قرآن و حدیث میں تحریف

[محمد نعیم یونس]

المصنف کا یہ نسخہ دارالتاج بیروت والوں نے۱۴۰۹ھ میں بمطابق۱۹۸۹ء میں شائع کیا اور اس نسخہ میں بھی تحت السرہ کا اضافہ موجود نہیں ہے۔

 

[محمد نعیم یونس]

5-المصنف کا ایک نسخہ دیوبندیوں کے محدث شہیر حبیب الرحمن الاعظمی کی تحقیق کے ساتھ چھپا ہے، اس نسخہ میں بھی تحت السرہ کے الفاظ موجود نہیں ہیں۔

 

[محمد نعیم یونس]

الاعظمی صاحب کے اس نسخہ میں بھی تحت السرہ کے اضافہ کا دور دور تک نام و نشان نہیں ہے جبکہ اعظمی صاحب نے ہر صفحہ کے نیچے اپنی تحقیقات کو بھی درج کیا ہے لیکن اس روایت سے وہ خاموشی کے ساتھ گزر گئے ہیں جبکہ مسند حمیدی میں اثبات رفع الیدین کی روایت کی تحقیق کرنے کے بجائے محرف نسخہ کی عبارت کو جوں کا توں ہی رہنے دیا اور اس پر سہاگہ یہ کہ اس روایت کے تحت یہ جھوٹ لکھا کہ محدثین میں سے کسی نے بھی اس روایت سے تعرض نہیں کیا۔ ویاللعجب۔

 

[محمد نعیم یونس]

اس واضح تحقیق سے ثابت ہو گیا کہ تحت السرہ کے اضافے کی کوئی علمی و تحقیقی بنیاد نہیں ہے بلکہ یہ تحقیق زیادہ سے زیادہ یہ ایک غلط فہمی کی بنیاد پر مبنی ہے اور جس نسخہ کے بارے میں کہا گیا تھا کہ اس میں یہ الفاظ موجود ہیں اس میں دراصل نسخہ کے ناقل سے یہ غلطی سرزد ہو گئی اور اس حدیث کو نقل کرتے ہوئے اس کی نظر غلطی سے نچلی سطر میں ابراہیم نخعی کے اثر کے الفاظ تحت السرہ پر پڑ گئی اور اس نے ان الفاظ کو اس حدیث کے بعد نقل کر دیا اور بس۔ اور اس طرح عموماً کاتب غلطی کر جاتے ہیں۔ جن لوگوں کو اس چیز سے سابقہ پڑا ہے وہ اس حقیقت سے بخوبی واقف ہیں اور اس طرح غلط فہمی کی بنیاد پر یہ مسئلہ اٹھا اور پھر حنفیوں نے اسے مزید اچھال کر اور اس بے جان مسئلہ میں سر توڑ کوششیں کر کے جان ڈالنے کی سعی و جہد کی تاکہ ان کا یہ بے بنیاد مسئلہ ثابت ہو جائے۔ یہ ہٹ دھرمی یقینا یہود و نصارٰی کے نقش قدم پر چلنے اور ان کی راہ اختیار کرنے کی زبردست کوشش ہے۔ نصب الرایہ کے مؤلف علامہ زیلعی حنفی جنہوں نے مصنف ابن ابی شیبہ کے بکثرت حوالے نقل کئے ہیں اور ابن ابی شیبہ کی کوئی روایت ان سے ڈھکی چھپی اور پوشیدہ نہیں تھی لیکن وہ بھی اس روایت سے آگاہ نہ تھے اور سابقہ محدثین میں سے بھی کسی ایک محدث نے بھی اس حدیث کو تحت السرہ کی دلیل کے طور پر ذکر نہیں کیا۔

 

[محمد نعیم یونس]

ایک اہم اصول

موجودہ دور میں احادیث کی کتب میں تحریف کر کے دیوبندی حضرات ان احادیث کو مسلک حنفی کے دلائل کی حیثیت سے ذکر کر رہے ہیں جیسا کہ مسند حمیدی، مسند ابی عوانہ، مصنف ابن ابی شیبہ، سنن ابی داو'د وغیرہ کتب کے ساتھ ایسا سلوک کیا گیا ہے۔ اس سلسلہ میں یہ بنیادی اصول یاد رکھنا چاہیئے کہ جن احادیث میں تحریف کر کے انہیں آج حنفی مذہب کی دلیل بنایا جارہا ہے کیا دورِ ماضی میں سابقہ محدثین کرام اور حنفی علماء نے بھی ان احادیث کو اس ضمن میں ذکر کیا ہے؟ اور اگر ایسا نہیں ہوا تو یاد رکھیں کہ موجودہ دور میں ان محرف احادیث کو دلیل بنانے والے مفتری اور کذاب ہیں اور نبی صلی اللہ علیہ وسلم پر صریح جھوٹ باندھ رہے ہیں اور نبی صلی اللہ علیہ وسلم پر جان بوجھ کر جھوٹ بولنے والے کا ٹھکانہ جہنم کی آگ ہے۔
(بخاری و مسلم)۔

 

[محمد نعیم یونس]

تحقیق مزید

اس روایت کو امام ابن ابی شیبہ نے درج ذیل سند سے نقل کیا ہے:
حدثنا وکیع عن موسی بن عمیر عن علقمہ بن وائل بن حجر عن ابیہ
امام احمد بن حنبل رحمہ اللہ نے بھی اس حدیث کو بعینہٖ اسی سندسے روایت کیا ہے، اسی طرح امام دارقطنی نے بھی اس حدیث کو اسی سند سے نقل کیا ہے، مسند احمد کا عکس ملاحظہ فرمائیں:

 

[محمد نعیم یونس]

مسند احمد کو الشیخ شعیب الارنووط اور ان کے ساتھیوں نے تحقیق و تخریج کے ساتھ پچاس جلدوں میں شائع کیا ہے۔ اور اس حدیث کی انہوں نے مناسب تخریج بھی کر دی۔ اوراس حدیث کی تخریج میں سب سے پہلے انہوں نے مصنف ابن ابی شیبہ کا حوالہ دیا ہے اور انہوں نے بھی کسی خود ساختہ اضافہ کا ذکر نہیں کیا۔ وائل بن حجر کی حدیث مسند احمد میں مزید نو مقامات پر ہے اور حاشیہ میں ان احادیث کے نمبر دیئے گئے ہیں۔

 

[محمد نعیم یونس]

2-امام دارقطنی نے بھی اس حدیث کو امام وکیع کے واسطے سے روایت کیا ہے۔ انہوں نے الحسین بن اسماعیل اور عثمان بن جعفر سے اور انہوں نے یوسف بن موسی کے واسطے سے امام وکیع سے یہ حدیث روایت کی ہے اس روایت کے الفاظ مسند احمد کے الفاظ سے ملتے ہیں:

 

[محمد نعیم یونس]

امام نسائی نے اس حدیث کو سوید بن نصر سے انہوں نے عبداللہ بن مبارک سے اور عبداللہ بن مبارک نے موسیٰ بن عمیر العنبری اور قیس ابن سلیم سے اس حدیث کو روایت کیا ہے۔ امام نسائی نے اس حدیث کو اپنی دوسری کتاب السنن الکبری (ج۱ص۳۰۹) میں اسی طرح روایت کیا ہے۔

 

[محمد نعیم یونس]