مرتکب تھا یا نہیں؟ اگر ہوا تھا تو قاتل کو قانون اپنے ہاتھ میں لینے کے جرم کی سزا تو سنانی جائے لیکن قصاص نہ لیا جائے اور اگر عدالت اس تحقیق تک پہنچتی ہے کہ مقتول توہین رسالت کا مرتکب نہ تھا تو پھر اس صورت میں قاتل سے قصاص لیا جائے۔ واللہ اعلم بالصواب

 

[انس]

أَخْبَرَنَا عُثْمَانُ بْنُ عَبْدِ اللَّهِ قَالَ حَدَّثَنَا عَبَّادُ بْنُ مُوسَى قَالَ حَدَّثَنَا إِسْمَعِيلُ بْنُ جَعْفَرٍ قَالَ حَدَّثَنِي إِسْرَائِيلُ عَنْ عُثْمَانَ الشَّحَّامِ، قَالَ: كُنْتُ أَقُودُ رَجُلًا أَعْمَى فَانْتَهَيْتُ إِلَى عِكْرِمَةَ فَأَنْشَأَ يُحَدِّثُنَا، قَالَ حَدَّثَنِي ابْنُ عَبَّاسٍ أَنَّ أَعْمَى كَانَ عَلَى عَهْدِ رَسُولِ اللَّهِﷺ وَكَانَتْ لَهُ أُمُّ وَلَدٍ وَكَانَ لَهُ مِنْهَا ابْنَانِ وَكَانَتْ تُكْثِرُ الْوَقِيعَةَ بِرَسُولِ اللَّهِﷺ وَتَسُبُّهُ، فَيَزْجُرُهَا فَلَا تَنْزَجِرُ وَيَنْهَاهَا فَلَا تَنْتَهِي، فَلَمَّا كَانَ ذَاتَ لَيْلَةٍ ذَكَرْتُ النَّبِيَّ ﷺ فَوَقَعَتْ فِيهِ فَلَمْ أَصْبِرْ أَنْ قُمْتُ إِلَى الْمِغْوَلِ فَوَضَعْتُهُ فِي بَطْنِهَا فَاتَّكَأْتُ عَلَيْهِ فَقَتَلْتُهَا فَأَصْبَحَتْ قَتِيلًا، فَذُكِرَ ذَلِكَ لِلنَّبِيِّﷺ فَجَمَعَ النَّاسَ وَقَالَ: « أَنْشُدُ اللَّهَ رَجُلًا لِي عَلَيْهِ حَقٌّ فَعَلَ مَا فَعَلَ إِلَّا قَامَ » فَأَقْبَلَ الْأَعْمَى يَتَدَلْدَلُ فَقَالَ: يَا رَسُولَ اللَّهِ! أَنَا صَاحِبُهَا كَانَتْ أُمَّ وَلَدِي وَكَانَتْ بِي لَطِيفَةً رَفِيقَةً وَلِي مِنْهَا ابْنَانِ مِثْلُ اللُّؤْلُؤَتَيْنِ وَلَكِنَّهَا كَانَتْ تُكْثِرُ الْوَقِيعَةَ فِيكَ وَتَشْتُمُكَ فَأَنْهَاهَا فَلَا تَنْتَهِي وَأَزْجُرُهَا فَلَا تَنْزَجِرُ فَلَمَّا كَانَتْ الْبَارِحَةُ ذَكَرْتُكَ فَوَقَعَتْ فِيكَ فَقُمْتُ إِلَى الْمِغْوَلِ فَوَضَعْتُهُ فِي بَطْنِهَا فَاتَّكَأْتُ عَلَيْهَا حَتَّى قَتَلْتُهَا فَقَالَ رَسُولُ اللَّهِ ﷺ: « أَلَا اشْهَدُوا أَنَّ دَمَهَا هَدَرٌ » ... صحيح سنن النسائي: 4081

نبی کریمﷺ کے زمانے میں ایک نابینا شخص تھا، جس کی ایک لونڈی تھی جس سے اس کے دو بچے تھے، وہ اکثر نبی کریمﷺ کے متعلق بکواس اور سب وشتم کرتی تھی، وہ (نا بینا) صحابی اسے ڈانٹتے اور روکتے، لیکن وہ باز نہ آتی۔ (نا بینا صحابی﷜ بیان کرتے ہیں کہ) ایک رات میں نے نبی کریمﷺ کا ذکر کیا تو اس نے پھر آپﷺ کو برا بھلا کہا تو مجھ سے صبر نہ ہو سکا، میں نے نیزہ لیا، اس کے پیٹ پر رکھ کر بوجھ ڈالا، وہ مر گئی۔ جب نبی کریمﷺ کے سامنے اس کا تذکرہ ہوا تو آپ نے لوگوں کو جمع فرمایا اور کہا: ’’میں اس آدمی کو اللہ کی قسم دیتا ہوں، میرا اس پر حق ہے، جس نے یہ کام کیا ہے وہ کھڑا ہوجائے۔‘‘ تو یہ نابینا صحابی کھڑا ہوا اور لڑکھڑاتا ہوا آپ کے قریب آیا اور عرض کیا کہ میں نے یہ کام کیا ہے وہ میری لونڈی تھی اور میرے ساتھ بہت اچھی تھی اور میرے اس سے موتیوں جیسے دو بچے بھی ہیں، لیکن وہ آپ کو برا بھلا کہا کرتی اور گالیاں نکالا کرتی تھی، میں نے اسے منع کرتا تو وہ نہ رکتی۔ کل رات میں آپ کا ذکر کیا تو اس نے آپ کو برا بھلا کہا۔ میں نے اس کے پیٹ میں نیزہ مار کر اسے قتل کر دیا۔ رسول کریمﷺ نے فرمایا: ’’گواہ رہو کہ اس کا خون رائیگاں ہے۔‘‘

 

[ریحان احمد]

اب یہاں ایک سوال اور اٹھتا ہے۔۔۔۔
نابینا صحابی کی لونڈی حضرت محمد صلی اللہ علیہ وسلم کو گالیاں دیتی تھی۔ صحابی نے پہلے اسے سمجھایا، جب وہ سمجھانے پر بھی باز نہ آئی تو اسکو قتل کر دیا اور پھر نبی اکرم صلی اللہ علیہ وسلم کی تقریر سے اسکی تائید ہو گئی۔۔ لیکن کیا سلمان تاثیر کے معاملے میں اسے سمجھانے کی کوئی کوشش کی گئی اور سلمان تاثیر نے بھی ایسی واضح گستاخی کی تھی جیسی کہ اس لونڈی نے؟؟