:::::بیٹی:::::

[عبداللہ کشمیری]

​

ماں باپ کی تو جاں ہیں فرزند ہو کہ دختر
دونوں ہیں نعمت ِ رب دونوں عطائے داور​

دونوں مہک رہے ہیں اک شاخ پر برابر
حالانکہ اک کلی ہے اور ایک غنچہ ٔ تر​

دونوں کی پرورش کا ہے اک یہی طریقہ
دونوں بڑے ہوئے ہیں اک گود میں ہی پل کر​

دونوں ہی آسماں پر اک ساتھ ہیں منور
سب باعث کشش ہیں مہتاب ہو کہ اختر​

اولاد کی خوشی میں ماں باپ کی خوشی ہے
ہوتا ہے اسکو غم تو لگتی ہے چوٹ دل پر​

پہلے تو انکے غم کا کرتے ہیں یہ مداوا
کرتے ہیں پھر دعائیں شب بھر تڑپ تڑپ کر​

ماں باپ کی خوشی تو اسوقت دیکھئے گا
بچوں کی ازدواجی گر زندگی ہو بہتر​

اﷲ کی رضا ہے فرمانِ مصطفٰی ؐ ہے
بیٹی کی فکر غالب رہتی ہے خاص دل پر​

علم و حیا کی پیکر صبر و رضا کی خوگر
ہوں اتنی خوبیاں تو بنتی ہیں نیک اختر​

بیٹی سے چاہتوں کا اعلیٰ مقام دیکھو
کرتے تھے پیار بے حد دختر سے خود بھی سرورؐ​

علم و ادب میں اولیٰ اخلاق میں ہو ا ٰعلیٰ
آثمؔ یہی ہیں اچھی دختر کے خاص جوہر​

بشیر عاصم​

 

[محمد نعیم یونس]

بہت خوب!!!

 

[Dua]

بہت خوب!!!

لگتا ہے اس پوسٹ سے بیٹی کی یاد آ گئی نعیم یونس بھائی ۔اللہ آپ کی بیٹی کو خوش رکھے۔آمین

 

[محمد نعیم یونس]

لگتا ہے اس پوسٹ سے بیٹی کی یاد آ گئی نعیم یونس بھائی ۔اللہ آپ کی بیٹی کو خوش رکھے۔آمین

جی بالکل درست کہا آپ نے۔
آمین یا رب العالمین۔
جزاک اللہ خیرا۔
اللہ تعالی آپ کو ہنستا مسکراتا رکھے۔آمین۔

 

[اخت ولید]

السلام علیکم ورحمۃ اللہ وبرکاتہ​

جزاک اللہ خیرا۔۔۔!
اولاد میں تفریق معاشرے کی جڑوں کو کھوکھلا کر رہی ہے۔اللہ سبحانہ وتعالٰی تمام والدین کو اولاد کے مابین عدل سے پیش آنے کی توفیق دیں اور ہمیں اپنے والدین اور ہماری اولاد کو ہماری آنکھوں کی ٹھنڈک بنا دے۔آمین