ابو داؤد
مشہور رکن
- شمولیت
- اپریل 27، 2020
- پیغامات
- 951
- ری ایکشن اسکور
- 232
- پوائنٹ
- 111
شرط کے ساتھ طلاق معلق کرنے اور ’’تم مجھ پر حرام ہو‘‘ کہنے کا حکم
فتاوى عبر الأثير (( 36 ))
السؤال: رجل قال لزوجته “إن خرجتى من البيت فأنتى طالق” فخرجت، وفى المرة الثانية قال لها “أنتى علىَ حرام”.. يسأل الآن: هل له أن يُرجعها؟ وكم طلقه تعتبر عليه؟ علماً أنه يقول: أنه لم يكن يقصد الطلاق فى كلا المرتين ،بل كان يقصد التهديد.
ایک شخص نے اپنی بیوی سے کہا: ’’اگر تم گھر سے باہر نکلی تو تمہیں طلاق ہے۔‘‘ چنانچہ وہ گھر سے باہر نکل گئی۔ دوسری مرتبہ اس نے بیوی سے کہا: ’’تم مجھ پر حرام ہو۔‘‘ اب وہ پوچھتا ہے کہ کیا وہ اپنی بیوی سے رجوع کر سکتا ہے؟ اور اس پر کتنی طلاقیں واقع شمار ہوں گی؟ واضح رہے کہ اس کا کہنا ہے کہ دونوں مرتبہ اس کی نیت طلاق دینے کی نہیں تھی، بلکہ محض دھمکانا مقصود تھا۔
الجواب: قول السائل لزوجته “إن خرجتى من البيت فأنتى طالق فخرجت” فهذا يسمى بالطلاق المعلق بشرط ،وهو غير الطلاق الصريح.
سائل کا اپنی بیوی سے یہ کہنا کہ ’’اگر تم گھر سے باہر نکلی تو تمہیں طلاق ہے‘‘، پھر بیوی کا گھر سے باہر نکل جانا، اسے شرط کے ساتھ طلاق معلق کرنا کہا جاتا ہے، اور یہ طلاق صریح سے مختلف ہے۔
“الطلاق الصريح” بأن يقول أنتى طالق، فهذا يقع سواء قصد التهديد، أو لم يقصد، سواء كان مازحاً ،أو جاداً .
طلاق صریح یہ ہے کہ شوہر اپنی بیوی سے کہے: ’’تمہیں طلاق ہے۔‘‘ اس صورت میں طلاق واقع ہو جاتی ہے، خواہ اس کی نیت دھمکانے کی ہو یا نہ ہو، اور خواہ وہ مذاق میں کہے یا سنجیدگی سے۔
أما فى الطلاق “المعلق” إذا لم يقصد به طلاقاً، وإنما قصد به المنع ،والتهديد فهى يمين مكفره على قول بعض أهل العلم، ومكفره: أى تجب فيها الكفاره إن وقع الشرط، كالخروج من البيت هنا ،والكفارة إطعام عشرة مساكين، أو كسوتهم ،فمن لم يجد فصيام ثلاثة أيام ،وعليه فلا تُحسب طلقة إن شاء الله.
لیکن طلاق معلق کے معاملے میں اگر شوہر کا مقصد طلاق دینا نہ ہو، بلکہ محض روکنا اور دھمکانا ہو تو بعض اہل علم کے قول کے مطابق یہ ایسی قسم ہے جس کا کفارہ ادا کرنا لازم ہوتا ہے، بشرطیکہ وہ شرط واقع ہو جائے۔ یہاں شرط گھر سے باہر نکلنا ہے۔ اس کا کفارہ دس مسکینوں کو کھانا کھلانا یا انہیں لباس فراہم کرنا ہے، اور جو اس کی استطاعت نہ رکھتا ہو وہ تین دن کے روزے رکھے۔ لہٰذا، ان شاء اللہ، اس صورت میں طلاق شمار نہیں ہوگی۔
أما قوله “أنتى عليَ حرام” يعنى أنتى علىَ حرام إن خرجتى من البيت ،فخرجت ،إن قالها كما ذكر من باب التهديد، والردع ،فهى كالتى قبلها طلاق معلق فيه كفارة يمين.
رہا اس کا یہ کہنا کہ ’’تم مجھ پر حرام ہو‘‘، یعنی اس کی مراد یہ تھی کہ ’’اگر تم گھر سے باہر نکلی تو تم مجھ پر حرام ہو‘‘، اور بیوی گھر سے باہر نکل گئی، تو اگر اس نے یہ الفاظ جیسا کہ اس نے بیان کیا، محض دھمکانے اور روکنے کے لیے کہے تھے، تو یہ بھی پہلی صورت کی طرح طلاق معلق ہے، جس میں قسم کا کفارہ لازم ہوگا۔
وإن قالها مطلقاً من غير تعليق بشرط، وأراد بلفظ الحرام هنا الطلاق، وقع الطلاق ،وإن قصد التهديد به فقط ،إذ لا عبرة للتهديد هنا ،هذا والله أعلم.
لیکن اگر اس نے یہ الفاظ کسی شرط کے ساتھ معلق کیے بغیر مطلقا کہے، اور لفظ حرام سے اس کی مراد طلاق تھی، تو طلاق واقع ہو جائے گی، خواہ اس کا مقصد محض دھمکانا ہی کیوں نہ ہو؛ کیونکہ اس صورت میں دھمکانے کی نیت کا کوئی اعتبار نہیں ہوگا۔
واللہ تعالیٰ اعلم بالصواب۔