محدث بک

[خضر حیات]

الحمدللہ
اور اسے کہتے ہیں انٹرنیٹی میکے میں چار ماہ چھبیس دن بعد قدم رنجا فرمانا!مسکراہٹ​

عودا حمیدا ،اختنا و اخت ولید ۔
اللہ آپ سب کو دین و ایمان والی خوب باش زندگی گزارنے کی توفیق دے ۔

 

[اخت ولید]

بہن کو خوش آمدید کہا جاتا ہے:
اھلا وسھلا مرحبا!!
اللہ تعالی آپ کو خوش و خرم رکھے۔۔آمین!

عودا حمیدا ،اختنا و اخت ولید ۔
اللہ آپ سب کو دین و ایمان والی خوب باش زندگی گزارنے کی توفیق دے ۔

جزاکما اللہ خیرا!
اللھم آمین

 

[اخت ولید]

بہت عرصے سے چند سوالات زندگی پر چھا گئے تھے۔جواب ڈھونڈے نہ ملتے تھے۔آزمائش۔۔آزمائش اور فقط آزمائش!!
1)مصائب کیوں گھیر لیتے ہیں؟ہم تو بہت معصوم اور اچھے تھے۔
اپنے آپ کو معصوم اورنیکوکار سمجھتے سمجھتے ہم خود کو ناقابل شکست سمجھ بیٹھتے ہیں۔مصائب آ کر نہ جھنجھوڑیں تو فرعون بن بیٹھیں۔ہر شخص میں اللہ نے کوئی نہ کوئی کمزوری رکھ چھوڑی ہے تا کہ وہ خود کو خدا نہ سمجھ لے۔۔اس کمزوری پر گرفت کرتے ہی اسے اپنا غلام اور بے بس ہونا سمجھ آ جائے۔
2)بہت ہی اپنوں سے ٹھیس کیوں لگتی ہے؟
ہم اپنوں کی محبت میں حد سے بہت آگے نکل جاتے ہیں۔جو وقت اللہ کو دینا تھا،وہ "اپنوں" میں بانٹتے پھرتے ہیں۔پھر اللہ عزوجل انہیں اپنوں سے ہمیں ایسی ٹھیس پہنچاتا ہے کہ سب کچھ ختم ہو جاتا ہے۔محبت کے مرکز کو تبدیل جو کرلیتے ہیں۔خالق کی مخلوق،خالق سے زیادہ اچھی جو لگنے لگتی ہے۔اہل بصیرت خوف زدہ ہو کر تائب و عائد بن جاتے ہیں اور نادان زندگی بھر انہی "اپنوں"کا ماتم کرتے رہتے ہیں۔

 

[خضر حیات]

عصر حاضر میں ’اعتدال‘ جیسی بہترین اصطلاح اپنی حقیقت کھو چکی ہے لہذا ’اعتدال ازم‘ سے ہوشیار رہیے۔
اپنے ارد گرد اعتدال کے نمونے دیکھیے ، لوگ اعتدال کے نام پر کیا کر رہے ہیں ، ملکوں کے ملک کس طرح اس اعتدال ، وسطیت کی طرف سفر کے نام پر بے دینی کی طرف گامزن ہیں.
’امت وسط ‘ والا اعتدال اور وسطیت واقعتا درست ہے ، لیکن و کذلک جعلناکم أمۃ وسطا لتکونوا شہداء علی الناس ..... میں اپنی حیثیت کو محسوس کریں۔
آج اسلامی تشخص پر سمجھوتہ کرکے بیرونی ایجنڈوں پر عمل پیرا ہونے اور خوشنما نعروں کے لیے دلائل تلاشنے اور حجتیں تراشنے کو اعتدال اور وسطیت سمجھ لیا گیا ہے۔

 

[Naeem Mukhtar]

آزادی
بھیڑیوں نے بکریوں کے حق میں جلوس نکالا کہ بکریوں کو آزادی دو بکریوں کے حقوق مارے جا رہے ہیں انہیں گھروں میں قید کر رکھا گیا ہے ایک بکری نے جب یہ آواز سنی تو دوسری بکریوں سے کہا کہ سنو سنو ہمارے حق میں جلوس نکالے جا رہے ہیں چلو ہم بھی نکلتے ہیں اور اپنے حقوق کی آواز اٹھاتے ہیں
ایک بوڑھی بکری بولی بیٹی ہوش کے ناخن لو یہ بھیڑئے ہمارے دشمن ہیں ان کی باتوں میں مت آو
مگر نوجوان بکریوں نے اس کی بات نہ مانی کہ جی آپ کا زمانہ اور تھا یہ جدید دور ہے اب کوئی کسی کے حقوق نہیں چھین سکتا یہ بھیڑئے ہمارے دشمن کیسے یہ تو ہمارے حقوق کی بات کر رہے ہیں
بوڑھی بکری سن کر بولی بیٹا یہ تمہیں برباد کرنا چاہتے ہیں ابھی تم محفوظ ہو اگر ان کی باتوں میں آگئی تو یہ تمہیں چیر پھاڑ کر رکھ دیں گے
بوڑھی بکری کی یہ بات سن کر جوان بکری غصے میں آگئی اور کہنے لگی کہ اماں تم تو بوڑھی ہوچکی اب ہمیں ہماری زندگی جینے دو تمہیں کیا پتہ آزادی کیا ہوتی ہے باہر خوبصورت کھیت ہونگے ہرے بھرے باغ ہونگے ہر طرف ہریالی ہوگی خوشیاں ہی خوشیاں ہونگی تم اپنی نصیحت اپنے پاس رکھو اب ہم مزید یہ قید برداشت نہیں کرسکتیں یہ کہ کر سب آزادی آزادی کے نعرے لگانے لگیں اور بھوک ہڑتال کردی ریوڑ کے مالک نے جب یہ صورتحال دیکھی تو مجبورا انہیں کھول کر آزاد کردیا بکریاں بہت خوش ہوئیں اور نعرے لگاتی چھلانگیں مارتی نکل بھاگیں
مگر یہ کیا؟؟؟؟ بھیڑئیوں نے تو ان پر حملہ کردیا اور معصوم بکریوں کو چیر پھاڑ کر رکھ دیا
آج عورتوں کے حقوق کی بات کرنے والے درحقیقت عورتوں تک پہنچنے کی آزادی چاہ رہے ہیں یہ ان معصوموں کے خون کے پیاسے ہیں انہیں عورتوں کے حقوق کی نہیں اپنی غلیظ پیاس کی فکر ہے کاش کہ کوئی سمجھے!!!!!!!

Sent from my SM-G360H using Tapatalk

بہت خوب

 

[خضر حیات]

بہت ساری برائیاں اجتماعی حیثیت اختیار کرچکی ہوتی ہیں۔
ایک مرد قلندر نے اس قسم کی ایک برائی پر گاؤں کی مسجدوں میں نمازوں کے وقت جاکر تنبیہ کرنا شروع کردی ، کہ ہم سب فلاں غلط کام میں شریک ہیں ، یہ درست نہیں ، یہ حرام کام ہے ، اس سے بچ جائیں۔
’سمجھدار لوگوں ‘ کا رد عمل تھا، یہ بندہ بیوقوف لگتا ہے ، اس کے گھر والوں کو کہنا شروع ہوگئے ، اسے تھوڑا سمجھائیں ، یہ کس قسم کے کام کرنا شروع ہوگیا ہے۔
بتائیے ’غربت اسلام ‘ اور کس چیز کا نام ہے ؟
ایسے بندگان خدا کو چاہیے جب لوگوں کے طعنوں سے دل پسیج جائے تو ، ’ فطوبی للغربا ‘ کی نبوی بشارت سے خود کو تسکین دے لیا کریں ، جس ایک خوش خبری پر ساری دنیا اور اس کے فلسفے قربان کیے جاسکتے ہیں۔

 

[خضر حیات]

’’قُلْ إِنَّنِي هَدَانِي رَ‌بِّي إِلَىٰ صِرَ‌اطٍ مُّسْتَقِيمٍ دِينًا قِيَمًا‘‘
عجب ، تکبر اور گھمنڈ سے پناہ مانگتے ہوئےاس آیت کی معنویت پر غور کرتے رہنا چاہیے ، کہ اللہ اپنے نبی ( صلی اللہ علیہ وسلم ) اور اس کے متبعین سے کیسا اطمینان و انشراح صدر چاہتا ہے۔
جدید علم الکلام کے متاثرین ایمان و یقین کی اس دولت کو ’ خود پسندی ‘ جیسی مذموم صفت بناکر پیش کرنا شروع کردیتے ہیں۔

 

[خضر حیات]

جو خود دینی اقدار چھوڑ کر مصلحتوں کے جوہڑ میں اتر پڑے، اسے یہ حق نہیں پہنچتا کہ دینداروں کو ’ انتہا پسندی‘ کے طعنے دے، بلکہ اسے اپنے بارے میں محسوس کرنا چاہیے کہ وہ خود دلدل میں اتر رہا ہے۔
حرام ، حرام ہی رہتا ہے ، چاہے ساری دنیا اسے اختیار کرلے۔
لوگوں کی پرواہ نہ کریں، ہر ایک نے اپنا حساب خود دیناہے۔
دین میں استقامت کا مطلب شریعت کی پیروی ہے، خواہشات نفس کی اسیری نہیں۔
إذا انحدرت في مستنقع التنازلات في دينك فلا تتهجم على الثابتين بأنهم متشدّدون بل أبصر موضع قدميك لتعرف أنك تخوض في الوحل الحرام يبقى حراماً حتى لو كان الجميع يفعله دعك منهم فسوف تُحاسب وحدك {وَكُلُّهُمْ آتِيهِ يَوْمَ الْقِيَامَةِ فَرْدًا} فاستقم ( كما أُمرت ) لا كما رغبت

 

[خضر حیات]

ایک حکومتی ادارے کی طرف سے بنائی گئی ویڈیوز دیکھیں، جن کا مقصد قومی و عوامی نظریات و عزائم دکھانا تھا، دیکھ کر دکھ ہوا۔
پلے کارڈ والی آنٹیوں والا پیغام ہی تھا، کہ ہم کسی سے کم نہیں، اور ہم نے آگے بڑھنا ہے .. وغیرہ وغیرہ۔
عجب یہ ہے کہ پاکستانی بیٹی کے طور پر بہت ساری خواتین دکھائی گئیں، حتی کہ ملالہ بھی آگئی، البتہ عافیہ صدیقی جیسی بیٹیوں کا نام تک اس میں نہیں تھا۔
پتہ نہیں یہ ادارے عافیہ کو اپنی بیٹی سمجھتے نہیں ، یا پھراپنی اس بے حسی پر شرمندہ ہیں، اس لیے اس کا ذکر کرنے سے گھبراتے ہیں۔
اور دوسری طرف ملالہ کہاں سے ہماری قوم کی نمائندہ ہوگئی ؟!
دین پسند طبقہ جو اس قوم کی اکثریت ہے ، انہیں اپنی آواز اور جذبات کا زیادہ سے زیادہ اظہار کرنے کی ضرورت ہے، ورنہ دین بیزاروں کی شرذمہ قلیلہ معاشرے میں چھارہی ہے۔

 

[سیدہ ماہ نور]

لبرل ازم وہ عینک ہے جسے لگانے کے بعد دنیا کا ہر عیب مسلمانوں میں نظر آنے لگتا ہے۔۔۔