کوئی بھائی ڈاکٹر محمد ادریس زبیر حفظہ اللہ کا تعرف کروادے؟

[عزیر ادونوی]

۔

فرحت ہاشمی کیا اہل حدیث ہے ؟

ہ ےےےےےے ہ

الھدی انٹرنیشنل اور النور انٹرنیشنل والوں کا منہج کیسا ہے؟ - العلماء




سوال (5376)

الھدی انٹرنیشنل اور النور انٹرنیشنل یعنی ڈاکٹر فرحت ہاشمی و نگہت ہاشمی کے لیکچرز سننے کا مشورہ دینا چاہیے یا ان اداروں میں بچیوں کو بھیجنا چاہیے۔ کیا ان کا عقیدہ و منھج ٹھیک ہے؟



جواب :

ابھی تک عقیدہ اور منھج کے اعتبار سے تو کوئی برائی سننے میں نہیں آئی، البتہ ہمارے ہاں جو تعصب کا ماحول رکھا جاتا ہے، وہ ہمارے ڈاکٹر ذاکر نائیک حفظہ اللہ کے ساتھ بھی رکھا جاتا ہے، ڈاکٹر بلال فلپس حفظہ اللہ آئے تب بھی اس طرح کی آوازیں آئی ہیں، اسی طرح الھدی اور النور والوں کے خلاف آوازیں لگائی جاتی ہیں، باقی کسی کے عقیدے اور منہج کی خرابی دیکھی ہے تو وہ اس کو نمایاں کرے، تاکہ ان سے بات کی جائے، ڈاکٹر ادریس زبیر حفظہ اللہ اور ڈاکٹر فرحت ہاشمی اہل حدیث ہیں، صحیح العقیدہ ہیں، ہم ان کی تائید کرتے ہیں۔

فضیلۃ الشیخ عبد الوکیل ناصر حفظہ اللہ



اس حوالے سے عورت کی آواز پر بھی کچھ ارشاد فرما دیں تاکہ مسئلہ نہ ہو۔

فضیلۃ الشیخ عبد الرزاق زاہد حفظہ اللہ



عورت کی آواز پردہ نہیں ہے.. شیخ عبد الستار حماد حفظہ اللہ سے پیغام ٹی وی پر اس حوالے سے سوال کیا گیا تھا کہ عورتیں دعوت و تبلیغ کے کام میں حصہ لے سکتی ہیں کہ نہیں اور کیا ان کی آواز پردہ ہے یا نہیں؟ انہوں نے یہی جواب دیا تھا کہ اس میں کوئی حرج نہیں.

فضیلۃ العالم حافظ خضر حیات حفظہ اللہ



یاد رکھیں کہ دلوں کا معاملہ اللہ تعالیٰ کے سپرد ہے، اس سے تمام مشائخ آگاہ ہیں، دل میں خیالات وغیرہ کا آنا اللہ تعالیٰ ہی جانتا ہے، لیکن عمومی ادلہ یہ تقاضا ہے کہ مرد و عورت کا ایک دوسرے سے تعلیم و تعلم کا سلسلہ درست ہے، بشرطیکہ شرعی حدود کا خیال رکھا جائے، سینکڑوں محدثات ہیں، جنہوں نے اللہ تعالیٰ کے دین کو پہنچانا ہے، ہمارے نزدیک راجح یہ ہے کہ عورت کی آواز کا پردہ نہیں ہے۔
ارشاد باری تعالیٰ ہے۔
“وَّقُلۡنَ قَوۡلًا مَّعۡرُوۡفًا” [الأحزاب: 32]
اور وہ بات کہو جو اچھی ہو.
یاد رہے کہ اللہ تعالیٰ کا دین معروف ہے، ڈاکٹر فضل الٰہی حفظہ اللہ کی کتاب امر بالمعروف و نھی عن المنکر کے حوالے سے وہ دیکھ لیں، اس میں خواتین کے امر بالمعروف و نھی عن المنکر پر اچھی بحث کی ہے، اس طرح شیخ امین اللہ پشاوری حفظہ اللہ نے بھی فتاویٰ دین الخالص میں سیر حاصل بحث کی ہے، اس طرح شیخ عبد الستار حماد حفظہ اللہ نے بھی لکھا ہے۔

فضیلۃ الشیخ عبد الوکیل ناصر حفظہ اللہ

الھدی انٹرنیشنل اور النور انٹرنیشنل والوں کا منہج کیسا ہے؟ - العلماء

الھدی انٹرنیشنل اور النور انٹرنیشنل یعنی ڈاکٹر فرحت ہاشمی و نگہت ہاشمی کے لیکچرز سننے کا مشورہ دینا چاہیے یا ان اداروں میں بچیوں کو بھیجنا

alulama.org

۔

 

[عزیر ادونوی]

۔


ڈاکٹر فرحت ہاشمی صاحبہ کا منھج؟



سوال (5711)

ڈاکٹر فرحت ہاشمی صاحبہ حفظھا اللہ کا منھج کیا ہے اور انکے بارے میں علمائے کرام کی کیا رائے ہے اور انکے ادارے میں اپنی بچیوں کو پڑھانا کیسا ہے، ڈاکٹر صاحبہ حفظھا اللہ کے ادارے میں تفسیر القرآن میں خاص طور طریقہ تدریس یہ ہے کہ کلاس میں ریکارڈنگ لگائی جاتی ہے جس سے طالبات سنتی ہیں اور اپنے نوٹس وغیرہ تیار کرتی ہیں اور ایک باجی وہاں موجود ہوتی ہیں جو طالبات کے اگر کوئی اشکالات ہوں تو وہ دور کرتی ہیں اور وہ باجی بھی عموماً انہی لیکچرز کو سن کر ہی استانی بنی ہوتی ہیں اور انکی بھی ایسی ہی باجی ہوتی تھیں تو اب علمائے کرام سے سوال یہ ہے کہ آیا کیا اس طریقہ پر تدریس منھج سلف سے کوئی ٹکراؤ تو نہیں یا اس میں خرابی آنے کا کوئی ایسا عنصر تو نہیں جس سے دین کی بنیاد میں کمزوری آتی ہو؟ سوال کی طوالت کے لیئے پیشگی معذرت خواہ ہوں۔



جواب :

اس سوال کا جواب ایک ہی لائن میں دیا جا سکتا ہے، زیادہ تر اہل علم کے نزدیک منھج کے حوالے سے کوئی اعتراض نہیں ہے، ہاں ہر انسان کام کرتا ہے، اس میں کمی و کوتاہی ہوتی ہیں۔ اچھائیاں بھی ہوتی ہیں۔

فضیلۃ الشیخ عبد الرزاق زاہد حفظہ اللہ

ڈاکٹر فرحت ہاشمی صاحبہ، ڈاکٹر نگہت ہاشمی صاحبہ اور ڈاکٹر ادریس زبیر صاحب ہوں، الحمد للہ یہ کتاب و سنت کے دعاۃ ہیں، یہ کتاب و سنت کی ترویج علی نھج السلف کر رہے ہیں، اب تک کوئی جھول منھج میں دیکھائی نہیں دیا ہے، کمی و کوتاہی الگ بحث ہے، اس سے کوئی بچ نہیں سکتا ہے، باقی جو لوگ تنقید کر رہے ہیں، وہ اس لیے کہ جو کام خواتین نے کر دیکھایا ہے، بہت سارے احباب اور مدارس بھی نہیں کر سکے، اس لیے حسد آ ہی جاتا ہے، الحمد للہ یہ دونوں بہنیں اللہ تعالیٰ کی توفیق سے کتاب و سنت کی داعیہ ہیں، ہمارے مشائخ ان کی تائید کرتے ہیں، شاید شکوہ کن وہ ہیں، جن کو ان کے کام سے یا فنڈز سے اعتراض ہے، باقی من حیث المجموع سب علماء تائید کرتے ہیں۔

فضیلۃ الشیخ عبد الوکیل ناصر حفظہ اللہ

ڈاکٹر فرحت ہاشمی صاحبہ کا منھج؟ - العلماء

ڈاکٹر فرحت ہاشمی صاحبہ حفظھا اللہ کا منھج کیا ہے اور انکے بارے میں علمائے کرام کی کیا رائے ہے اور انکے ادارے میں اپنی بچیوں کو پڑھانا کیسا

alulama.org

۔